ອີງຕາມຂໍ້ມູນລ້າສຸດຂອງສູນຄົ້ນຄວ້າຮ່ວມດັ່ງກ່າວ ລະບຸວ່າ: ເຈົ້າໜ້າທີ່ໄດ້ບັນທຶກເຫດການໄຟປ່າ 1,628 ຄັ້ງ ນັບຕັ້ງແຕ່ວັນທີ 1 ມັງກອນ 2025, ເພີ່ມຂຶ້ນຈາກ 1,089 ຄັ້ງ ໂດຍປະເມີນວ່າມີການປ່ອຍອາຍກາກບອນໄດອອກໄຊ ປະມານ 14.11 ລ້ານໂຕນ.
ຄວາມສ່ຽງຂອງສະພາບດິນຟ້າອາກາດທີ່ສົ່ງເສີມການເກີດໄຟໄໝ້ປ່າຍັງຄົງຢູ່ໃນລະດັບສູງ. ໂດຍທ່າອ່ຽງດັດສະນີສະພາບອາກາດໄຟໄໝ້ປ່າໃນໄລຍະວັນທີ 11-17 ສິງຫານີ້ ສະແດງໃຫ້ເຫັນວ່າຫຼາຍພາກສ່ວນຂອງເອີຣົບຈະປະສົບກັບອາກາດ "ຮ້າຍແຮງທີ່ສຸດ" ໂດຍສະເພາະແມ່ນໃນແຫຼມໄອບີເຣຍ, ພື້ນທີ່ສ່ວນໃຫຍ່ຂອງຝຣັ່ງ, ແຫຼມບອລຂ່ານ, ເກຣັກ, ຣູມານີ, ບູນກາລີ, ສະໂລເວນີ, ໂອຕຣິດ ແລະ ຮົງກາລີ. ອີກທັງຄາດວ່າໃນຊູແອດ, ບາງພື້ນທີ່ຂອງນອກແວ ແລະ ພາກຕາເວັນອອກຂອງແຟັງລັງ ຈະປະເຊີນກັບອັນຕະລາຍຈາກໄຟປ່າສູງກວ່າປົກກະຕິ.
ສັນຍານຕາມລະດູການຊີ້ໃຫ້ເຫັນສະຖານະການສິ້ນສຸດລະດູການທີ່ຫຍຸ້ງຍາກ, ໂດຍຄາດວ່າອຸນ ຫະພູມໃນເດືອນກັນຍາໃນທົ່ວເອີຣົບຈະສູງກວ່າຄ່າສະເລ່ຍ ແລະ ຈະມີຄວາມຜິດປົກກະຕິທີ່ຮ້າຍແຮງທີ່ສຸດໃນປະເທດຝຣັ່ງ, ພາກເໜືອຂອງອີຕາລີ ແລະ ຮົງກາຣີ. ໃນຂະນະທີ່ຄາດວ່າປະລິມານຝົນຕົກຈະຕໍ່າກວ່າຄ່າສະເລ່ຍໃນຫຼາຍເຂດຂອງພາກໃຕ້ ແລະ ພາກກາງຂອງເອີຣົບ, ລວມທັງປະເທດຝຣັ່ງ, ແຫຼມບອລຂ່ານ, ໂປໂລຍ, ດາກມາກ ແລະ ພາກໃຕ້ຂອງຊູແອດ.
ຄໍາເຫັນ