FAOລາຍງານວ່າ: ການສົ່ງອອກເຂົ້າສາລີທົ່ວໂລກສຳລັບປີກະສິກຳ 2024-2025 ຈະຫຼຸດລົງປະມານ 8% ຢູ່ທີ່ 193.3 ລ້ານໂຕນ ຊຶ່ງຕໍ່າສຸດໃນຮອບ 4 ປີແລະຈະຟື້ນຕົວໄດ້ພຽງ 3.8% ຢູ່ທີ່200.6 ລ້ານໂຕນໃນລະດູການຕໍ່ໄປ, ໂດຍຣັດເຊຍຍັງຄົງມີທ່າອ່ຽງເປັນປະເທດສົ່ງອອກແຖວໜ້າຂອງໂລກ.
ການຄາດຄະເນການຂອງFAOລະບຸວ່າ: ການສົ່ງອອກເຂົ້າສາລີຂອງຣັດເຊຍສຳລັບປີກະສິກຳ 2024-2025ຈະຢູ່ທີ່ 42.6 ລ້ານໂຕນ ຊຶ່ງສູງກວ່າຄ່າສະເລ່ຍ 42 ລ້ານໂຕນໃນໄລຍະ3 ປີກ່ອນພຽງເລັກນ້ອຍ ແລະ ໂຕເລກນີ້ຈະເພີ່ມຂຶ້ນເປັນ 46.5 ລ້ານໂຕນໃນປີຕໍ່ໄປ.
ທັງນີ້, ຣັດເຊຍມີທ່າອ່ຽງຈະສະໜອງເຂົ້າສາລີສູ່ຕະຫຼາດໂລກພຽງແຕ່ 22% ແລະ 23% ສຳລັບປີກະສິກຳປັດຈຸບັນ ແລະ ປີຕໍ່ໄປ ຊຶ່ງສູງກວ່າຄ່າສະເລ່ຍ 20.7% ໃນໄລຍະສາມປີຜ່ານມາພຽງເລັກນ້ອຍ.
ດ້ານການສົ່ງອອກຂອງ ສະຫະພາບເອີຣົບ (EU) ຊຶ່ງເປັນຜູ້ສະໜອງເຂົ້າສາລີລາຍໃຫຍ່ອັນດັບສອງຂອງໂລກ ຄາດວ່າຈະຫຼຸດລົງເປັນ 24 ລ້ານໂຕນໃນປີນີ້ ຫຼັງຈາກສົ່ງອອກສະເລ່ຍ 32.7 ລ້ານໂຕນໃນໄລຍະ3 ລະດູການຜ່ານມາ. ໂດຍການສົ່ງອອກຄາດວ່າຈະຟື້ນຕົວເປັນ 30.7 ລ້ານໂຕນໃນປີໜ້າ.
ການາດາ ເປັນຜູ້ສະໜອງເຂົ້າສາລີລາຍໃຫຍ່ອັນດັບສາມຂອງໂລກໃນປີນີ້, ມີທ່າອ່ຽງຈະສົ່ງອອກເພີ່ມຂຶ້ນ19% ເມື່ອທຽບໃສ່ກັບຄ່າສະເລ່ຍ 26 ລ້ານໂຕນໃນຫຼາຍລະດູການທີ່ຜ່ານມາແລະຈະຫຼຸດລົງເປັນ 25.5 ລ້ານໂຕນໃນປີໜ້າ.
ຄໍາເຫັນ