ຮັບຮອງ 5 ບ້ານຂອງເມືອງຈອມເພັດເປັນບ້ານປ້ອງກັນຊາດເຂັ້ມແຂງ

ເມື່ອບໍ່ດົນມານີ້, ທີບ້ານແກ້ງແຄນເມືອງຈອມເພັດ ແຂວງຫຼວງພະບາງ ໄດ້ຈັດພິທີປະກາດຮັບຮອງເອົາຄອບຄົວ ແລະບ້ານປ້ອງກັນຊາດເຂັ້ມແຂງ ໂດຍການເປັນປະທານຂອງທ່ານ ບົວພັນອຸດົມສິນ ຮອງເລຂາພັກເມືອງ, ມີທ່ານ ພັນໂທ ຄຳແດງ ໄຊຍະຫານ ຫົວໜ້າພະແນກກໍ່ສ້າງຮາກຖານ ກອງບັນຊາການທະຫານແຂວງ ພ້ອມດ້ວຍພາກ ສ່ວນກ່ຽວຂ້ອງເຂົ້າຮ່ວມ. 
ທ່ານ ວົງສັກ ພົນສະຫວັດ ນາຍບ້ານແກ້ງແຄນ ຕາງໜ້າອົງການປົກຄອງ 5 ບ້ານໄດ້ຂຶ້ນຜ່ານບົດລາຍງານ ການກໍ່ສ້າງຄອບຄົວແລະບ້ານປ້ອງກັນຊາດເຂັ້ມແຂງ ໂດຍຍົກໃຫ້ເຫັນສະພາບ ແລະຈຸດພິເສດຂອງກຸ່ມບ້ານ 5 ບ້ານຄື: ບ້ານແກ້ງແຄນ, ບ້ານນາສັ້ງ, ບ້ານແກ້ງຮາງ, ບ້ານຄົກຫຼວງ, ບ້ານຫ້ວຍຕາວທີ່ນອນຢູ່ໃນ 4 ກຸ່ມຄື: ກຸ່ມລ້ອງນ້ຳຈ່ານ, ກຸ່ມບ້ານແລ, ກຸ່ມລອງນ້ຳລືມ, ກຸ່ມຖິ່ນໂຮງມີທັງໝົດ 351 ຄອບຄົວ,ພົນລະເມືອງທັງໝົດ 1.710 ຄົນຍິງ 854 ຄົນ, ຜ່ານການປະເມີນມີ318 ຄອບຄົວ ເທົ່າກັບ 90,59% ໄດ້ຮັບຮອງເປັນຄອບຄົວ ແລະ ບ້ານປ້ອງກັນຊາດເຂັ້ມແຂງ. ໃຫ້ກຽດມອບໃບຢັ້ງຢືນໂອ້ລົມຂອງທ່ານ ບົວພັນ ອຸດົມສິນພ້ອມນີ້ທ່ານໄດ້ຮຽກຮ້ອງໃຫ້ທຸກພາກສ່ວນ ພ້ອມກັນເປັນເຈົ້າການປະກອບສ່ວນຢ່າງຕັ້ງໜ້າໃນການຮັກສາມູນເຊື້ອຄວາມສະຫງົບໃຫ້ໄດ້100%. ໃນພິທີຄະນະປະທານໄດ້ໃຫ້ກຽດລັ່ນຄ້ອງ 9 ບາດ, ເປີດປ້າຍຮັບຮອງເອົາ 5 ບ້ານເປັນຄອບຄົວ ແລະບ້ານປ້ອງກັນຊາດເຂັ້ມແຂງຢ່າງເປັນທາງການ. 
ຂ່າວ-ພາບ: ສຸລິພົນ ວິໄລພອນ