ເດືອນເມສາ ປີ 2025 ໂລກຮ້ອນທີ່ສຸດເປັນຄັ້ງທີສອງ

12:42 12/05/2025

ຂ່າວຕ່າງປະເທດລາຍງານວ່າ: ຫວ່າງມໍ່ໆມານີ້, ໂຄງການຕິດຕາມການປ່ຽນແປງສະພາບດິນຟ້າອາກາດໂຄເປີນິຄັສ (Copernicus Climate Change Service: C3S) ເປີດເຜີຍວ່າ: ເດືອນເມສາ ປີ 2025 ແມ່ນເດືອນເມສາທີ່ອາກາດໃນທົ່ວໂລກຮ້ອນທີ່ສຸດໃນສະຖິຕິເປັນຄັ້ງທີສອງ ໂດຍເປັນຮອງພຽງເດືອນເມສາປີຜ່ານມາ.

ບົດລາຍງານຈາກ C3S ທີ່ໄດ້ຮັບທຶນສະໜັບສະໜູນຈາກສະຫະພາບເອີຣົບ (EU) ລະບຸວ່າ: ອຸນຫະພູມໃນເດືອນເມສາປີນີ້ມີຄວາມໜາວເຢັນກວ່າເດືອນເມສາ ປີ 2024 ພຽງ 0.07 ອົງສາ, ໂດຍມີອຸນຫະພູມອາກາດຢູ່ໜ້າດິນສະເລ່ຍ 14.96 ອົງສາ.

ເດືອນເມສາ ປີ 2025 ມີອຸນຫະພູມສູງກວ່າລະດັບກ່ອນຍຸກອຸດສາຫະກຳ (1850-1900) ເຖິງ 1.51 ອົງສາ, ໂດຍໃນໄລຍະ 22 ເດືອນຜ່ານມາມີເຖິງ 21 ເດືອນ ທີ່ອຸນຫະພູມອາກາດຢູ່ໜ້າດິນສະເລ່ຍໃນທົ່ວໂລກສູງກວ່າລະດັບກ່ອນຍຸກອຸດສາຫະກຳ 1.5 ອົງສາ ຊຶ່ງເປັນເກນສຳຄັນທີ່ກໍານົດໄວ້ໂດຍສັນຍາປາຣີ.

ບົດລາຍງານລະບຸວ່າ: ພື້ນທີ່ສ່ວນໃຫຍ່ຂອງເອີຣົບ ມີອຸນຫະພູມສູງກວ່າລະດັບສະເລ່ຍ. ໂດຍສະເພາະໃນເອີຣົບຕາເວັນອອກ, ຣັດເຊຍຕາເວັນຕົກ, ກາຊັກສະຖານ ແລະ ນອກແວ.

ນອກນີ້, ອຸນຫະພູມຜີວນໍ້າທະເລສະເລ່ຍໃນເດືອນເມສາປີ 2025 ແມ່ນສູງທີ່ສຸດເປັນອັນດັບສອງເມື່ອທຽບໃສ່ເດືອນເມສາປີຜ່ານມາ, ໂດຍຕໍ່າກວ່າອຸນຫະພູມສະເລ່ຍໃນເດືອນເມສາ 2024 ທີ່ 0.15 ອົງ ສາ.

ດ້ານນ້ຳກ້ອນທະເລ, ໃນເດືອນເມສາ ປີ 2025 ໄດ້ລະບຸວ່າ: ນ້ຳກ້ອນໃນທະເລອາກຕິກ ມີປະລິ ມານນ້ອຍທີ່ສຸດເປັນອັນດັບ 6, ໃນຂະນະທີ່ນ້ຳກ້ອນໃນທະເລແອນຕາກຕິກ ມີປະລິມານນ້ອຍເປັນອັນດັບ 10, ເມື່ອທຽບໃສ່ເດືອນເມສາປີຜ່ານມາ.

ຄໍາເຫັນ

ຂ່າວຕ່າງປະເທດ

UNESCO ມີຄວາມວິຕົກກັງວົນຕໍ່ຄວາມເສຍຫາຍຂອງປູສະນີຍະສະຖານປະຫວັດສາດ ອີຣານ

13/03/2026 14:10

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 11 ມີນາ ຜ່ານມາ, ອົງການສຶກສາວິທະຍາສາດ ແລະ ວັດທະນະທຳສະຫະປະຊາຊາດ (UNESCO) ໄດ້ສະແດງຄວາມວິຕົກກັງວົນກ່ຽວກັບຊາຕະກຳຂອງບັນດາມໍລະດົກໂລກຢູ່ ອີຣານ ແລະ ພາກພື້ນ, ພາຍຫຼັງວັງໂກເລສຕັນ ຢູ່ນະຄອນຫຼວງເຕເຮຣານ, ພ້ອມກັບໂບດອິສລາມ ແລະ ວັງປະຫວັດສາດຢູ່ນະຄອນອິສຟາຮານ ຖືກເປ່ເພຍ້ອນການປະທະກັນ.

IEA ປ່ອຍນ້ຳມັນອອກ 400 ລ້ານຖັງ ເພື່ອສະກັດກັ້ນວິກິດການ

13/03/2026 13:04

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 11 ມີນາ ຜ່ານມາ, ອົງການພະລັງງານສາກົນ (IEA) ໃຫ້ຮູ້ວ່າ, ບັນດາປະເທດສະມາຊິກຂອງອົງການ IEA ຈະປ່ອຍນ້ຳມັນທີ່ເກັບສຳຮອງໄວ້ຈຳນວນ 400 ລ້ານຖັງ ເພື່ອຫຼຸດຜ່ອນຜົນກະທົບຂອງການປະທະກັນຢູ່ ຕາເວັນອອກກາງ ແລະ ແມ່ນການປ່ອຍນ້ຳມັນອອກຄັ້ງໃຫຍ່ທີ່ສຸດຂອງ IEA.

ການາດາ ຈະມີການຮ່ວມມື ກັບຈີນຫຼາຍຂຶ້ນ ໃນອະນາຄົດ

13/03/2026 13:02

“ພວກເຮົາແນມເບິ່ງໂລກຕາມຄວາມເປັນຈິງ ບໍ່ແມ່ນຕາມສິ່ງທີ່ພວກເຮົາຢາກໃຫ້ເປັນ.” ນີ້ແມ່ນຄຳອະທິບາຍຂອງ ມາກຄາເນ (Mark Carney )ນາຍົກລັດຖະມົນຕີຂອງການາດາ ກ່ຽວກັບແນວທາງການຈັດການຄວາມສຳພັນກັບ ສປ ຈີນ. ທ່ານໄດ້ກ່າວຕໍ່ນັກຂ່າວວ່າ “ໂລກໄດ້ມີການປ່ຽນໄປແລ້ວ” ແລະ ການປັບປຸງຄວາມສຳພັນກັບຈີນຈະຊ່ວຍໃຫ້ ການາດາ ມີຈຸດຢືນທີ່ດີໃນ “ລະບຽບໂລກໃໝ່”. ຄຳເຫັນດັ່ງກ່າວຖືກກ່າວຂຶ້ນເມື່ອທ່ານໃນລະຫວ່າງການເດີນທາງຢ້ຽມຢາມ ສປ ຈີນໃນເດືອນມັງກອນທີ່ຜ່ານມາ.

ຜູ້ນຳພັກ ແລະ ລັດຈີນ ເຂົ້າຮ່ວມພິທີປິດກອງປະຊຸມຄັ້ງທີ 4 ຂອງສະພາປະຊາຊົນແຫ່ງຊາດຈີນຊຸດທີ 14

13/03/2026 12:56

ຂ່າວສານຊີອາໄອລາຍງານວ່າ ໃນວັນທີ 12 ມີນາ ຜ່ານມາ, ກອງປະຊຸມຄັ້ງທີ 4 ຂອງສະພາປະຊາຊົນແຫ່ງຊາດ ຈີນຊຸດທີ 14 ໄດ້ປິດລົງຢູ່ຫໍສະພາປະຊາຊົນແຫ່ງຊາດຈີນທີ່ນະຄອນຫຼວງປັກກິ່ງ. ໂດຍມີທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດ ປະທານປະເທດຈີນ ປະທານຄະນະກຳມະການການທະຫານສູນກາງຈີນ ພ້ອມດ້ວຍຜູ້ນຳພັກ ແລະ ລັດເຂົ້າຮ່ວມ.

ທ່ານ ໂຕເລິມ ຮຽກຮ້ອງຜັນຂະຫຍາຍມະຕິເລກທີ 57 ຂອງກົມການເມືອງຢ່າງມີປະສິດທິຜົນ

13/03/2026 12:55

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 12 ມີນາ ຜ່ານມາ, ຢູ່ສຳນັກງານສູນກາງພັກ ທີ່ນະຄອນຫຼວງຮ່າໂນ້ຍ, ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໄດ້ເປັນປະທານວາລະປະຊຸມຄັ້ງທີ 1 ປີ 2026 ຂອງຄະນະປະຈຳຄະນະຊີ້ນຳສູນກາງກ່ຽວກັບການພັດທະນາວິທະຍາສາດ, ເຕັກໂນໂລຊີ, ນະວັດຕະກຳ ແລະ ການຫັນເປັນດີຈີຕອນ. ເຂົ້າຮ່ວມວາລະປະຊຸມມີ ທ່ານ ຟ້າມມິງຈິງ ນາຍົກລັດຖະມົນຕີ, ທ່ານ ເຈິ່ນແທັງເໝີ້ນ ປະທານສະພາແຫ່ງຊາດ ແລະ ທ່ານ ເຈິ່ນເກິມຕູ ຜູ້ປະຈຳການຄະນະເລຂາທິການສູນກາງພັກ.

ຍ້ອນຫຍັງປະມວນກົດໝາຍສະບັບທີ 2 ຂອງຈີນຈຶ່ງສຸມໃສ່ສິ່ງແວດລ້ອມນິເວດ

13/03/2026 12:51

ຫຼັງຈາກປະມວນກົດໝາຍແພ່ງແລ້ວ, ປະມວນກົດໝາຍສະບັບທີ 2 ຂອງຈີນຄື “ຮ່າງປະມວນກົດໝາຍວ່າດ້ວຍສິ່ງແວດລ້ອມນິເວດສາທາລະນະລັດປະຊາຊົນຈີນ” ຖືກຈັດເຂົ້າໃນວາລະຄົ້ນຄວ້າພິຈາລະນາຂອງສະພາປະຊາຊົນແຫ່ງຊາດຈີນ. ການຖືເອົາສິ່ງແວດລ້ອມນິເວດເປັນຫົວຂໍ້ຫຼັກຂອງປະມວນກົດໝາຍສະບັບທີ 2, ດ້ານໜຶ່ງແມ່ນສອດຄ່ອງກັບຄວາມຕ້ອງການຕົວຈິງໃນການຄຸ້ມຄອງສິ່ງແວດລ້ອມນິເວດຂອງຈີນ, ອີກດ້ານໜຶ່ງກໍສອດຄ່ອງກັບຄວາມຮຽກຮ້ອງຕ້ອງການຂອງຍຸກສະໄໝແຫ່ງການພັດທະນາດ້ວຍຄຸນນະພາບສູງ, ຍິ່ງໄດ້ສະແດງໃຫ້ເຫັນເຖິງຄວາມມຸ່ງມາດປາຖະໜາອັນດີງາມທີ່ມະນຸດ ແລະ ທຳມະຊາດຢູ່ຮ່ວມກັນຢ່າງກົມກຽວກັນ.

EU ຈັດສັນເງິນ 100 ລ້ານເອີໂຣ ຊ່ວຍເຫຼືອລີບັງ

12/03/2026 11:39

ຂ່າວຕ່າງປະເທດລາຍງານໃນວັນທີ 12 ມີນາ ນີ້ວ່າ: ສະຫະພາບເອີຣົບ (EU) ກຳລັງໃຫ້ການຊ່ວຍເຫຼືອມູນຄ່າ 100 ລ້ານເອີໂຣ ແກ່ລີບັງ ຫຼັງຈາກການໂຈມຕີຢ່າງໜັກໜ່ວງຂອງອິສຣາແອນ, ໂດຍລ້າສຸດມີຈຳນວນຜູ້ອົບພະຍົບຢ່າງເປັນທາງການເພີ່ມຂຶ້ນເປັນ 800,000 ຄົນ.

ການສົ່ງອອກ ຂອງ ສ ເກົາຫຼີ ເພີ່ມຂຶ້ນ 55.6% ໃນ 10 ມື້ທຳອິດຂອງເດືອນມີນາ

12/03/2026 11:29

ຂ່າວຕ່າງປະເທດລາຍງານວ່າ: ສຳນັກງານພາສີຂອງ ສ ເກົາຫຼີ (KCS) ໄດ້ເປີດເຜີຍໃນວັນທີ 11 ມີນາ ຜ່ານມາວ່າ, ການສົ່ງອອກຂອງ ສ ເກົາຫຼີ ໃນ 10 ມື້ທໍາອິດຂອງເດືອນມີນາ ໄດ້ເພີ່ມຂຶ້ນ 55.6% ເມື່ອທຽບໃສ່ປີກ່ອນ, ໂດຍໄດ້ຮັບແຮງຂັບເຄື່ອນຈາກຄວາມຕ້ອງການທີ່ເຂັ້ມແຂງຂອງຊິບເຊມິຄອນດັກເຕີຈາກຕ່າງປະເທດ.

ຍີ່ປຸ່ນ ກຽມປ່ອຍນ້ຳມັນສຳຮອງ ເພື່ອຮັບມືກັບລາຄານ້ຳມັນທີ່ເພີ່ມຂຶ້ນ

12/03/2026 11:28

ຂ່າວຕ່າງປະເທດລາຍງານໃນວັນທີ 11 ມີນາ ຜ່ານມາວ່າ: ທ່ານນາງ ທານາເອະ ທາຄາອິຈິ ນາຍົກລັດຖະມົນຕີ ຍີ່ປຸ່ນ ໄດ້ປະກາດວ່າ: ຍີ່ປຸ່ນຈະເລີ່ມປ່ອຍນ້ຳມັນຈາກຄັງສຳຮອງແຫ່ງຊາດຂອງຕົນໃນວັນ 16 ມີນາ ຈະມາເຖິງນີ້, ເພື່ອຮັບມືກັບການເພີ່ມຂຶ້ນຂອງລາຄານ້ຳມັນແອັດຊັງ ແລະ ຜະລິດຕະພັນນ້ຳມັນອື່ນໆ ທ່າມກາງສະຖານະການຄວາມຂັດແຍ້ງທີ່ເພີ່ມຂຶ້ນໃນຕາເວັນອອກກາງ.

ວິກິດການຂົນສົ່ງທາງທະເລໃນຊ່ອງແຄບຮໍມຸສ ສ່ຽງກະທົບຕ່ອງໂສ້ການສະໜອງທົ່ວໂລກ

12/03/2026 11:05

ຂ່າວຕ່າງປະເທດລາຍງານໃນວັນທີ 11 ມີນາ ຜ່ານມາວ່າ: ກອງປະຊຸມສະຫະປະຊາຊາດ ວ່າດ້ວຍການຄ້າ ແລະ ການພັດທະນາ (UNCTAD) ໄດ້ເປີດເຜີຍໃນວັນທີ 10 ມີນາ ຜ່ານມາວ່າ: ການສັນຈອນທາງທະເລທີ່ຢຸດສະງັກໃນບໍລິເວນຊ່ອງແຄບຮໍມຸສ ເມື່ອບໍ່ດົນມານີ້ ໄດ້ເຮັດໃຫ້ເກີດຄວາມກັງວົນກ່ຽວກັບຜົນກະທົບຢ່າງກວ້າງຂວາງຕໍ່ຕະຫຼາດພະລັງງານ, ການຂົນສົ່ງທາງເຮືອ ແລະ ລະບົບຕ່ອງໂສ້ການສະໜອງທົ່ວໂລກ.

ເພີ່ມເຕີມ