ເດືອນເມສາ ປີ 2025 ໂລກຮ້ອນທີ່ສຸດເປັນຄັ້ງທີສອງ

12:42 12/05/2025

ຂ່າວຕ່າງປະເທດລາຍງານວ່າ: ຫວ່າງມໍ່ໆມານີ້, ໂຄງການຕິດຕາມການປ່ຽນແປງສະພາບດິນຟ້າອາກາດໂຄເປີນິຄັສ (Copernicus Climate Change Service: C3S) ເປີດເຜີຍວ່າ: ເດືອນເມສາ ປີ 2025 ແມ່ນເດືອນເມສາທີ່ອາກາດໃນທົ່ວໂລກຮ້ອນທີ່ສຸດໃນສະຖິຕິເປັນຄັ້ງທີສອງ ໂດຍເປັນຮອງພຽງເດືອນເມສາປີຜ່ານມາ.

ບົດລາຍງານຈາກ C3S ທີ່ໄດ້ຮັບທຶນສະໜັບສະໜູນຈາກສະຫະພາບເອີຣົບ (EU) ລະບຸວ່າ: ອຸນຫະພູມໃນເດືອນເມສາປີນີ້ມີຄວາມໜາວເຢັນກວ່າເດືອນເມສາ ປີ 2024 ພຽງ 0.07 ອົງສາ, ໂດຍມີອຸນຫະພູມອາກາດຢູ່ໜ້າດິນສະເລ່ຍ 14.96 ອົງສາ.

ເດືອນເມສາ ປີ 2025 ມີອຸນຫະພູມສູງກວ່າລະດັບກ່ອນຍຸກອຸດສາຫະກຳ (1850-1900) ເຖິງ 1.51 ອົງສາ, ໂດຍໃນໄລຍະ 22 ເດືອນຜ່ານມາມີເຖິງ 21 ເດືອນ ທີ່ອຸນຫະພູມອາກາດຢູ່ໜ້າດິນສະເລ່ຍໃນທົ່ວໂລກສູງກວ່າລະດັບກ່ອນຍຸກອຸດສາຫະກຳ 1.5 ອົງສາ ຊຶ່ງເປັນເກນສຳຄັນທີ່ກໍານົດໄວ້ໂດຍສັນຍາປາຣີ.

ບົດລາຍງານລະບຸວ່າ: ພື້ນທີ່ສ່ວນໃຫຍ່ຂອງເອີຣົບ ມີອຸນຫະພູມສູງກວ່າລະດັບສະເລ່ຍ. ໂດຍສະເພາະໃນເອີຣົບຕາເວັນອອກ, ຣັດເຊຍຕາເວັນຕົກ, ກາຊັກສະຖານ ແລະ ນອກແວ.

ນອກນີ້, ອຸນຫະພູມຜີວນໍ້າທະເລສະເລ່ຍໃນເດືອນເມສາປີ 2025 ແມ່ນສູງທີ່ສຸດເປັນອັນດັບສອງເມື່ອທຽບໃສ່ເດືອນເມສາປີຜ່ານມາ, ໂດຍຕໍ່າກວ່າອຸນຫະພູມສະເລ່ຍໃນເດືອນເມສາ 2024 ທີ່ 0.15 ອົງ ສາ.

ດ້ານນ້ຳກ້ອນທະເລ, ໃນເດືອນເມສາ ປີ 2025 ໄດ້ລະບຸວ່າ: ນ້ຳກ້ອນໃນທະເລອາກຕິກ ມີປະລິ ມານນ້ອຍທີ່ສຸດເປັນອັນດັບ 6, ໃນຂະນະທີ່ນ້ຳກ້ອນໃນທະເລແອນຕາກຕິກ ມີປະລິມານນ້ອຍເປັນອັນດັບ 10, ເມື່ອທຽບໃສ່ເດືອນເມສາປີຜ່ານມາ.

ຄໍາເຫັນ

ຂ່າວຕ່າງປະເທດ

ມາເລເຊຍ ຂຶ້ນແຜນຊ່ວຍເຫຼືອ ຫວຽດນາມ ສ້າງຕັ້ງສູນອາຫານ Halal

18/06/2025 13:33

ວິທະຍຸກະຈາຍສຽງຫວຽດນາມລາຍງານ ຫວ່າງມໍ່ໆມານີ້ວ່າ: ສະຫະສະມາຄົມນັກຮົບເກົ່າ ມາເລເຊຍ (PVATM) ມີແຜນການຊ່ວຍເຫຼືອ ຫວຽດນາມ ສ້າງຕັ້ງສູນອາຫານ Hala ຊຶ່ງແມ່ນສູນລົງເລິກກ່ຽວກັບມາດຕະຖານອາຫານທີ່ສະຫງວນໃຫ້ແກ່ຊາວມຸດສະລິມ ແລະ ເພື່ອແນໃສ່ປະກອບສ່ວນຊຸກຍູ້ການຮ່ວມມືສອງຝ່າຍ ກໍຄືເປີດກວ້າງຂອບເຂດການຮ່ວມມືດ້ານການຄ້າຂອງ ມາເລເຊຍ ໃນທົ່ວໂລກ.

ອົສຕຣາລີ ອອກຄຳເຕືອນ ເຫັດພິດຮ້າຍແຮງ ເຮັດໃຫ້ເສຍຊີວິດ

18/06/2025 13:32

ຂ່າວຕ່າງປະເທດລາຍງານ ໃນວັນທີ 17 ມິຖຸນາ ຜ່ານມາວ່າ: ພະແນກສາທາລະນະສຸກຂອງລັດ New South Wales ປະເທດອົສຕຣາລີ ໄດ້ອອກຄໍາເຕືອນກ່ຽວກັບອັນຕະລາຍຈາກການກິນເຫັດ “ໝວກມໍລະນະ” ຊຶ່ງເປັນເຫັດພິດຮ້າຍແຮງ ທີ່ພົບເຫັນໃນປ່າທຳມະຊາດຂອງນະຄອນຊິດນີ ແລະ ບໍລິເວນອ້ອມຂ້າງ ເມື່ອບໍ່ດົນມານີ້.

ສະວິດ ຫຼຸດການຄາດຄະເນເສດຖະກິດປີ 2025-2026

18/06/2025 13:30

ຂ່າວຕ່າງປະເທດລາຍ ຫວ່າງບໍ່ດົນມານີ້ວ່າ: ຫ້ອງການເສດຖະກິດ (SECO) ຂອງປະເທດສະວິດ ປະກາດຫຼຸດການຄາດຄະເນການເຕີບໂຕທາງດ້ານເສດຖະກິດສໍາລັບປີ 2025 ແລະ 2026 ເນື່ອງຈາກຄວາມບໍ່ແນ່ນອນກ່ຽວກັບນະໂຍບາຍການຄ້າ ແລະ ເສດຖະກິດລະຫວ່າງປະເທດຍັງຄົງສູງ ແລະ ສົ່ງຜົນຕໍ່ທ່າອ່ຽງຂອງເສດຖະກິດທົ່ວໂລກ ແລະ ເສດຖະກິດ ສະວິດ.

ສະຫະລັດ ອາເມຣິກາ - ອັງກິດ ລົງນາມຂໍ້ຕົກລົງການຄ້າສອງຝ່າຍ

18/06/2025 13:30

ຂ່າວຕ່າງປະເທດລາຍງານ ໃນວັນທີ 17 ມິຖຸນາ ຜ່ານມາວ່າ: ທ່ານ ໂດໂນ ທຣໍາ ປະທານາທິບໍດີ ສະຫະລັດ ອາເມຣິກາ ແລະ ທ່ານ ເຄຍ ສະຕາຣເມີ ນາຍົກລັດຖະມົນຕີອັງກິດ ໄດ້ລົງນາມໃນຂໍ້ຕົກລົງການຄ້າລະຫວ່າງກອງປະຊຸມສຸດຍອດ G7 ທີ່ການາດາ, ທ່ານ ສະຕາຣເມີ ກ່າວວ່າ: ຂໍ້ຕົກລົງນີ້ຈະປະຕິບັດຕາມຂໍ້ຕົກລົງສອງຝ່າຍກ່ຽວກັບອັດຕາພາສີລົດຍົນ ແລະ ການບິນອາວະກາດ.

ສິງກະໂປ ສົ່ງອອກສິນຄ້າທີ່ບໍ່ແມ່ນນໍ້າມັນ ຫຼຸດລົງ 3.5%

18/06/2025 13:28

ຂ່າວຕ່າງປະເທດລາຍງານວ່າ: ອົງການວິສາຫະກິດຂອງສິງກະໂປ (Enterprise Singapore) ເປີດເຜີຍໃນວັນທີ 17 ມິຖຸນາ ຜ່ານມາວ່າ: ການສົ່ງອອກສິນຄ້າທີ່ບໍ່ແມ່ນນໍ້າມັນ (NODX) ຫຼຸດລົງ 3.5% ໃນເດືອນພຶດສະພາ ເມື່ອປຽບທຽບປີຕໍ່ປີ, ຈາກທີ່ເຄີຍຂະຫຍາຍຕົວເຖິງ 12.4% ໃນເດືອນເມສາ ແລະ ກົງກັນຂ້າມກັບນັກນັກວິເຄາະຄາດຄະເນວ່າຈະຂະຫຍາຍຕົວ 8%.

ທ່ານ ສີຈິ້ນຜິງ ເຂົ້າຮ່ວມກອງປະຊຸມສຸດຍອດຈີນ-ອາຊີກາງ ຄັ້ງທີ 2

18/06/2025 13:26

ຂ່າວສານຊີອາໄອລາຍງານວ່າ: ໃນຕອນບ່າຍວັນທີ 17 ມິຖຸນາ ຜ່ານມາ (ຕາມເວລາທ້ອງຖິ່ນ), ກອງປະຊຸມສຸດຍອດ ຈີນ-ອາຊີກາງ ຄັ້ງທີ 2 ໄດ້ຈັດຂຶ້ນຢູ່ຫໍເອກະລາດ ທີ່ນະຄອນຫຼວງອັສຕານາ ປະເທດກາຊັກສະຖານ. ທ່ານ ຄາຊິມ ໂຈມັດ ໂຕຄາເຢັຟ ປະທານາທິບໍດີກາຊັກສະຖານ ເປັນເຈົ້າພາບຈັດກອງປະຊຸມ. ທ່ານ ສີຈິ້ນຜິງ ປະທານປະເທດຈີນ ພ້ອມດ້ວຍປະມຸກລັດຈາກປະເທດຕ່າງໆໄດ້ເຂົ້າຮ່ວມກອງປະຊຸມ.

ຫວຽດນາມ ເສີມຂະຫຍາຍບົດບາດນຳພາ ຂອງລັດວິສາຫະກິດໃນການພັດທະນາເສດຖະກິດ

18/06/2025 13:24

ວິທະຍຸກະຈາຍສຽງຫວຽດນາມລາຍງານວ່າ: ຫວ່າງມໍ່ໆມານີ້ ຢູ່ສຳນັກງານລັດຖະບານ ຫວຽດນາມ ທີ່ນະຄອນຫຼວງຮ່າໂນ້ຍ, ທ່ານ ຫງວຽນຈີຢຸງ ຮອງນາຍົກລັດຖະມົນຕີ ຫວຽດນາມ ໄດ້ເປັນປະທານກອງປະຊຸມກ່ຽວກັບແຜນຮ່າງສະຫຼຸບການປະຕິບັດມະຕິກອງປະຊຸມສູນກາງ ຄັ້ງທີ 5 ຂອງພັກກອມມູນິດ ຫວຽດນາມ ຊຸດທີ XII ກ່ຽວກັບລັດວິສາຫະກິດ.

ຈັດກິດຈະກຳແລກປ່ຽນດ້ານວັດທະນະທຳລະຫວ່າງຈີນ-ອາຊີກາງ 2025 ຢູ່ອັສຕານາ

17/06/2025 13:21

ຂ່າວສານຊີອາໄອລາຍງານວ່າ: ໃນວັນທີ 16 ມິຖຸນາ ຜ່ານມານີ້, ກິດຈະກຳແລກປ່ຽນດ້ານວັດທະນະທຳລະຫວ່າງຈີນ - ອາຊີກາງ 2025 ທີ່ມີວິທະຍຸໂທລະພາບສູນກາງຈີນ ຫຼື CMG ແລະ ອົງການສັງລວມວິທະຍຸໂທລະພາບປະທານາທິບໍດີກາຊັກສະຖານເປັນເຈົ້າພາບຮ່ວມ ໄດ້ຈັດຂຶ້ນຢູ່ສູນປະທານາທິບໍດີກາຊັກສະຖານທີ່ນະຄອນຫຼວງອັສຕານາ. ແຂກຜູ້ມີກຽດ 150 ກວ່າທ່ານຈາກວົງການຕ່າງໆເຊັ່ນ:ການເມືອງ, ເສດຖະກິດ, ວັດທະນະທຳ, ສື່ມວນຊົນ, ການສຶກສາ ແລະ ອື່ນໆຂອງຈີນ ແລະ 5 ປະເທດໃນອາຊີກາງ ໄດ້ເຂົ້າຮ່ວມກິດຈະກຳຄັ້ງນີ້.

ການຮ່ວມມື AI ລະດັບໂລກ ປະຕິວັດການປິ່ນປົວມະເຮັງສ່ວນບຸກຄົນ

16/06/2025 13:35

ຂ່າວຕ່າງປະເທດລາາຍງານ ຫວ່າງມໍ່ໆມານີ້; ສະຖາບັນຄົ້ນຄວ້າກ່ຽວກັບເດັກ ຂອງອົສຕຣາລີ ລາຍງານວ່າ: ທີມນັກວິທະຍາສາດອົສຕຣາລີແລະສາກົນໄດ້ແນະນຳເຕັກນິກປັນຍາປະດິດ (AI) ທີ່ສາມາດວິເຄາະຕົວຢ່າງມະເຮັງຈາກທົ່ວໂລກທີ່ເຊື່ອຖືໄດ້ ຊຶ່ງປູທາງສູ່ການປິ່ນປົວມະເຮັງສ່ວນບຸກຄົນ ພ້ອມທັງປົກປ້ອງຄວາມເປັນສ່ວນຕົວຂອງຄົນເຈັບແລະຊ່ວຍໃຫ້ທ່ານໝໍປະຕິບັດການປິ່ນປົວຄົນເຈັບແຕ່ລະຄົນໄດ້ດີຍິ່ງຂຶ້ນ.

EU ເລັ່ງອອກມາດຕະການປະຢັດພະລັງງານຂອງສູນຂໍ້ມູນ

16/06/2025 13:34

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ສະຫະພາບເອີຣົບ (EU) ກໍາລັງຊຸກຍູ້ມາດຕະການເພີ່ມປະສິດທິພາບການໃຊ້ພະລັງງານໃນສູນຂໍ້ມູນເພື່ອຫຼຸດຜ່ອນຜົນກະທົບຈາກການໃຊ້ໄຟຟ້າທີ່ຄາດວ່າຈະເພີ່ມຂຶ້ນຢ່າງໄວວາໃນທົດສະວັດນີ້ເນື່ອງຈາກການຂະຫຍາຍຕົວຂອງເຕັກໂນໂລຊີປັນຍາປະດິດ (AI) ຊຶ່ງປັດຈຸບັນສູນຂໍ້ມູນກວມເອົາປະມານ 3% ຂອງການໃຊ້ໄຟຟ້າຂອງ EU.

ເພີ່ມເຕີມ