 |
ທ່ານ ອຸຄຳ ຕຸລາພັນ ກຳມະການພັກແຂວງ ຫົວໜ້າຫ້ອງວ່າການແຂວງຜົ້ງສາລີ ໄດ້ມີຄໍາເຫັນພ້ອມທັງກ່າວເປີດກອງປະຊຸມ ແລະ ໄດ້ເຜີຍແຜ່ເອກະສານເປັນຕົ້ນແມ່ນຮ່າງມະຕິກອງປະຊຸມສະພາປະຊາຊົນແຂວງ ສະບັບເລກທີ 25/ສພຂ, ລົງວັນທີ 18 ກໍລະກົດ ປີ 2025 ວ່າດ້ວຍການຮັບເອົາການສ້າງຕັ້ງຕາແສງ ພາຍໃນແຂວງຜົ້ງສາລີ: ຢູ່ 7 ເມືອງ ໃນທົ່ວແຂວງ ລວມທັງໝົດມີ: 11 ຕາແສງ, ປະກອບມີເມືອງຜົ້ງສາລີມີ 66 ບ້ານ ສ້າງຕັ້ງເປັນ 4 ຕາແສງຄື: ຕາແສງຫາດສາ, ຕາແສງກົກຊາ, ຕາແສງຢາວຟາງ, ຕາແສງ ຫຼັກ 18; ເມືອງໃໝ່ມີ 78 ບ້ານ ສ້າງຕັ້ງເປັນ 5 ຕາແສງຄື: ຕາແສງນໍ້າງາ, ຕາແສງສົບຮຸ່ນ, ຕາແສງປາລັນ, ຕາແສງຫົວເມິກ, ຕາແສງແສນເງິນ; ເມືອງຂວາມີ 93 ບ້ານ ສ້າງຕັ້ງເປັນ 5 ຕາແສງຄື: ຕາແສງບວມພັນ, ຕາແສງລາດຊາງ, ຕາແສງຢາງເຕີຍ, ຕາແສງສິນໄຊ, ຕາແສງເມືອງຂວາ; ເມືອງສຳພັນມີ 62 ບ້ານສ້າງຕັ້ງເປັນ 5 ຕາແສງຄື: ຕາແສງຢາງເໜືອ, ຕາແສງສະນຳຣະ, ຕາແສງນໍ້າລີ, ຕາແສງແສນຄຳ, ຕາແສງນໍ້າຮາງ; ເມືອງບຸນເໜືອມີ 65 ບ້ານ ສ້າງຕັ້ງເປັນ 4 ຕາແສງຄື: ຕາແສງບ້ານຢໍ້, ຕາແສງງາຍເໜືອ, ຕາແສງຊຽງຟ້າ, ຕາແສງບຸນເໜືອ; ມືອງຍອດອູມີ 73 ບ້ານ ສ້າງຕັ້ງເປັນ 5 ຕາແສງຄື: ຕາແສງຍອດອູ, ຕາແສງອູເໜືອ, ຕາແສງສຸມຄຳ, ຕາແສງມາລີເທົາ, ຕາແສງອູໃຕ້; ເມືອງບຸນໃຕ້ມີ 65 ບ້ານ ສ້າງຕັ້ງເປັນ 3 ຕາແສງຄື: ຕາແສງລ້ອງນາຍ, ຕາແສງບຸນໃຕ້, ຕາແສງສຳພັນໄຊ.ທົດລອງສ້າງຢູ່ພາຍໃນແຂວງຜົ້ງສາລີມີ 4 ເມືອງ ປະກອບມີ ເມືອງຜົ້ງສາລີ ຕາແສງກົກຊາ, ເມືອງບຸນໃຕ້ ຕາແສງສຳພັນໄຊ, ເມືອງຂວາ ຕາແສງສິນໄຊ, ເມືອງບຸນເໜືອ ຕາແສງບ້ານຢໍ້.
ໃນກອງປະຊຸມຜູ້ເຂົ້າຮ່ວມຍັງໄດ້ພັດປ່ຽນກັນປະກອບຄຳຄິດເຫັນແລກປ່ຽນບັນດາວຽກງານທີ່ຈັດຕັ່ງປະຕິບັດໃນໄລຍະຜ່ານມາຢ່າງກົງໄປກົງມາຕາມພາລະບົດບາດ, ໜ້າທີຄວາມຮັບຜິດຊອບ ແລະ ຍົກໃຫ້ເຫັນຜົນງານດ້ານດີ ແລະ ຈຸດອ່ອນຂໍ້ຄົງຄ້າງ ທັງນີ້ກໍເພື່ອເຮັດໃຫ້ການຈັດຕັ້ງປະຕິບັດວຽກງານຂອງແຕ່ລະຂົງເຂດທີຕົນຮັບຜິດຊອບໃຫ້ມີຄວາມເປັນເອກະພາບ ແລະ ໃຫ້ໄດ້ຮັບຜົນດີ.
(ພາບ,ຂ່າວ: ຍີນໄຊ ສີບຸນເຮືອງ)
ຄໍາເຫັນ