ວິທະຍຸກະຈາຍສຽງຫວຽດນາມລາຍງານໃນວັນທີ 17 ພຶດສະພາ ຜ່ານມາວ່າ: ທ່ານນາຍົກລັດຖະມົນຕີຫວຽດນາມ ຫາກໍປະກາດໃຊ້ຂໍ້ຕົກລົງເລກທີ 876 ກ່ຽວກັບການໃຫ້ສັດຕະຍາບັນຍຸດທະສາດມາດຕະຖານແຫ່ງຊາດໄລຍະ 2026-2035. ຍຸດທະສາດມຸ່ງໄປເຖິງເປົ້າໝາຍສ້າງລະບົບມາດຕະຖານສາກົນທັນສະໄໝ ແລະ ກົມກຽວກັບ ມາດຕະຖານສາກົນ, ມີບົດບາດເປັນພື້ນຖານລະບອບລະບຽບການຂອງຊາດ, ເປັນເຄື່ອງມືປະຕິບັດນະໂຍບາຍສາທາລະນະ ແລະ ພື້ນຖານເຕັກນິກໃຫ້ແກ່ການຄຸ້ມຄອງລັດ. ພ້ອມທັງຊຸກຍູ້ມາດຕະຖານກາຍເປັນກຳລັງໜູນນະວັດຕະກຳ, ຫັນເປັນດີຈີຕອນ, ຫັນເປັນສີຂຽວ ແລະ ພັດທະນາແບບຍືນຍົງ.
ຂ່າວລະບຸວ່າ: ເປົ້າໝາຍໄລຍະ 2026-2030, ສູ້ຊົນ 75% ມາດຕະຖານ ຫວຽດນາມ ກົມກຽວກັບມາດຕະຖານສາກົນ, 100% ເກນແບ່ງປະເພດ ທຽບເທົ່າກັບການແບ່ງປະເພດລະດັບສອງຂອງເກນແບ່ງປະເພດມາດຕະຖານສາກົນ. ສູ້ຊົນໃຫ້ມີຜູ້ຕາງໜ້າເຂົ້າຮ່ວມ ຄະນະເຕັກນິກທີ່ທຽບເທົ່າ ກັບ ISO, IEC, ITU… ທຸກໆປີ, ມີ 50,000 ໃບຢັ້ງຢືນສອດຄ່ອງດ້ານເຕັກນິກ, ຊຸກຍູ້ວິສາຫະກິດຂະໜາດນ້ອຍ ແລະ ກາງ ເຂົ້າເຖິງ ແລະ ໝູນໃຊ້ມາດຕະຖານ ຫວຽດນາມ.
ການບຳລຸງສ້າງນັກຊ່ຽວຊານທີ່ມີຄວາມສາມາດເຂົ້າຮ່ວມການສ້າງມາດຕະຖານສາກົນ ແລະ ບຳລຸງສ້າງວິຊາຊີບກ່ຽວກັບການຫັນເປັນມາດຕະຖານໃຫ້ແກ່ພະນັກງານຢ່າງໜ້ອຍສຸດ 5,000 ເທື່ອຄົນໃນບັນດາຂົງເຂດ, ຂະແໜງການຈຸດສຸມ.
ຄໍາເຫັນ