ຫົວໜ້າ ຄອສພ ພົບປະເລຂານຸການສະມາຄົມນັກຂ່າວແຫ່ງ ສປ ຈີນ

ວັນທີ 3 ກັນຍາ ຜ່ານມານີ້ ທີ່ສະຖານກົງສູນໃຫຍ່ ສປ ຈີນ ປະຈໍາພາກເໜືອ ແຂວງຫຼວງພະບາງ ໄດ້ຈັດພິທີຮັບຊົມການຖ່າຍທອດສົດພິທີສວນສະໜາມຢ່າງຍິ່ງໃຫຍ່ເພື່ອລະນຶກໄຊຊະນະສົງຄາມປະຊາຊົນຈີນ ຕໍ່ຕ້ານຟາດຊິດ ແລະ ສົງຄາມຕໍ່ຕ້ານຟາດຊິດໂລກ ຄົບຮອບ 80 ປີ ໂດຍຜ່ານວິດີໂອອອນລາຍ ຊຶ່ງຈັດຂຶ້ນຢ່າງຍິ່ງໃຫຍ່ທີ່ ສະໜາມຫຼວງທ່ຽນອ່ານເມີນ ນະຄອນຫຼວງປັກກິ່ງ ສປ ຈີນ, ພາຍໃຕ້ຫົວຂໍ້: “ຈົດຈຳປະຫວັດສາດ, ຈາລຶກຄຸນງາມຄວາມດີຂອງວິລະຊົນຜູ້ເສຍສະຫຼະຊີວິດ, ຖະໜອມຮັກສັນຕິພາບ ແລະ ສ້າງອະນາຄົດ.

ທ່ານ ອານຸພາບ ວົງໜໍ່ແກ້ວ ຮອງລັດຖະມົນຕີກະຊວງການຕ່າງປະເທດ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ບິລານ ໂອຣັງເຊບ ດູຣານີ ຜູ້ຕາງໜ້າອົງການສະຫະປະຊາຊາດເພື່ອເດັກ (ອຸຍນີເຊັບ) ປະຈໍາ ສປປ ລາວ ໃນວັນທີ 4 ກັນຍາ ຜ່ານມາທີ່ ກະຊວງການຕ່າງປະເທດເພື່ອປຶກສາຫາລື ໃນການເພີ່ມທະວີການຮ່ວມມືລະຫວ່າງ ສປປ ລາວ ແລະ ອົງການອຸຍນີເຊບ ໃຫ້ມີຄວາມເຂັ້ມແຂງຂຶ້ນຕື່ມ.

ກອງປະຊຸມພັນທະມິດສື່ມວນຊົນອາຊີໃຕ້-ອາຊີຕາເວັນອອກສ່ຽງໃຕ້ປະຈໍາປີ 2025 ໄດ້ຈັດຂຶ້ນໃນວັນທີ 5 ກັນຍານີ້ ທີ່ນະຄອນຄຸນໝິງ ແຂວງຢຸນນານ ສປ ຈີນ ໂດຍການເປັນປະທານຂອງທ່ານ ເຫີຈູຄຸນ ຫົວໜ້າກຸ່ມໜັງສືພິມລາຍວັນຢຸນນານ, ມີທ່ານ ນາງ ເຈີ່ງຢ້ຽນ (Zeng Yan) ຫົວໜ້າຄະນະໂຄສະນາອົບຮົມຄະນະພັກ ແຂວງຢຸນນານ, ທ່ານ ຊີຢຸນຜູ (Qu Yingpu) ຫົວໜ້າບັນນາທິການໃຫຍ່ສໍານັກໜັງສືພິມ China Daily ຊຶ່ງຄະນະຜູ້ແທນສື່ມວນຊົນຈາກ ສປປ ລາວ ໂດຍມີທ່ານ ຄໍາພັນ ເຜີຍຍະວົງ ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ (ຄອສພ) ປະທານສະພາທິດສະດີສູນກາງພັກ ພ້ອມດ້ວຍຄະນະຜູ້ແທນສື່ມວນຊົນຈາກ 80 ກວ່າປະເທດ ແລະ ເຂດແຄວ້ນໃນໂລກໃຕ້ເຂົ້າຮ່ວມ.

ປະຕິບັດຕາມບົດບັນທຶກການຮ່ວມມືສອງຝ່າຍ ລະຫວ່າງ ອົງການກວດສອບແຫ່ງລັດ ສປປ ລາວ ແລະ ສຳນັກງານກວດສອບແຫ່ງຊາດ ສປ ຈີນ, ໃນລະຫວ່າງວັນທີ 28 ສິງຫາຫາ 4 ກັນຍາ ນີ້, ຄະນະຜູ້ແທນຂອງອົງການກວດສອບແຫ່ງລັດ ສປປ ລາວ, ນໍາໂດຍ ສະຫາຍ ວຽງທະວີສອນ ເທບພະຈັນ ປະທານອົງການກວດສອບແຫ່ງລັດ ພ້ອມດ້ວຍຄະນະ ໄດ້ເດີນທາງໄປເຄື່ອນໄຫວຢ້ຽມຢາມ ແລະ ເຮັດວຽກ ກັບສຳນັກງານກວດສອບແຫ່ງຊາດ ສປ ຈີນ ທີ່ນະຄອນຫຼວງປັກກິ່ງ ແລະ ເມືອງຮາບິນ ສປ ຈີນ ໂດຍໄດ້ຮັບການຕ້ອນຮັບຂອງ ທ່ານ ຮາວ ຄາຍ ປະທານສຳນັກງານກວດສອບແຫ່ງຊາດ ສປ ຈີນ ຊຶ່ງຄະນະຜູ້ແທນໄດ້ເຂົ້າຮ່ວມພົບປະສອງຝ່າຍ ແລະ ແລກປ່ຽນບົດຮຽນກ່ຽວກັບການມີສ່ວນຮ່ວມຂອງ ອົງການກວດສອບແຫ່ງລັດ ຕໍ່ກັບການມີສ່ວນຮ່ວມໃນການສ້າງແຜນງົບປະມານແຫ່ງລັດ ແລະ ການນໍາໃຊ້ ປັນຍາປະດິດ ຫຼື AI ເຂົ້າໃນວຽກງານການກວດສອບ.

ພິທີລົງນາມເອກະສານໂຄງການສ້າງຄວາມເຂັ້ມແຂງໃນການຕອບໂຕ້ໄພພິບັດ ໂດຍຜ່ານການສ້າງສູນພັກເຊົາຊົ່ວຄາວລະຫວ່າງກົມສັງຄົມສົງເຄາະ ກະຊວງແຮງງານ ແລະ ສະຫວັດດີການສັງຄົມ (ຮສສ) ແລະ ອົງການສະຫະປະຊາຊາດເພື່ອການພັດທະນາ ຈັດຂຶ້ນເມື່ອບໍ່ດົນມານີ້, ຮ່ວມລົງນາມຂອງທ່ານ ວົງຄຳ ພັນທະນຸວົງ ຫົວໜ້າກົມສັງຄົມສົງເຄາະກະຊວງ ຮສສ ແລະ ທ່ານນາງ ມາຕິນ ເທເລີ ຜູ້ຕາງໜ້າອົງການ ສປຊ ເພື່ອການພັດທະນາປະຈຳ ສປປ ລາວ ໂດຍມີທ່ານ ໂພໄຊ ໄຊຍະສອນ ລັດຖະມົນຕີກະຊວງ ຮສສ ຮອງປະທານຜູ້ປະຈຳການ ຄະນະກຳມະການຄຸ້ມຄອງໄພພິບັດຂັ້ນສູນກາງ, ທ່ານ ໂຄອິຊຶມິ ຊຶໂຕະມຸ ເອກອັກຄະຣາຊະທູດຍີ່ປຸ່ນປະຈຳສປປ ລາວ ແລະ ພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.

ໃນຕອນເຊົ້າວັນທີ 3 ສິງຫາ ນີ້ ທີ່ນະຄອນຫຼວງປັກກິ່ງ ສປ ຈີນ ໄດ້ຈັດງານໂຮມຊຸມນຸມສະເຫຼີມສະຫຼອງໄຊຊະນະຕໍ່ຕ້ານຟາຊິດຂອງປະຊາຊົນຈີນ ແລະ ການຕໍ່ຕ້ານຟາຊິດຂອງປະຊາຊົນທົ່ວໂລກຄົບຮອບ 80 ປີ, ໃນຂະນະດຽວກັນ, ທີ່ນະຄອນຫຼວງວຽງຈັນ, ວິທະຍຸໂທລະພາບສູນກາງຈີນປະຈຳລາວ CMG ກໍໄດ້ຖ່າຍທອດສົດງານສະເຫຼີມສະຫຼອງດັ່ງກ່າວຜ່ານວິດີໂອທາງໄກ ທີ່ສູນການຄ້າວຽງຈັນເຊັນເຕີ, ໂດຍມີ ທ່ານ ຄຳໄຫຼ ສີປະເສີດ ຮອງປະທານກວດກາສູນກາງພັກ, ມີການນຳພັກ-ລັດ, ຜູ້ຕາງໜ້າຈາກກະຊວງ, ອົງການຕ່າງໆເຂົ້າຮ່ວມຮັບຊົມ.

ເນື່ອງ​ໃນ​ໂອ​ກາດ​ສະ​ເຫຼີມ​ສະ​ຫຼອງ​ວັນ​ສະ​ຖາ​ປະ​ນາ ປະ​ເທດສາ​ທາ​ລະ​ນະ​ລັດ ສັງ​ຄົມ​ນິ​ຍົມ ຫວຽດ​ນາມ (2 ກັນ​ຍາ 1945 – 2 ກັນ​ຍາ 2025), ຕາງ​ໜ້າ​ບັນ​ດາ​ສະ​ຫາຍ​ການ​ນຳ​ພັກ​, ລັດ ແລະ​ປະ​ຊາ​ຊົນ​ຫວຽດ​ນາມ​, ຂ້າ​ພະ​ເຈົ້າ ຂໍ​ສະ​ແດງ​ຄວາມ​ນັບ​ຖື ແລະ​ ຂໍສົ່ງຄຳ​ອວຍ​ພອນ​ໄຊ​ອັນ​ປະ​ເສີດ​ ພ້ອມດ້ວຍໄມ​ຕີ​ຈິດ​ອັນ​ດູດ​ດື່ມ​, ​​ອົບ​ອຸ່ນ​ຖານ​ສະ​ຫາຍ​ອ້າຍ​ນ້ອງ ມາ​ຍັງ​ບັນ​ດາ​ສະ​ຫາຍ​ການ​ນຳ​ພັກ​, ລັດ ແລະ ປະ​ຊາ​ຊົນລາວ​.

ເອກອັກຄະລັດຖະທູດແຫ່ງ ສາທາລະນະລັດ ສັງຄົມນິຍົມຫວຽດນາມ ປະຈໍາລາວ ໄດ້ຈັດໃຫ້ມີພິທີໂຮມຊຸມນຸມສວນສະໜາມ ສະເຫຼີມສະຫຼອງວັນຊາດ ແຫ່ງສາທາລະນະລັດ ສັງຄົມນິຍົມຫວຽດນາມ ຄົບຮອບ 80 ປີ (2 /9/1945 - 2/9 /2025) ຜ່ານທາງອອນລາຍ ໃນວັນທີ 2 ກັນຍານີ້ ທີ່ຫໍວັດທະນະທໍາແຫ່ງຊາດ ນະຄອນຫຼວງວຽງຈັນ.

ໃນວັນທີ 1 ກັນຍາ ນີ້, ໃນໄລຍະຕິດຕາມ ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ເຂົ້າຮ່ວມກອງປະຊຸມສຸດຍອດອົງການຮ່ວມມືຊຽງໄຮ້ 2025 (Shanghai Cooperation Organization Summit 2025), ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ໄດ້ພົບປະເຮັດວຽກກັບ ທ່ານ Nurlan Yermekbayev ເລຂາທິການໃຫຍ່ອົງການຮ່ວມມືຊຽງໄຮ້ (SCO).

ໃນວັນທີ 1 ກັນຍາ ນີ້, ທ່ານ ໄຊຊະນະ ໂຄດພູທອນ ກຳມະການສູນກາງພັກ ຫົວໜ້າອົງການໄອຍະການປະຊາຊົນສູງສຸດ (ອອປສ) ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມພົບປະອໍາລາຂອງທ່ານນາງມໍຣະກົດ ສີສະຫວັດ ເອກອັກຄະຣາຊະທູດແຫ່ງຣາຊະອານາຈັກໄທປະຈຳ ສປປ ລາວ ທີ່ໄດ້ປະຕິບັດໜ້າທີ່ສຳເລັດຄົບວາລະ ແລະ ຈະເດີນທາງກັບຄືນສູ່ປະເທດ.