ໂດຍ: ຣັດສະໝີ ດວງສັດຈະ
ພັກ ແລະ ລັດຖະບານແຫ່ງ ສປປ ລາວ ໄດ້ມີແນວທາງ, ແຜນນະໂຍບາຍ ແລະ ຄວາມພະຍາຍາມສູງ ເພື່ອນໍາກະແສໄຟຟ້າ ກະຈາຍສູ່ຕົວເມືອງ, ເຂດພູດອຍ-ຊົນນະບົດ, ຫ່າງໄກສອກຫຼີກ ເປັນປະຖົມປັດໄຈພື້ນຖານໃນການພັດທະນາເສດຖະກິດ - ສັງຄົມ ຊຶ່ງນຳເອົາຄວາມສີວິໄລ ແລະ ຄວາມຈະເລີນຮຸ່ງເຮືອງ ມາສູ່ປະຊາຊົນລາວ ບັນດາເຜົ່າໃນທົ່ວປະເທດ.
ລັດວິສາຫະກິດໄຟຟ້າລາວ (ຟຟລ) ເປັນວິສາຫະກິດ ທີ່ມີມູນຄ່າຊັບສິນສູງ ທີ່ສຸດຂອງປະເທດ ໂດຍມີໜ້າທີ່ຈັດຕັ້ງປະຕິບັດຍຸດທະສາດຂອງພັກ-ລັດ ມອບໝາຍໃຫ້ ແລະ ເປັນຄວາມຮັບຜິດຊອບໜ້າທີ່ການເມືອງກໍຄືການປະຕິບັດໜ້າທີ່ສະໜັບສະໜູນ ແລະ ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ໃນແຕ່ລະໄລຍະໃຫ້ເປັນຮູບປະທຳ ຮັບປະກັນການສະໜອງໄຟຟ້າໃຫ້ປະຊາຊົນລາວ ສາມາດມີໄຟຟ້າໃຊ້ຢ່າງພຽງພໍ ແລະ ທົ່ວເຖິງ ຕາມທິດທາງນະໂຍບາຍທີ່ລັດຖະບານກຳນົດໄວ້ ຊຶ່ງໃນຂະນະນີ້ ປະຊາຊົນລາວສາມາດມີໄຟຟ້າໃຊ້ແລ້ວເຖິງ 95% ຂອງຈໍານວນຄົວເຮືອນທັງໝົດ ໃນທົ່ວປະເທດ;ໃນບົດສະເໜີຂອງທ່ານ ຈັນທະບູນ ສຸກອາລຸນຜູ້ອໍານວຍການໃຫຍ່ ຟຟລ ຄັ້ງວັນທີ 16 ມັງກອນ 2023 ວ່າ: ປັດຈຸບັນທົ່ວປະເທດ ມີແຫຼ່ງຜະລິດໄຟຟ້າທັງໝົດ 89 ແຫ່ງ ທີ່ສະໜອງໄຟຟ້າ ໃຫ້ໄຟຟ້າລາວ ລວມກໍາລັງຕິດຕັ້ງ ທັງໝົດ 4.537 MW, ມີສະຖານີໄຟຟ້າແຮງສູງ 75 ແຫ່ງ, ມີລະບົບສາຍສົ່ງໄຟຟ້າແຮງສູງ 115 ກວ ແລະ 230 ກວ ຍາວ 9.974 Km ວົງຈອນ, ມີກຳລັງຕິດຕັ້ງໝໍ້ແປງຫຼາຍກວ່າ 6.000 MVA, ມີລະບົບຕາຂ່າຍຈຳໜ່າຍໄຟຟ້າ ພາກແຮງດັນກາງ ແລະ ແຮງດັນຕໍ່າ ຍາວ 55.600 Km ວົງຈອນ, ມີໝໍ້ແປງຢູ່ລະບົບຈຳໜ່າຍ 33.898 ໜ່ວຍ ລວມກຳລັງຕິດຕັ້ງຫຼາຍກວ່າ 5.600 MVA, ມີພະນັກງານທັງໝົດ 5.800 ຄົນ, ໃນນັ້ນ ເຮັດວຽກບໍລິຫານ, ສ້ອມແປງ ແລະ ຄຸ້ມຄອງລະບົບໄຟຟ້າ ກວມເອົາ 70% ຂອງພະນັກງານທັງໝົດມີ 19 ສາຂາ ແລະ ມີສູນບໍລິການລູກຄ້າ 149 ສູນ.
ເພື່ອດໍາເນີນທຸລະກິດຂອງ ຟຟລ ໃຫ້ມີຄວາມຍືນຍົງ ແລະ ເຂັ້ມແຂງ; ຟຟລ ກໍາລັງປະຕິບັດ 4 ມາດຕະການປະຕິຮູບຢ່າງຮີບດ່ວນ ຄື: ປະຕິຮູບອົງກອນ ໂດຍການປະຕິຮູບກົນໄກ ແລະ ຄົນ; ພ້ອມນັ້ນ, ຍັງຄົ້ນຄວ້າປັບປຸງໂຄງສ້າງລາຄາໄຟຟ້າໃຫ້ສອດຄ່ອງ, ເປັນທຳຕໍ່ຜູ້ຊື້ ແລະ ຜູ້ຂາຍ; ເຈລະຈາປັບປຸງສັນຍາ ຊື້-ຂາຍໄຟ ກັບບັນດາແຫຼ່ງຜະລິດໃຫ້ຫຼຸດລົງ ເພື່ອຫຼຸດຕົ້ນທຶນ; ແລະ ເຈລະຈາ ຂໍປັບໂຄງສ້າງໜີ້ກັບທະນາຄານ ແລະ ສະຖາບັນການເງິນຕ່າງໆ ໂດຍ ຟຟລ ຈະເຮັດໃຫ້ການບໍລິຫານ ແລະ ດໍາເນີນທຸລະກິດມີຄວາມໂປ່ງໃສ, ມີປະສິດທິພາບ, ກວດສອບໄດ້ ເພື່ອສ້າງຄວາມເຊື່ອໝັ້ນໃຫ້ກັບທຸກພາກສ່ວນ, ສ້າງຄວາມໝັ້ນຄົງທາງດ້ານພະລັງງານ, ຊື້ໄຟທີ່ມີຄຸນນະພາບ ແລະ ເປັນປະໂຫຍດ ໃຫ້ແກ່ລະບົບຂອງ ຟຟລ ໃນລາຄາທີ່ສົມເຫດສົມຜົນ, ຫຼຸດລາຄາສະເລ່ຍລວມຂອງການຊື້ໄຟໃຫ້ຕໍ່າລົງ, ການລົງທຶນໃໝ່ຕ້ອງຮັບປະກັນໃຫ້ມີປະສິດທິຜົນ, ສ້າງລາຍຮັບອື່ນໆ ຈາກທ່າແຮງຂອງ ຟຟລ ເພື່ອບໍ່ໃຫ້ລາຄາໄຟຟ້າພາຍໃນປະເທດສູງເກີນໄປ ແລະ ຄົ້ນຄ້ວາທຸລະກິດປິ່ນອ້ອມ ທີ່ມີທ່າແຮງ ເປັນຕົ້ນບໍລິການໃຫ້ເຊົ່າສາຍໃຍແກ້ວ Fiber Optic ເພື່ອເພີ່ມລາຍຮັບແກ່ອົງກອນ ແລະ ອື່ນໆ.
ອີງຕາມບົດລາຍງານຂອງລັດຖະບານ ຕໍ່ກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ໃນວັນທີ 31.10.2023 ວ່າ: ອີງຕາມມະຕິ 10/ລບ ກ່ຽວກັບແຜນປະຕິຮູບແຕ່ປີ 2021-2025 ໃນເບື້ອງຕົ້ນມີ 31 ຫົວໜ່ວຍ, ແບ່ງອອກ 4 ປະເພດການປະຕິຮູບ ໂດຍສະເພາະສືບຕໍ່ດໍາເນີນຂັ້ນຕອນການປະຕິຮູບ 19 ຫົວໜ່ວຍ ໃນນັ້ນ ມີລັດວິສາຫະກິດໄຟຟ້າລາວ ຊຶ່ງພາຍຫຼັງທີ່ລັດຖະບານຮັບຮອງແຜນປະຕິຮູບຢ່າງຮອບດ້ານຈາກກົມການເມືອງສູນກາງພັກ ແລະ ລັດຖະບານ ຊຶ່ງໄດ້ສໍາເລັດບັນດາໜ້າວຽກບຸລິມະສິດ ເປັນຕົ້ນ: ປັບປຸງໂຄງຮ່າງການຈັດຕັ້ງ ແລະ ບຸກຄະລາກອນຄືນໃໝ່, ຫັນການຄຸ້ມຄອງພະນັກງານຖາວອນມາໃຊ້ເປັນລະບົບ ວ່າຈ້າງຕາມສັນຍາແຮງງານ, ປັບປຸງໂຄງສ້າງໜີ້ ໂດຍເຈລະຈາກັບເຈົ້າໜີ້ ເພື່ອຢືດເວລາການຊໍາລະຕົ້ນທຶນ ແລະ ດອກເບ້ຍ, ປັບປຸງລາຄາໄຟ ພາກບໍ່ແມ່ນທີ່ຢູ່ອາໄສ ເພື່ອຫຼຸດຜ່ອນການຂາດທຶນ, ເຈລະຈາຫຼຸດມູນຄ່າໂຄງການຕ່າງໆທີ່ເຫັນວ່າມູນຄ່າສູງ, ຫຼຸດລາຍຈ່າຍບໍລິຫານ ແລະ ສ້າງລາຍຮັບເພີ່ມ.
ໃນຕໍ່ໜ້ານີ້ ຈະເລັ່ງການປະຕິຮູບດ້ານລະບົບການຖືບັນຊີດ້ານລາຍຮັບ - ລາຍຈ່າຍ ໃຫ້ໄດ້ມາດຕະຖານ, ປັບປຸງປະ ສິດທິພາບ ລະບົບສາຍສົ່ງ ແລະ ຈໍາໜ່າຍໃຫ້ທົ່ວເຖິງ ແລະ ມີຄວາມສະຖຽນ, ຄົ້ນຄວ້າກົນໄກການຜະລິດ ແລະ ບໍລິຫານກະແສໄຟຟ້າ ໃຫ້ພຽງພໍ; ສ້າງຄວາມເຂັ້ມແຂງດ້ານການເງິນ, ບໍ່ມີການເກື້ອກູນ ຈາກພາກລັດ ໂດຍກຸ້ມຕົນເອງ ແລະ ສາມາດສ້າງຜົນກໍາໄລ ດ້ວຍການແຍກໜີ້ສິນຄຸມເຄືອຜ່ານມາ ເປັນອັນສະເພາະ.
ການດຳເນີນທຸລະກິດໃຫ້ມີປະສິດທິພາບ ແລະ ປະສິດທິຜົນ ແນໃສ່ສ້າງອຸດສາຫະກໍາໄຟຟ້າໃຫ້ເປັນຂະແໜງການຫຼັກໃນການພັດທະນາເສດຖະກິດ-ສັງຄົມ ແລະ ສ້າງລາຍຮັບໃຫ້ແກ່ປະເທດ, ພ້ອມທັງ ຊຸກຍູ້ສົ່ງເສີມຂະແໜງການປິ່ນອ້ອມໃຫ້ມີການພັດທະນາໄປຄຽງຄູ່ກັນ ເພື່ອສ້າງວຽກເຮັດງານທຳໃຫ້ປະຊາຊົນລາວບັນດາເຜົ່າ ແລະ ໄດ້ຊົມໃຊ້ໄຟຟ້າໃນລາຄາທີ່ສົມເຫດສົມຜົນ ໂດຍການປະຕິບັດ 2 ໜ້າທີ່ຍຸດທະສາດໃຫ້ສອດຄ່ອງນັ້ນ ຈຶ່ງໄດ້ເປັນພາລະໜ້າທີ່ ທີ່ໜັກໜ່ວງໃຫ້ ຟຟລ ແລະ ຈໍາເປັນຕ້ອງໃຊ້ທຶນຮອນອັນມະຫາສານເຂົ້າໃນການພັດທະນາລະບົບໂຄງລ່າງພື້ນຖານ ນັບຕັ້ງແຕ່ການລົງທຶນກໍ່ສ້າງແຫຼ່ງຜະລິດ (ສ່ວນໃຫຍ່ການລົງທຶນ ໂດຍນັກລົງທຶນຕ່າງປະເທດ); ການກໍ່ສ້າງສາຍສົ່ງ-ສະຖານີໄຟຟ້າແຮງສູງ, ກໍ່ສ້າງຕາຂ່າຍໄຟຟ້າແຮງກາງ ແລະ ແຮງຕໍ່າ, ຈົນຮອດໝໍ້ນັບໄຟທີ່ຕິດຕັ້ງຕາມຄົວເຮືອນຂອງປະຊາຊົນ ຊຶ່ງບັນດາທຶນຮອນເຫຼົ່ານັ້ນສ່ວນໜຶ່ງໄດ້ມາຈາກງົບປະມານຂອງລັດຖະບານ ແລະ ການຊ່ວຍເຫຼືອຂອງຕ່າງປະເທດ, ແຕ່ສ່ວນໃຫຍ່ມາຈາກການກູ້ຢືມສະຖາບັນການເງິນຕ່າງໆ ທັງພາຍໃນ ແລະ ຕ່າງປະເທດ.
ຄຽງຄູ່ກັບການລົງທຶນພັດທະນາພື້ນຖານໂຄງລ່າງ, ຟຟລ ມີພັນທະ ທີ່ຕ້ອງແບກຫາບໜີ້ສິນ ທັງຕົ້ນທຶນ ແລະ ດອກເບ້ຍ ກູ້ຢືມຈາກສະຖາບັນການເງິນຕ່າງໆ; ປັດຈຸບັນເວົ້າໄດ້ວ່າ: ເປັນໄລຍະທີ່ ຟຟລ ຕ້ອງການທຶນຮອນຫຼາຍທີ່ສຸດ ເພື່ອມາແກ້ໄຂໜີ້ສິນ ທີ່ຮອດກຳນົດຕ້ອງຊຳລະຄືນ ແລະ ເປັນໄລຍະ ທີ່ຫຍຸ້ງຍາກທີ່ສຸດຂອງ ຟຟລ ບວກກັບສະພາບການຜັນຜວນຂອງເສດຖະກິດ ກໍຄືວິກິດດ້ານພະລັງງານ ທີ່ບັນດາປະເທດພາກພື້ນ ແລະ ສາກົນກຳລັງປະເຊີນ; ແຕ່ເຖິງແນວໃດກໍ່ຕາມ, ຂໍໃຫ້ເຊື່ອໝັ້ນວ່າ: ພາຍຫຼັງທີ່ພວກເຮົາສາມາດຜ່ານພົ້ນຈຸດວິກິດນີ້ໄປໄດ້ ໃນອະນາຄົດບໍ່ດົນນີ້ ສິ່ງທີ່ໄດ້ທຸ້ມເທ ແລະ ອຸທິດໄປນັ້ນຈະສາມາດສ້າງພື້ນຖານ ແລະ ສ້າງຄວາມສະດວກສະບາຍ ໃຫ້ຮຸ່ນລູກ-ຮຸ່ນຫຼານ ໃນຍຸກຕໍ່ໄປ ແລະ ຈະເລີ່ມແຕ່ບັດນີ້ເປັນຕົ້ນໄປ ຟຟລ ຈະເຮັດໃຫ້ການບໍລິຫານ ແລະ ດຳເນີນທຸລະກິດ ມີຄວາມໂປ່ງໃສ, ມີປະສິດທິພາບ, ກວດສອບໄດ້ ເພື່ອສ້າງຄວາມເຊື່ອໝັ້ນ ໃຫ້ກັບທຸກພາກສ່ວນ, ສ້າງຄວາມໝັ້ນຄົງທາງດ້ານພະລັງງານ, ໃນຂະນະດຽວກັນ ກໍຈະສ້າງລາຍຮັບອື່ນໆຈາກທ່າແຮງຂອງ ຟຟລ ເພື່ອບໍ່ໃຫ້ລາຄາໄຟຟ້າພາຍໃນປະເທດສູງເກີນໄປ.
ພັກ ແລະ ລັດຖະບານແຫ່ງ ສປປ ລາວ ໄດ້ມີແນວທາງ, ແຜນນະໂຍບາຍ ແລະ ຄວາມພະຍາຍາມສູງ ເພື່ອນໍາກະແສໄຟຟ້າ ກະຈາຍສູ່ຕົວເມືອງ, ເຂດພູດອຍ-ຊົນນະບົດ, ຫ່າງໄກສອກຫຼີກ ເປັນປະຖົມປັດໄຈພື້ນຖານໃນການພັດທະນາເສດຖະກິດ - ສັງຄົມ ຊຶ່ງນຳເອົາຄວາມສີວິໄລ ແລະ ຄວາມຈະເລີນຮຸ່ງເຮືອງ ມາສູ່ປະຊາຊົນລາວ ບັນດາເຜົ່າໃນທົ່ວປະເທດ.
ລັດວິສາຫະກິດໄຟຟ້າລາວ (ຟຟລ) ເປັນວິສາຫະກິດ ທີ່ມີມູນຄ່າຊັບສິນສູງ ທີ່ສຸດຂອງປະເທດ ໂດຍມີໜ້າທີ່ຈັດຕັ້ງປະຕິບັດຍຸດທະສາດຂອງພັກ-ລັດ ມອບໝາຍໃຫ້ ແລະ ເປັນຄວາມຮັບຜິດຊອບໜ້າທີ່ການເມືອງກໍຄືການປະຕິບັດໜ້າທີ່ສະໜັບສະໜູນ ແລະ ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ໃນແຕ່ລະໄລຍະໃຫ້ເປັນຮູບປະທຳ ຮັບປະກັນການສະໜອງໄຟຟ້າໃຫ້ປະຊາຊົນລາວ ສາມາດມີໄຟຟ້າໃຊ້ຢ່າງພຽງພໍ ແລະ ທົ່ວເຖິງ ຕາມທິດທາງນະໂຍບາຍທີ່ລັດຖະບານກຳນົດໄວ້ ຊຶ່ງໃນຂະນະນີ້ ປະຊາຊົນລາວສາມາດມີໄຟຟ້າໃຊ້ແລ້ວເຖິງ 95% ຂອງຈໍານວນຄົວເຮືອນທັງໝົດ ໃນທົ່ວປະເທດ;ໃນບົດສະເໜີຂອງທ່ານ ຈັນທະບູນ ສຸກອາລຸນຜູ້ອໍານວຍການໃຫຍ່ ຟຟລ ຄັ້ງວັນທີ 16 ມັງກອນ 2023 ວ່າ: ປັດຈຸບັນທົ່ວປະເທດ ມີແຫຼ່ງຜະລິດໄຟຟ້າທັງໝົດ 89 ແຫ່ງ ທີ່ສະໜອງໄຟຟ້າ ໃຫ້ໄຟຟ້າລາວ ລວມກໍາລັງຕິດຕັ້ງ ທັງໝົດ 4.537 MW, ມີສະຖານີໄຟຟ້າແຮງສູງ 75 ແຫ່ງ, ມີລະບົບສາຍສົ່ງໄຟຟ້າແຮງສູງ 115 ກວ ແລະ 230 ກວ ຍາວ 9.974 Km ວົງຈອນ, ມີກຳລັງຕິດຕັ້ງໝໍ້ແປງຫຼາຍກວ່າ 6.000 MVA, ມີລະບົບຕາຂ່າຍຈຳໜ່າຍໄຟຟ້າ ພາກແຮງດັນກາງ ແລະ ແຮງດັນຕໍ່າ ຍາວ 55.600 Km ວົງຈອນ, ມີໝໍ້ແປງຢູ່ລະບົບຈຳໜ່າຍ 33.898 ໜ່ວຍ ລວມກຳລັງຕິດຕັ້ງຫຼາຍກວ່າ 5.600 MVA, ມີພະນັກງານທັງໝົດ 5.800 ຄົນ, ໃນນັ້ນ ເຮັດວຽກບໍລິຫານ, ສ້ອມແປງ ແລະ ຄຸ້ມຄອງລະບົບໄຟຟ້າ ກວມເອົາ 70% ຂອງພະນັກງານທັງໝົດມີ 19 ສາຂາ ແລະ ມີສູນບໍລິການລູກຄ້າ 149 ສູນ.
ເພື່ອດໍາເນີນທຸລະກິດຂອງ ຟຟລ ໃຫ້ມີຄວາມຍືນຍົງ ແລະ ເຂັ້ມແຂງ; ຟຟລ ກໍາລັງປະຕິບັດ 4 ມາດຕະການປະຕິຮູບຢ່າງຮີບດ່ວນ ຄື: ປະຕິຮູບອົງກອນ ໂດຍການປະຕິຮູບກົນໄກ ແລະ ຄົນ; ພ້ອມນັ້ນ, ຍັງຄົ້ນຄວ້າປັບປຸງໂຄງສ້າງລາຄາໄຟຟ້າໃຫ້ສອດຄ່ອງ, ເປັນທຳຕໍ່ຜູ້ຊື້ ແລະ ຜູ້ຂາຍ; ເຈລະຈາປັບປຸງສັນຍາ ຊື້-ຂາຍໄຟ ກັບບັນດາແຫຼ່ງຜະລິດໃຫ້ຫຼຸດລົງ ເພື່ອຫຼຸດຕົ້ນທຶນ; ແລະ ເຈລະຈາ ຂໍປັບໂຄງສ້າງໜີ້ກັບທະນາຄານ ແລະ ສະຖາບັນການເງິນຕ່າງໆ ໂດຍ ຟຟລ ຈະເຮັດໃຫ້ການບໍລິຫານ ແລະ ດໍາເນີນທຸລະກິດມີຄວາມໂປ່ງໃສ, ມີປະສິດທິພາບ, ກວດສອບໄດ້ ເພື່ອສ້າງຄວາມເຊື່ອໝັ້ນໃຫ້ກັບທຸກພາກສ່ວນ, ສ້າງຄວາມໝັ້ນຄົງທາງດ້ານພະລັງງານ, ຊື້ໄຟທີ່ມີຄຸນນະພາບ ແລະ ເປັນປະໂຫຍດ ໃຫ້ແກ່ລະບົບຂອງ ຟຟລ ໃນລາຄາທີ່ສົມເຫດສົມຜົນ, ຫຼຸດລາຄາສະເລ່ຍລວມຂອງການຊື້ໄຟໃຫ້ຕໍ່າລົງ, ການລົງທຶນໃໝ່ຕ້ອງຮັບປະກັນໃຫ້ມີປະສິດທິຜົນ, ສ້າງລາຍຮັບອື່ນໆ ຈາກທ່າແຮງຂອງ ຟຟລ ເພື່ອບໍ່ໃຫ້ລາຄາໄຟຟ້າພາຍໃນປະເທດສູງເກີນໄປ ແລະ ຄົ້ນຄ້ວາທຸລະກິດປິ່ນອ້ອມ ທີ່ມີທ່າແຮງ ເປັນຕົ້ນບໍລິການໃຫ້ເຊົ່າສາຍໃຍແກ້ວ Fiber Optic ເພື່ອເພີ່ມລາຍຮັບແກ່ອົງກອນ ແລະ ອື່ນໆ.
ອີງຕາມບົດລາຍງານຂອງລັດຖະບານ ຕໍ່ກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ໃນວັນທີ 31.10.2023 ວ່າ: ອີງຕາມມະຕິ 10/ລບ ກ່ຽວກັບແຜນປະຕິຮູບແຕ່ປີ 2021-2025 ໃນເບື້ອງຕົ້ນມີ 31 ຫົວໜ່ວຍ, ແບ່ງອອກ 4 ປະເພດການປະຕິຮູບ ໂດຍສະເພາະສືບຕໍ່ດໍາເນີນຂັ້ນຕອນການປະຕິຮູບ 19 ຫົວໜ່ວຍ ໃນນັ້ນ ມີລັດວິສາຫະກິດໄຟຟ້າລາວ ຊຶ່ງພາຍຫຼັງທີ່ລັດຖະບານຮັບຮອງແຜນປະຕິຮູບຢ່າງຮອບດ້ານຈາກກົມການເມືອງສູນກາງພັກ ແລະ ລັດຖະບານ ຊຶ່ງໄດ້ສໍາເລັດບັນດາໜ້າວຽກບຸລິມະສິດ ເປັນຕົ້ນ: ປັບປຸງໂຄງຮ່າງການຈັດຕັ້ງ ແລະ ບຸກຄະລາກອນຄືນໃໝ່, ຫັນການຄຸ້ມຄອງພະນັກງານຖາວອນມາໃຊ້ເປັນລະບົບ ວ່າຈ້າງຕາມສັນຍາແຮງງານ, ປັບປຸງໂຄງສ້າງໜີ້ ໂດຍເຈລະຈາກັບເຈົ້າໜີ້ ເພື່ອຢືດເວລາການຊໍາລະຕົ້ນທຶນ ແລະ ດອກເບ້ຍ, ປັບປຸງລາຄາໄຟ ພາກບໍ່ແມ່ນທີ່ຢູ່ອາໄສ ເພື່ອຫຼຸດຜ່ອນການຂາດທຶນ, ເຈລະຈາຫຼຸດມູນຄ່າໂຄງການຕ່າງໆທີ່ເຫັນວ່າມູນຄ່າສູງ, ຫຼຸດລາຍຈ່າຍບໍລິຫານ ແລະ ສ້າງລາຍຮັບເພີ່ມ.
ໃນຕໍ່ໜ້ານີ້ ຈະເລັ່ງການປະຕິຮູບດ້ານລະບົບການຖືບັນຊີດ້ານລາຍຮັບ - ລາຍຈ່າຍ ໃຫ້ໄດ້ມາດຕະຖານ, ປັບປຸງປະ ສິດທິພາບ ລະບົບສາຍສົ່ງ ແລະ ຈໍາໜ່າຍໃຫ້ທົ່ວເຖິງ ແລະ ມີຄວາມສະຖຽນ, ຄົ້ນຄວ້າກົນໄກການຜະລິດ ແລະ ບໍລິຫານກະແສໄຟຟ້າ ໃຫ້ພຽງພໍ; ສ້າງຄວາມເຂັ້ມແຂງດ້ານການເງິນ, ບໍ່ມີການເກື້ອກູນ ຈາກພາກລັດ ໂດຍກຸ້ມຕົນເອງ ແລະ ສາມາດສ້າງຜົນກໍາໄລ ດ້ວຍການແຍກໜີ້ສິນຄຸມເຄືອຜ່ານມາ ເປັນອັນສະເພາະ.
ການດຳເນີນທຸລະກິດໃຫ້ມີປະສິດທິພາບ ແລະ ປະສິດທິຜົນ ແນໃສ່ສ້າງອຸດສາຫະກໍາໄຟຟ້າໃຫ້ເປັນຂະແໜງການຫຼັກໃນການພັດທະນາເສດຖະກິດ-ສັງຄົມ ແລະ ສ້າງລາຍຮັບໃຫ້ແກ່ປະເທດ, ພ້ອມທັງ ຊຸກຍູ້ສົ່ງເສີມຂະແໜງການປິ່ນອ້ອມໃຫ້ມີການພັດທະນາໄປຄຽງຄູ່ກັນ ເພື່ອສ້າງວຽກເຮັດງານທຳໃຫ້ປະຊາຊົນລາວບັນດາເຜົ່າ ແລະ ໄດ້ຊົມໃຊ້ໄຟຟ້າໃນລາຄາທີ່ສົມເຫດສົມຜົນ ໂດຍການປະຕິບັດ 2 ໜ້າທີ່ຍຸດທະສາດໃຫ້ສອດຄ່ອງນັ້ນ ຈຶ່ງໄດ້ເປັນພາລະໜ້າທີ່ ທີ່ໜັກໜ່ວງໃຫ້ ຟຟລ ແລະ ຈໍາເປັນຕ້ອງໃຊ້ທຶນຮອນອັນມະຫາສານເຂົ້າໃນການພັດທະນາລະບົບໂຄງລ່າງພື້ນຖານ ນັບຕັ້ງແຕ່ການລົງທຶນກໍ່ສ້າງແຫຼ່ງຜະລິດ (ສ່ວນໃຫຍ່ການລົງທຶນ ໂດຍນັກລົງທຶນຕ່າງປະເທດ); ການກໍ່ສ້າງສາຍສົ່ງ-ສະຖານີໄຟຟ້າແຮງສູງ, ກໍ່ສ້າງຕາຂ່າຍໄຟຟ້າແຮງກາງ ແລະ ແຮງຕໍ່າ, ຈົນຮອດໝໍ້ນັບໄຟທີ່ຕິດຕັ້ງຕາມຄົວເຮືອນຂອງປະຊາຊົນ ຊຶ່ງບັນດາທຶນຮອນເຫຼົ່ານັ້ນສ່ວນໜຶ່ງໄດ້ມາຈາກງົບປະມານຂອງລັດຖະບານ ແລະ ການຊ່ວຍເຫຼືອຂອງຕ່າງປະເທດ, ແຕ່ສ່ວນໃຫຍ່ມາຈາກການກູ້ຢືມສະຖາບັນການເງິນຕ່າງໆ ທັງພາຍໃນ ແລະ ຕ່າງປະເທດ.
ຄຽງຄູ່ກັບການລົງທຶນພັດທະນາພື້ນຖານໂຄງລ່າງ, ຟຟລ ມີພັນທະ ທີ່ຕ້ອງແບກຫາບໜີ້ສິນ ທັງຕົ້ນທຶນ ແລະ ດອກເບ້ຍ ກູ້ຢືມຈາກສະຖາບັນການເງິນຕ່າງໆ; ປັດຈຸບັນເວົ້າໄດ້ວ່າ: ເປັນໄລຍະທີ່ ຟຟລ ຕ້ອງການທຶນຮອນຫຼາຍທີ່ສຸດ ເພື່ອມາແກ້ໄຂໜີ້ສິນ ທີ່ຮອດກຳນົດຕ້ອງຊຳລະຄືນ ແລະ ເປັນໄລຍະ ທີ່ຫຍຸ້ງຍາກທີ່ສຸດຂອງ ຟຟລ ບວກກັບສະພາບການຜັນຜວນຂອງເສດຖະກິດ ກໍຄືວິກິດດ້ານພະລັງງານ ທີ່ບັນດາປະເທດພາກພື້ນ ແລະ ສາກົນກຳລັງປະເຊີນ; ແຕ່ເຖິງແນວໃດກໍ່ຕາມ, ຂໍໃຫ້ເຊື່ອໝັ້ນວ່າ: ພາຍຫຼັງທີ່ພວກເຮົາສາມາດຜ່ານພົ້ນຈຸດວິກິດນີ້ໄປໄດ້ ໃນອະນາຄົດບໍ່ດົນນີ້ ສິ່ງທີ່ໄດ້ທຸ້ມເທ ແລະ ອຸທິດໄປນັ້ນຈະສາມາດສ້າງພື້ນຖານ ແລະ ສ້າງຄວາມສະດວກສະບາຍ ໃຫ້ຮຸ່ນລູກ-ຮຸ່ນຫຼານ ໃນຍຸກຕໍ່ໄປ ແລະ ຈະເລີ່ມແຕ່ບັດນີ້ເປັນຕົ້ນໄປ ຟຟລ ຈະເຮັດໃຫ້ການບໍລິຫານ ແລະ ດຳເນີນທຸລະກິດ ມີຄວາມໂປ່ງໃສ, ມີປະສິດທິພາບ, ກວດສອບໄດ້ ເພື່ອສ້າງຄວາມເຊື່ອໝັ້ນ ໃຫ້ກັບທຸກພາກສ່ວນ, ສ້າງຄວາມໝັ້ນຄົງທາງດ້ານພະລັງງານ, ໃນຂະນະດຽວກັນ ກໍຈະສ້າງລາຍຮັບອື່ນໆຈາກທ່າແຮງຂອງ ຟຟລ ເພື່ອບໍ່ໃຫ້ລາຄາໄຟຟ້າພາຍໃນປະເທດສູງເກີນໄປ.
ຄໍາເຫັນ