ເສດຖະກິດ 9 ເດືອນຕົ້ນປີ 2026 ໄດ້ຮັບຮູ້ລະດັບການເຕີບໂຕສູງທີ່ສຸດໃນຫຼາຍປີ, ສ້າງພື້ນຖານສຳຄັນເພື່ອກ້າວໄປເຖິງເປົ້າໝາຍການເຕີບໂຕສອງໂເລກ. ທ່ານ ໂງວັນຕວັນ ລັດຖະມົນຕີກະຊວງການເງິນ ກ່າວໃນກອງປະຊຸມ ວ່າ: ບັນດາໂຕເລກທີ່ເປັນໜ້າປະທັບໃຈ ແລະ ກ້າວກະໂດດຂັ້ນ ບັນລຸລະດັບສະຖິຕິກ່ຽວກັບການເຕີບໂຕ ແລະ ດຶງດູດການລົງທຶນຄື: GDP ໄຕມາດທີ III/2026 ຄາດວ່າບັນລຸ 9.95%, ນຳການເຕີບໂຕ GDP 9 ເດືອນບັນລຸ 9.01%. 12 ທ້ອງຖິ່ນມີການເຕີບໂຕບັນລຸສອງໂຕເລກກວ່າ 10% ດ້ວຍບັນດາທ້ອງຖິ່ນນຳໜ້າດ້ານເສດຖະກິດຄື: ນະຄອນຫຼວງຮ່າໂນ້ຍ, ນະຄອນໂຮ່ຈິມິນ, ຫ໋າຍຝ່ອງ, ກ໋ວາງນິງ, ບັກນິງ. ຈຳນວນນັກທ່ອງທ່ຽວສາກົນ ໃນ 9 ເດືອນຕົ້ນປີບັນລຸ 17 ລ້ານເທື່ອຄົນ (ເພີ່ມ 14%) ຢູ່ລະດັບສູງທີ່ສຸດນັບແຕ່ກ່ອນມາຮອດປັດຈຸບັນ. ທຶນຈົດທະບຽນລົງທຶນຈາກຕ່າງປະເທດ (FDI) ບັນລຸ 50 ຕື້ກວ່າໂດລາ; ການປ່ອຍເງິນບັນລຸ 21 ຕື້ກວ່າໂດລາ. ເປັນຄັ້ງທຳອິດຂະແໜງການແພດຈັດຕັ້ງການກວດປິ່ນປົວພະຍາດ ປະຈຳປີໂດຍບໍ່ຄິດຄ່າໃຫ້ແກ່ປະຊາຊົນປະມານ 52 ລ້ານຄົນ, ໄປຄຽງຄູ່ກັບການຍູ້ແຮງເຜີຍແຜ່ນໍາໃຊ້ປຶ້ມສຸຂະພາບດີຈີຕອນ.
ທ່ານນາຍົກລັດຖະມົນຕີຫວຽດນາມ ກ່າວວ່າ: ນີ້ແມ່ນໄລຍະສຸດທ້າຍທີ່ມີຄວາມໝາຍຕັດສິນ, ຮຽກຮ້ອງບັນດາກະຊວງ, ຂະແໜງການ, ທ້ອງຖິ່ນຜັນຂະຫຍາຍຢ່າງລະອຽດ, ບັນດາຄວາມສາມາດບົ່ມຊ້ອນ ແລະ ກຳລັງໜູນເຕີບໂຕຕ້ອງຂຸດຄົ້ນຢ່າງສຸດຂີດ. ບັນດາກະຊວງ, ຂະແໜງການຕ້ອງແກ້ໄຂດ້ວຍມາດຕະການລະອຽດ, ມີຄວາມເຂັ້ມແຂງຢ່າງພຽງພໍ, ມີຄວາມເປັນໄປໄດ້ເພື່ອສ້າງການຫັນປ່ຽນຢ່າງຕັ້ງໜ້າກວ່າເກົ່າໃນໄຕມາດທີ IV ຂອງປີ 2026.
ທ່ານນາຍົກລັດຖະມົນຕີຫວຽດນາມ ຮຽກຮ້ອງໃຫ້ບັນດາກະຊວງ, ຂະແໜງການ, ທ້ອງຖິ່ນ ໃກ້ຊິດປະຕິບັດບັນດາມະຕິ, ບົດສະຫຼຸບຂອງສູນກາງ ແລະ ບັນດາໂຄງການຂອງລັດຖະບານ, ຈຸດສຸມແມ່ນ ສ້າງລະບອບລະບຽບການກົດໝາຍໃຫ້ສົມບູນແບບ, ແກ້ໄຂບັນດາຄວາມຫຍຸ້ງຍາກໃຫ້ແກ່ໂຄງການຍັງຄົງຂ້າງຢ່າງທັນການ, ຖືນີ້ແມ່ນແຫຼ່ງກຳລັງສຳຄັນຮັບໃຊ້ການພັດທະນາ.
ຄໍາເຫັນ