ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້, ສຳນັກຂ່າວສານ Kyodo ໄດ້ລົງຂ່າວບັນດາເຈົ້າໜ້າທີ່ຂອງກຸ່ມບັນດາປະເທດອຸດສາຫະກຳພັດທະນາ G7 ເຫັນດີເປັນເອກະພາບຕໍ່ຮ່າງບັນດາຫຼັກການແນະນຳໃຫ້ບັນດາບໍລິສັດພັດທະນາປັນຍາປະດິດ (AI) ປະເພດຕ່າງໆທີ່ມີຄວາມກ້າວໜ້າ, ໂດຍຫວັງຫຼຸດຜ່ອນບັນດາຄວາມສ່ຽງທີ່ກ່ຽວຂ້ອງ ຄື: ການລົບກວນ, ຂໍ້ມູນທີ່ຜິດພາດ ແລະ ບັນດາຄວາມວິຕົກກັງວົນກ່ຽວກັບບັນຫາສິດຄວາມເປັນສ່ວນຕົວ.
ຂ່າວລະບຸວ່າ: ກຸ່ມ G7 ລວມມີ: ອັງກິດ, ອາເມຣິກາ, ເຢຍລະມັນ, ຍີ່ປຸ່ນ, ຝຣັ່ງ, ການາດາ ແລະ ອີຕາລີ ໄດ້ປຶກສາຫາລືກ່ຽວກັບຄວາມຈຳເປັນຂອງບັນດາມາດຖານສາກົນ ເພື່ອຂຸດຄົ້ນເຕັກໂນໂລຊີທີ່ພວມພັດທະນາຄື: ChatGPT ໂດຍ ບໍລິສັດ OpenAI.
ກ່ອນໜ້ານັ້ນ, G7 ໄດ້ກ່າວເຕືອນກ່ຽວກັບບັນດາຄວາມສ່ຽງກ່ຽວກັບ AI ລວມມີ: ການລົບກວນ, ປຸກຄວາມຄຽດແຄ້ນ ແລະ ສວຍໃຊ້ແບບທາງໄກ ກໍຄືນາບຂູ່ເຖິງຄວາມປອດໄພຂອງເດັກນ້ອຍ, ສິດຄວາມເປັນສ່ວນຕົວ ແລະ ມີຄວາມສ່ຽງຄອບງຳຂໍ້ມູນ. G7 ມຸ່ງໄປເຖິງການຮຽບຮຽງບັນດາກົດແຫ່ງການປະພຶດສາກົນ ໃຫ້ແກ່ບັນດານັກພັດທະນາເຄື່ອງມື AI ກໍຄືບັນດາບົດແນະນຳໃຫ້ແກ່ຜູ້ສະໜອງ ແລະ ຜູ້ນຳໃຊ້ການບໍລິການ AI ເພື່ອສະກັດກັ້ນບັນດາເຕັກໂນໂລຊີທີ່ກ່ຽວຂ້ອງຖືກຮັບໃຊ້ໃຫ້ແກ່ບັນດາການກະທຳລະເມີດກົດໝາຍ.
ຄໍາເຫັນ