 |
ທ່ານ ພິດສະໄໝ ກອງຊາເດດ ປະທານແນວລາວສ້າງຊາດແຂວງ ໄດ້ລາຍງານສະພາບການເຄື່ອນໄຫວວຽກງານໃນໄລຍະທີ່ຜ່ານມາ. ໂດຍປະຕິບັດຕາມພາລະບົດບາດ, ສິດ, ໜ້າທີ່ຂອງແນວລາວສ້າງຊາດເປັນເຈົ້າການສຶກສາອົບຮົມການເມືອງ-ແນວຄິດ, ເສີມຂະຫຍາຍນໍ້າໃຈຮັກຊາດ, ຮັກລະບອບໃໝ່, ສະຕິຊາດ ແລະ ຄວາມເປັນເຈົ້າຂອງປະເທດຊາດໃຫ້ປະຊາຊົນບັນດາເຜົ່າ, ຊັ້ນຄົນ, ສາສະໜາ ແລະ ເພດ-ໄວຮັບຮູ້, ເຂົ້າໃຈຕໍ່ແນວທາງນະໂຍບາຍ, ມີຄວາມອຸ່ນອ່ຽນທຸ່ນທ່ຽງ ເຊື່ອໝັ້ນຕໍ່ການນຳພາຂອງພັກ, ລະບຽບກົດໝາຍຂອງລັດ, ປຸກລະດົມຂົນຂວາຍປະຊາຊົນຊັ້ນຄົນຕ່າງໆ ເຂົ້າຮ່ວມຂະບວນການແຂ່ງຂັນຮັກຊາດ ແລະ ພັດທະນາ, ວຽກງານກະກຽມກອງປະຊຸມໃຫຍ່ ພາຍຫຼັງສໍາເລັດການຊຸກຍູ້ກະກຽມຈັດຕັ້ງດຳເນີນກອງປະຊຸມໃຫຍ່ຂອງບັນດາແນວລາວສ້າງຊາດເມືອງ ຕິດພັນກັບການຊຸກຍູ້ການປະຕິບັດຄາດໝາຍມະຕິກອງປະຊຸມໃຫຍ່ຂອງພັກ ແລະ ກອງປະຊຸມໃຫຍ່ຂອງຕົນ, ຄະນະກຳມະການແນວລາວສ້າງຊາດແຂວງໄດ້ມີແຜນດຳເນີນງານຕາມ 3 ເນື້ອໃນໃຫຍ່ຄື: ວຽກງານຊຸກຍູ້ຂະບວນການ, ວຽກງານກະກຽມເນື້ອໃນເອກະສານ ແລະ ວຽກງານກະກຽມດ້ານໂຄງປະກອບບຸກຄະລາກອນ. ມາຮອດປັດຈຸບັນແມ່ນສໍາເລັດການປັບປຸງຄະນະກໍາມະການແນວລາວສ້ງຊາດຂັ້ນບ້ານທັງໝົດ 574 ບ້ານ ໂດຍມີຄະນະກໍາມະການແນວບ້ານ 4,958 ທ່ານ ຍິງ 644 ທ່ານ, ພະສົງ 51 ອົງ, ທົ່ວແຂວງມີປະທານແນວລາວສ້າງຊາດຂັ້ນບ້ານ 574 ທ່ານ, ປະທານແນວລາວສ້າງຊາດຂັ້ນບ້ານທີ່ຄວບຕໍາແໜ່ງເລຂາພັກບ້ານມີ 10 ທ່ານ, ຄວບຮອງເລຂາພັກບ້ານ 30 ທ່ານ, ຄວບຕໍາແໜ່ງນາຍບ້ານ 9 ທ່ານ ຄວບຕໍາແໜ່ງຮອງນາຍບ້ານ 35 ທ່ານ, ມີປະທານຄະນະກຳມະການແນວລາວສ້າງຊາດເມືອງທີ່ຄວບຕໍາແໜ່ງກໍາມະການປະຈໍາພັກເມືອງທັງໝົດ 9 ທ່ານ ຍິງ 4 ທ່ານ, ຄວບຕໍາແໜ່ງກໍາມະການພັກເມືອງ 1 ທ່ານ, ມີຄະນະປະຈໍາແນວລາວສ້າຊາດເມືອງທັງໝົດ 49 ທ່ານ ຍິງ 16 ທ່ານ, ມີຮອງປະທານແນວລາວສ້າງຊາດເມືອງ 14 ທ່ານ ຍິງ 5 ທ່ານ ແລະ ມີກໍາມະການແນວລາວສ້າງຊາດເມືອງທັງໝົດ 576 ທ່ານ ຍິງ 49 ທ່ານ, ພະສົງ 8 ອົງ, ຄຸນພໍ່ 2 ທ່ານ. ໃນນີ້ມີເປົ້າໝາຍກໍາມະການແນວລາວສ້າງຊາດແຂວງທີ່ປະຈໍາຢູ່ 10 ເມືອງ ລວມທັງໝົດ 48 ທ່ານ ຍິງ 6 ທ່ານ.
 |
ໂອກາດນີ້, ທ່ານ ຄໍາຜອຍ ວັນນະສານ ໄດ້ມີຄໍາເຫັນໃຫ້ຄະນະກຳມະການແນວລາວສ້າງຊາດແຂວງ ສືບຕໍ່ເອົາ ໃຈໃສ່ສຶກສາອົບຮົມການເມືອງ-ແນວຄິດໃຫ້ສະມາຊິກພັກ-ພະນັກງານ, ກຳໄດ້ສິດ, ໜ້າທີ່ ເພື່ອຍົກສູງພາລະບົດບາດຂອງແນວລາວສ້າງຊາດໃຫ້ສູງຂຶ້ນ. ສຳລັບການກະກຽມກອງປະຊຸມຂອງແນວລາວສ້າງຊາດແຂວງແມ່ນໃຫ້ຖື 3 ວຽກງານເສົາຄໍ້າເປັນຕົ້ນຕໍ.
 |
ຂ່າວ-ພາບ: ກອງຄໍາ
ຄໍາເຫັນ