ພິທີເຊັນບົດບັນທຶກແລກປ່ຽນບົດຮຽນ ລະຫວ່າງ ຫ້ອງການກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ແຫ່ງ ສປປ ລາວ ແລະ ຫ້ອງການກະຊວງ ວັດທະນະທຳ, ກິລາ ແລະ ທ່ອງທ່ຽວ ແຫ່ງ ສສ ຫວຽດນາມ ໄລຍະ 2023-2027 ຈັດຂຶ້ນໃນວັນທີ 6 ພະຈິກ ນີ້ ທີ່ກະຊວງ ຖວທ ໂດຍການຮ່ວມລົງນາມ ລະຫວ່າງ ທ່ານ ບຸນເພັງ ສຸພາບ ຮອງຫົວໜ້າຫ້ອງການກະຊວງ ຖວທ ແລະ ທ່ານ ຫງວຽນ ຫິ້ວ ຫງັອກ ຮອງຫົວໜ້າຫ້ອງການກະຊວງວັດທະນະທຳ, ກິລາ ແລະ ທ່ອງທ່ຽວ ສສ ຫວຽດນາມ ແລະ ມີພະນັກງານທັງສອງຝ່າຍເຂົ້າຮ່ວມ.
ໃນການລົງນາມໃນຄັ້ງນີ້, ທັງ 2 ຝ່າຍ ໄດ້ຜັນຂະຫຍາຍຕາມແຜນການຮ່ວມມືໃນຂະແໜງ ວັດທະນະທຳ, ສິລະປະ ແລະ ທ່ອງທ່ຽວ ລະຫວ່າງ ກະຊວງວັດທະນະທຳ, ກິລາ ແລະ ທ່ອງທ່ຽວ ສສ ຫວຽດນາມ ແລະ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ສປປ ລາວ ໄລຍະ 2021-2025 ໂດຍປະຕິບັດແຜນແລກປ່ຽນ ແລະ ການຮ່ວມມື ສອງຝ່າຍຕົກລົງເປັນເອກະພາບກັນສ້າງບົດບັນທຶກການຮ່ວມມືແລກປ່ຽນບົດຮຽນ ໄລຍະ 2023-2027 ໂດຍສອງຝ່າຍຈະສົ່ງເສີມ ແລະ ຊຸກຍູ້ສາຍພົວພັນຮ່ວມມື ລະຫວ່າງ ຫ້ອງການຂອງສອງກະຊວງບົນພື້ນຖານຫຼັກການ ມີຄວາມສະເໝີພາບ ຕ່າງຝ່າຍຕ່າງມີຜົນປະໂຫຍດ ແລະ ສອດຄ່ອງກັບບົດບາດ ແລະ ພາລະໜ້າທີ່ຂອງແຕ່ລະຝ່າຍ; ເຄົາລົບອະທິປະໄຕ ແລະ ລະບຽບກົດໝາຍຂອງລາວ ແລະ ຫວຽດນາມ ແລະ ສັນຍາສາກົນຕ່າງໆທີ່ແຕ່ລະປະເທດເປັນພາຄີ. ພ້ອມນີ້, ສອງຝ່າຍ ເພີ່ມທະວີການນຳໃຊ້ລະບົບໂດຍມີໃນການແລກປ່ຽນຂໍ້ມູນຂ່າວສານຊຶ່ງກັນ ແລະ ກັນຢ່າງເປັນທາງການ; ສອງຝ່າຍຕົກລົງເປັນເອກະພາບກັນ ສົ່ງເສີມສາຍພົວພັນຮ່ວມມື, ແລກປ່ຽນບົດຮຽນ ແລະ ປະສົບການຊຶ່ງກັນ ແລະ ກັນ.
ຫ້ອງການກະຊວງ ທັງສອງຝ່າຍ ຈະແລກປ່ຽນຄະນະຜູ້ແທນ ປະກອບດ້ວຍ 5-7 ທ່ານ ໃນເວລາ 7 ວັນ ໂດຍຜັດປ່ຽນສະຖານທີ່ເຮັດວຽກຢູ່ແຕ່ລະປະເທດເປັນປະຈຳປີ, ທັງສອງຝ່າຍຈະອຳນວຍຄວາມສະດວກ ໃນການປະສານສົບທົບຜັດປ່ຽນກັນ ຈັດກອງປະຊຸມປຶກສາຫາລືແລກປ່ຽນບົດຮຽນເປັນປະຈຳປີ ຊຶ່ງໄລຍະ 2023-2027 ທັງສອງຝ່າຍຈະຊຸກຍູ້ການແລກປ່ຽນບົດຮຽນຕາມຫົວຂໍ້ ຍົກສູງປະສິດທິພາບຂອງວຽກງານບໍລິຫານຫ້ອງການ ດ້ວຍລະບົບຖານຂໍ້ມູນເອເລັກໂຕຣນິກ ແລະ ປັບປຸງວຽກງານ ຫ້ອງການດ້ານບໍລິຫານ, ການເງິນ ແລະ ເພີ່ມລາຍຮັບງົບປະມານໃຫ້ເປັນລະບົບຄົບຊຸດ.
ຂ່າວ-ພາບ:ວຽງສະຫວັນ
ໃນການລົງນາມໃນຄັ້ງນີ້, ທັງ 2 ຝ່າຍ ໄດ້ຜັນຂະຫຍາຍຕາມແຜນການຮ່ວມມືໃນຂະແໜງ ວັດທະນະທຳ, ສິລະປະ ແລະ ທ່ອງທ່ຽວ ລະຫວ່າງ ກະຊວງວັດທະນະທຳ, ກິລາ ແລະ ທ່ອງທ່ຽວ ສສ ຫວຽດນາມ ແລະ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ສປປ ລາວ ໄລຍະ 2021-2025 ໂດຍປະຕິບັດແຜນແລກປ່ຽນ ແລະ ການຮ່ວມມື ສອງຝ່າຍຕົກລົງເປັນເອກະພາບກັນສ້າງບົດບັນທຶກການຮ່ວມມືແລກປ່ຽນບົດຮຽນ ໄລຍະ 2023-2027 ໂດຍສອງຝ່າຍຈະສົ່ງເສີມ ແລະ ຊຸກຍູ້ສາຍພົວພັນຮ່ວມມື ລະຫວ່າງ ຫ້ອງການຂອງສອງກະຊວງບົນພື້ນຖານຫຼັກການ ມີຄວາມສະເໝີພາບ ຕ່າງຝ່າຍຕ່າງມີຜົນປະໂຫຍດ ແລະ ສອດຄ່ອງກັບບົດບາດ ແລະ ພາລະໜ້າທີ່ຂອງແຕ່ລະຝ່າຍ; ເຄົາລົບອະທິປະໄຕ ແລະ ລະບຽບກົດໝາຍຂອງລາວ ແລະ ຫວຽດນາມ ແລະ ສັນຍາສາກົນຕ່າງໆທີ່ແຕ່ລະປະເທດເປັນພາຄີ. ພ້ອມນີ້, ສອງຝ່າຍ ເພີ່ມທະວີການນຳໃຊ້ລະບົບໂດຍມີໃນການແລກປ່ຽນຂໍ້ມູນຂ່າວສານຊຶ່ງກັນ ແລະ ກັນຢ່າງເປັນທາງການ; ສອງຝ່າຍຕົກລົງເປັນເອກະພາບກັນ ສົ່ງເສີມສາຍພົວພັນຮ່ວມມື, ແລກປ່ຽນບົດຮຽນ ແລະ ປະສົບການຊຶ່ງກັນ ແລະ ກັນ.
ຫ້ອງການກະຊວງ ທັງສອງຝ່າຍ ຈະແລກປ່ຽນຄະນະຜູ້ແທນ ປະກອບດ້ວຍ 5-7 ທ່ານ ໃນເວລາ 7 ວັນ ໂດຍຜັດປ່ຽນສະຖານທີ່ເຮັດວຽກຢູ່ແຕ່ລະປະເທດເປັນປະຈຳປີ, ທັງສອງຝ່າຍຈະອຳນວຍຄວາມສະດວກ ໃນການປະສານສົບທົບຜັດປ່ຽນກັນ ຈັດກອງປະຊຸມປຶກສາຫາລືແລກປ່ຽນບົດຮຽນເປັນປະຈຳປີ ຊຶ່ງໄລຍະ 2023-2027 ທັງສອງຝ່າຍຈະຊຸກຍູ້ການແລກປ່ຽນບົດຮຽນຕາມຫົວຂໍ້ ຍົກສູງປະສິດທິພາບຂອງວຽກງານບໍລິຫານຫ້ອງການ ດ້ວຍລະບົບຖານຂໍ້ມູນເອເລັກໂຕຣນິກ ແລະ ປັບປຸງວຽກງານ ຫ້ອງການດ້ານບໍລິຫານ, ການເງິນ ແລະ ເພີ່ມລາຍຮັບງົບປະມານໃຫ້ເປັນລະບົບຄົບຊຸດ.
ຂ່າວ-ພາບ:ວຽງສະຫວັນ
ຄໍາເຫັນ