ໃນນັ້ນ, ຍອດວົງເງິນສົ່ງອອກ-ນຳເຂົ້າຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳຄາດວ່າບັນລຸ 62.5 ຕື້ໂດລາ ເພີ່ມຂຶ້ນ 18.7% ເມື່ອທຽບກັບປີ 2023. ນຳໜ້າແມ່ນຜັກ, ໝາກໄມ້ ຊຶ່ງຄາດວ່າບັນລຸ 7.2 ຕື້ໂດລາ. ປີ 2025, ຫວຽດນາມ ວາງເປົ້າໝາຍຂຶ້ນໄປຢູ່ 5 ອັນດັບປະເທດທີ່ສົ່ງອອກໝາກໄມ້ຫຼາຍທີ່ສຸດໃນໂລກ. ທ່ານ ດັ້ງຝຸກງວຽນເລຂານຸການໃຫຍ່ສະຫະສະມາຄົມຜັກໝາກໄມ້ ຫວຽດນາມ ໃຫ້ຮູ້ວ່າ: ປີນີ້ບັນລຸໄດ້ 7.2 ຕື້ໂດລາ, ປີໜ້າອາດຈະບັນລຸໄດ້ 8 ຕື້ໂດລາ. ມີຫຼາຍປັດໄຈໃໝ່ປະກົດຂຶ້ນຄື: ໝາກຖົ່ວລຽນແຊເຢັນ, ໝາກພ້າວສົດສົ່ງອອກໄປ ຈີນ, ສ່ວນໝາກນອດພວມເຈລະຈາກັບ ອາເມຣິກາ ເພື່ອສົ່ງອອກ. ອັນດັບທີສອງແມ່ນເຂົ້າສານ, ປີ 2024, ຫວຽດນາມ ບັນລຸລະດັບສະຖິຕິທັງດ້ານປະລິມານ ແລະ ມູນຄ່າສົ່ງອອກ, ປະມານ 9 ລ້ານໂຕນ ມູນຄ່າເກືອບ 5.8 ຕື້ໂດລາ. ອັນດັບທີສາມແມ່ນກາເຟ, ພ້ອມກັບກາເຟ ແມ່ນຂະແໜງໝາກມ່ວງຫິມະພານ ຫວຽດນາມ ກໍຮັບຮູ້ຂີດໝາຍປະຫວັດສາດດ້ວຍວົງເງິນສົ່ງອອກບັນລຸ 4.3 ຕື້ໂດລາ, ເພີ່ມຂຶ້ນ 19% ເມື່ອທຽບກັບປີ 2023.
ຄໍາເຫັນ