ເມື່ອບໍ່ດົນມານີ້, ທ່ານນາງ ປານີ ຢາທໍ່ຕູ້ ຮອງປະທານປະເທດ ໄດ້ລົງມາເຄື່ອນໄຫວເຮັດວຽກຢູ່ແຂວງຈຳປາສັກ ແລະ ໃນໂອກກາດດຽວກັນກໍໄດ້ເດີນທາງມາຢ້ຽມຢາມເມືອງໂຂງ ພ້ອມທັງຢ້ຽມຢາມຄອບຄົວຕົວແບບໃນການລ້ຽງປາເພື່ອຂາຍພາຍໃນເມືອງ ແລະ ຕ່າງແຂວງ.
ທ່ານ ຄຳຈັນ ໄຊສົມບັດ ອາຍຸ 39 ປີ, ອາຊີບຄ້າ-ຂາຍ ເປັນເຈົ້າຂອງທຸລະກິດລ້ຽງປາ ຫຼື ຊື່ຟາມປາພອຍໄພລິນ ໃຫ້ຮູ້ວ່າ: ຄອບຄົວຂ້າພະເຈົ້າມີທັງໝົດ 4 ຄົນ ຍິງ 2 ຄົນ, ໃນເມື່ອກ່ອນຄອບຄົວຂອງຂ້າພະເຈົ້າແມ່ນມີອາຊີບຄ້າ-ຂາຍ; ໂດຍຢຶດໝັ້ນຕໍ່ແນວທາງນະໂຍບາຍຂອງພັກ-ລັດ ສູ້ຊົນໃຫ້ຄອບຄົວຫຼຸດພົ້ນອອກຈາກຄວາມທຸກຍາກ ແລະ ພັດທະນາໃຫ້ຮັ່ງມີຂຶ້ນເລື້ອຍໆ ດ້ວຍຄວາມບໍລິສຸດ ແລະ ຖືກຕ້ອງຕາມລະບຽບກົດໝາຍ, ເພື່ອເປັນການປະກອບສ່ວນໃນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກແຂວງ, ອົງຄະນະພັກເມືອງ, ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX ຂອງແຂວງ, ຂອງເມືອງ ກໍຄືການຈັດຕັ້ງປະຕິບັດວາລະແຫ່ງຊາດກ່ຽວກັບການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ໂດຍສະເພາະແມ່ນທິດທາງການສ້າງເມືອງໂຂງ ເປັນຖານຂະຫຍາຍພັນປານໍ້າຂອງ ແລະ ການສົ່ງເສີມການຜະລິດເພື່ອທົດແທນການນຳເຂົ້າ ແລະ ສົ່ງອອກເປັນສິນຄ້າ; ໂດຍອີງໃສ່ສະພາບທີ່ຕັ້ງ ແລະ ຈຸດພິເສດຂອງທ້ອງຖິ່ນທີ່ເອື້ອອຳນວຍ, ເໝາະສົມໃຫ້ແກ່ການປູກ, ການລ້ຽງ ແລະ ທີ່ສຳຄັນເຫັນໄດ້ໃນປັດຈຸບັນປານໍ້າຂອງ ແມ່ນມີຈຳນວນຫຼຸດໜ້ອຍຖອຍລົງ; ດັ່ງນັ້ນ ຂ້າພະເຈົ້າຈຶ່ງມີແນວຄວາມຄິດຢາກລ້ຽງປາຕິດພັນກັບການຜະລິດແນວພັນປານໍ້າຂອງ ເພື່ອຮັບປະກັນທາງດ້ານສະບຽງອາຫານ, ຕອບສະໜອງໃຫ້ແກ່ຊາວກະສິກອນພາຍໃນເມືອງ, ພາຍໃນແຂວງ ແລະ ຕ່າງແຂວງ; ສະນັ້ນ ຈຶ່ງໄດ້ເລີ່ມສຳຫຼວດເນື້ອທີ່ຕົ້ນປີ 2017 ແລະ ບຸກເບີກໃນປີ 2018 ເນື້ອທີ່ຈຳນວນ 30 ເຮັກຕາ ຊຶ່ງເນື້ອທີ່ເດີມ ແມ່ນເປັນເຂດພື້ນທີ່ຕໍ່າ ແລະ ນໍ້າຖ້ວມທຸກໆປີໃນລະດູຝົນ, ຈຶ່ງໄດ້ມີແນວຄິດໃນການຂຸດໜອງເພື່ອລ້ຽງປາ ໂດຍການຂຸດແລ້ວຍົກຄັນຄູໜອງຂຶ້ນໃຫ້ພົ້ນລະດັບນ້ຳຖ້ວມ ເພື່ອໃຫ້ສາມາດລ້ຽງປາ ແລະ ປູກພືດເສດຖະກິດໄປພ້ອມໆກັນ. ໃນປີ 2021 ບຸກເບີກຈົກໜອງໄດ້ຈຳນວນ 50 ໜອງ ແລະ ໄດ້ເລີ່ມລົງມືປ່ອຍປາ, ມີໜອງທີ່ປ່ອຍປາໄດ້ທັງໝົດ 25 ໜອງ ແລະ ໜອງອະນຸບານລູກປາ 25 ໜອງ, ຕາມຄັນຄູໜອງແມ່ນໄດ້ປູກຕົ້ນພ້າວຈຳນວນ 1.500 ຕົ້ນ; ນອກຈາກນັ້ນ ມີອ່າງເພາະພັນປາ ຈຳນວນ 40 ອ່າງ, ມີຫ້ອງການ 1 ຫຼັງ, ເຮືອນພັກຂອງກຳມະກອນ 1 ຫຼັງ ແລະ ນຳໃຊ້ແຮງງານຫຼັກທັງໝົດ 10 ຄົນ. ປັດຈຸບັນມີປາຈຳນວນ 18 ຊະນິດ, ລວມທັງໝົດ 2 ລ້ານກວ່າໂຕ, ລວມມີ ປາເຄິງ, ປາເພ້ຍ, ປາພອນ, ປາປື່ງ, ປາຍອນ, ປາເຜາະ, ປາສ້ອຍ, ປາກົດ, ປາຄໍ່, ປາເຂັງ, ປາປາກ, ປາເອີນ, ປານິນ, ປາເຈລະມິດ, ປາສະຫວາຍ, ປາຕອງ, ປາວ່າ ແລະ ປາໂຈກ.
ສົກປີ 2022-2023 ສາມາດຈຳໜ່າຍປາອອກສູ່ຕະຫຼາດໄດ້ 4,8 ໂຕນ, ສ່ວນທີ່ເຫຼືອແມ່ນລໍຖ້າການຈະເລີນເຕີບໂຕ ແລະ ເກັບໄວ້ເພາະພັນເອົາລູກເພື່ອລ້ຽງຕໍ່ໄປອີກຈຳນວນໜຶ່ງ ຊຶ່ງໃນການຈໍາໜ່າຍແມ່ນມີແມ່ຄ້າມາຮັບຊື້ຢູ່ກັບທີ່ ແລະ ສົ່ງຕາມການສັ່ງຈອງຕາມຫ້ອງຕະຫຼາດພາຍໃນເມືອງ, ພາຍໃນແຂວງ ແລະ ຕ່າງແຂວງ. ໃນປັດຈຸບັນ ທາງຄອບຄົວແມ່ນມີແຜນຈະບຸກເບີກຂຸດໜອງຕື່ມອີກຈໍານວນ 30 ໜອງ ແລະ ຊອກຫາແຫຼ່ງວັດຖຸດິບເພື່ອນຳມາແປຮູບເປັນອາຫານປາ, ຄາດຄະເນຈະນຳໃຊ້ທຶນທັງໝົດ 15,8 ຕື້ກີບ.
ຂ່າວ-ພາບ: ພຸດທະສິນ ວົງວິໄລທອງ
ທ່ານ ຄຳຈັນ ໄຊສົມບັດ ອາຍຸ 39 ປີ, ອາຊີບຄ້າ-ຂາຍ ເປັນເຈົ້າຂອງທຸລະກິດລ້ຽງປາ ຫຼື ຊື່ຟາມປາພອຍໄພລິນ ໃຫ້ຮູ້ວ່າ: ຄອບຄົວຂ້າພະເຈົ້າມີທັງໝົດ 4 ຄົນ ຍິງ 2 ຄົນ, ໃນເມື່ອກ່ອນຄອບຄົວຂອງຂ້າພະເຈົ້າແມ່ນມີອາຊີບຄ້າ-ຂາຍ; ໂດຍຢຶດໝັ້ນຕໍ່ແນວທາງນະໂຍບາຍຂອງພັກ-ລັດ ສູ້ຊົນໃຫ້ຄອບຄົວຫຼຸດພົ້ນອອກຈາກຄວາມທຸກຍາກ ແລະ ພັດທະນາໃຫ້ຮັ່ງມີຂຶ້ນເລື້ອຍໆ ດ້ວຍຄວາມບໍລິສຸດ ແລະ ຖືກຕ້ອງຕາມລະບຽບກົດໝາຍ, ເພື່ອເປັນການປະກອບສ່ວນໃນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກແຂວງ, ອົງຄະນະພັກເມືອງ, ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX ຂອງແຂວງ, ຂອງເມືອງ ກໍຄືການຈັດຕັ້ງປະຕິບັດວາລະແຫ່ງຊາດກ່ຽວກັບການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ໂດຍສະເພາະແມ່ນທິດທາງການສ້າງເມືອງໂຂງ ເປັນຖານຂະຫຍາຍພັນປານໍ້າຂອງ ແລະ ການສົ່ງເສີມການຜະລິດເພື່ອທົດແທນການນຳເຂົ້າ ແລະ ສົ່ງອອກເປັນສິນຄ້າ; ໂດຍອີງໃສ່ສະພາບທີ່ຕັ້ງ ແລະ ຈຸດພິເສດຂອງທ້ອງຖິ່ນທີ່ເອື້ອອຳນວຍ, ເໝາະສົມໃຫ້ແກ່ການປູກ, ການລ້ຽງ ແລະ ທີ່ສຳຄັນເຫັນໄດ້ໃນປັດຈຸບັນປານໍ້າຂອງ ແມ່ນມີຈຳນວນຫຼຸດໜ້ອຍຖອຍລົງ; ດັ່ງນັ້ນ ຂ້າພະເຈົ້າຈຶ່ງມີແນວຄວາມຄິດຢາກລ້ຽງປາຕິດພັນກັບການຜະລິດແນວພັນປານໍ້າຂອງ ເພື່ອຮັບປະກັນທາງດ້ານສະບຽງອາຫານ, ຕອບສະໜອງໃຫ້ແກ່ຊາວກະສິກອນພາຍໃນເມືອງ, ພາຍໃນແຂວງ ແລະ ຕ່າງແຂວງ; ສະນັ້ນ ຈຶ່ງໄດ້ເລີ່ມສຳຫຼວດເນື້ອທີ່ຕົ້ນປີ 2017 ແລະ ບຸກເບີກໃນປີ 2018 ເນື້ອທີ່ຈຳນວນ 30 ເຮັກຕາ ຊຶ່ງເນື້ອທີ່ເດີມ ແມ່ນເປັນເຂດພື້ນທີ່ຕໍ່າ ແລະ ນໍ້າຖ້ວມທຸກໆປີໃນລະດູຝົນ, ຈຶ່ງໄດ້ມີແນວຄິດໃນການຂຸດໜອງເພື່ອລ້ຽງປາ ໂດຍການຂຸດແລ້ວຍົກຄັນຄູໜອງຂຶ້ນໃຫ້ພົ້ນລະດັບນ້ຳຖ້ວມ ເພື່ອໃຫ້ສາມາດລ້ຽງປາ ແລະ ປູກພືດເສດຖະກິດໄປພ້ອມໆກັນ. ໃນປີ 2021 ບຸກເບີກຈົກໜອງໄດ້ຈຳນວນ 50 ໜອງ ແລະ ໄດ້ເລີ່ມລົງມືປ່ອຍປາ, ມີໜອງທີ່ປ່ອຍປາໄດ້ທັງໝົດ 25 ໜອງ ແລະ ໜອງອະນຸບານລູກປາ 25 ໜອງ, ຕາມຄັນຄູໜອງແມ່ນໄດ້ປູກຕົ້ນພ້າວຈຳນວນ 1.500 ຕົ້ນ; ນອກຈາກນັ້ນ ມີອ່າງເພາະພັນປາ ຈຳນວນ 40 ອ່າງ, ມີຫ້ອງການ 1 ຫຼັງ, ເຮືອນພັກຂອງກຳມະກອນ 1 ຫຼັງ ແລະ ນຳໃຊ້ແຮງງານຫຼັກທັງໝົດ 10 ຄົນ. ປັດຈຸບັນມີປາຈຳນວນ 18 ຊະນິດ, ລວມທັງໝົດ 2 ລ້ານກວ່າໂຕ, ລວມມີ ປາເຄິງ, ປາເພ້ຍ, ປາພອນ, ປາປື່ງ, ປາຍອນ, ປາເຜາະ, ປາສ້ອຍ, ປາກົດ, ປາຄໍ່, ປາເຂັງ, ປາປາກ, ປາເອີນ, ປານິນ, ປາເຈລະມິດ, ປາສະຫວາຍ, ປາຕອງ, ປາວ່າ ແລະ ປາໂຈກ.
ສົກປີ 2022-2023 ສາມາດຈຳໜ່າຍປາອອກສູ່ຕະຫຼາດໄດ້ 4,8 ໂຕນ, ສ່ວນທີ່ເຫຼືອແມ່ນລໍຖ້າການຈະເລີນເຕີບໂຕ ແລະ ເກັບໄວ້ເພາະພັນເອົາລູກເພື່ອລ້ຽງຕໍ່ໄປອີກຈຳນວນໜຶ່ງ ຊຶ່ງໃນການຈໍາໜ່າຍແມ່ນມີແມ່ຄ້າມາຮັບຊື້ຢູ່ກັບທີ່ ແລະ ສົ່ງຕາມການສັ່ງຈອງຕາມຫ້ອງຕະຫຼາດພາຍໃນເມືອງ, ພາຍໃນແຂວງ ແລະ ຕ່າງແຂວງ. ໃນປັດຈຸບັນ ທາງຄອບຄົວແມ່ນມີແຜນຈະບຸກເບີກຂຸດໜອງຕື່ມອີກຈໍານວນ 30 ໜອງ ແລະ ຊອກຫາແຫຼ່ງວັດຖຸດິບເພື່ອນຳມາແປຮູບເປັນອາຫານປາ, ຄາດຄະເນຈະນຳໃຊ້ທຶນທັງໝົດ 15,8 ຕື້ກີບ.
ຂ່າວ-ພາບ: ພຸດທະສິນ ວົງວິໄລທອງ
ຄໍາເຫັນ