ໃນວັນທີ 4 ຕຸລານີ້, ຫ້ອງວ່າການສູນກາງພັກ (ຫສພ) ໄດ້ເປີດບັ້ນແຂ່ງຂັນຮັກຊາດ ແລະ ພັດທະນາ ແຕ່ປີ 2021-2025 ໂດຍມີບັນດາສະຫາຍຄະນະພັກ, ຄະນະຫ້ອງວ່າການສູນກາງພັກ, ຄະນະກົມ, ພະແນກ ແລະ ພະນັກງານ-ລັດຖະກອນ ພາຍໃນ ຫສພ ເຂົ້າຮ່ວມ.
ໂອກາດດັ່ງກ່າວ, ສະຫາຍ ຄຳຜາ ພິມມະສອນ ຮອງເລຂາຄະນະພັກ ຮອງຫົວໜ້າ ຫສພ ກ່າວວ່າ:ການແຂ່ງຂັນຮັກຊາດ ແລະ ພັດທະນາ ເນື້ອແທ້ແມ່ນເພື່ອຍູ້ແຮງສ້າງຂະບວນການຢູ່ບັນດາກົມໃຫ້ເຄື່ອນໄຫວຢ່າງຕັ້ງໜ້າ, ເປັນເຈົ້າການ, ປຸກລະດົມສະມາຊິກພັກ-ພະນັກງານ ໃນທົ່ວ ຫສພ ເຂົ້າຮ່ວມຂະບວນການຢ່າງແຂງແຮງ ແລະເປັນຂະບວນຟົດຟື້ນ, ສຸມໃສ່ປະຕິບັດ 3 ພາລະບົດບາດ ເປັນເສນາທິການຮັບໃຊ້ສູນກາງ, ຮັບໃຊ້ການນຳ ຢ່າງມີຄຸນນະພາບ ພາຍໃຕ້ຄຳຂວັນ“ຮັບປະກັນການເປັນເສນາທິການດ້ານເນື້ອໃນ, ເປັນໃຈກາງປະສານງານ ແລະ ບໍລິການຮັບໃຊ້ການນໍາໃຫ້ມີຜົນສໍາເລັດ, ມີປະສິດທິພາບ, ປະສິດທິຜົນສູງ, ວ່ອງໄວທັນການ ແລະ ຖືກຕ້ອງສອດຄ່ອງກັບລະບຽບກົດໝາຍ”.
ການເປີດບັ້ນແຂ່ງຂັນໃນຄັ້ງນີ້,ເປັນການຜັນຂະຫຍາຍເນື້ອໃນການແຂ່ງຂັນຮັກຊາດ ແລະ ພັດທະນາ ຂອງຫ້ອງວ່າການສູນກາງພັກ ແຕ່ປີ 2021-2025, ເພື່ອພ້ອມກັນສ້າງຄວາມຮັບຮູ້, ເຂົ້າໃຈ,ກຳແໜ້ນເນື້ອໃນ ແລະ ມີຄວາມເປັນເອກະພາບກັນ, ບົນພື້ນຖານຫັນເປັນແຜນປະຕິບັດງານອັນລະອຽດຂອງແຕ່ລະກົມກອງ ແນໃສ່ສ້າງການຫັນປ່ຽນຢ່າງແຂງແຮງ,ເລິກເຊິ່ງ ແລະ ຮອບດ້ານ, ທັງຖືເປັນບາດລ້ຽວສຳຄັນໃນການຍູ້ແຮງຂະບວນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VII ຂອງອົງຄະນະພັກຫ້ອງວ່າການສູນກາງພັກ ແລະ ແຜນພັດທະນາ ຂອງຫ້ອງວ່າການສູນກາງພັກ ໃຫ້ມີຜົນສຳເລັດຕາມລະດັບຄາດໝາຍ, ພ້ອມກັນອອກແຮງແຂ່ງຂັນຕາມ 4 ເນື້ອໃນຄື: ໜຶ່ງ: ດ້ານວຽກງານການປັບປຸງກົງຈັກການຈັດຕັ້ງ ແລະກໍ່ສ້າງພະນັກງານ;ສອງ: ດ້ານວຽກງານເສນາທິການຮັບໃຊ້ສູນກາງພັກ;ສາມ: ດ້ານວຽກງານຄຸ້ມຄອງ, ການປະສານງານ ແລະ ການບໍລິການຮັບໃຊ້ ແລະ ສີ່: ດ້ານວຽກງານອົງການຈັດຕັ້ງມະຫາຊົນ, ເພື່ອຮັບປະກັນຍູ້ແຮງໃຫ້ 4 ເນື້ອໃນທີ່ດັ່ງກ່າວ, ມີຜົນສຳເລັດເປັນຢ່າງດີຮຽກຮ້ອງໃຫ້ຄະນະພັກ, ຄະນະນຳ ແລະ ພະນັກງານ-ລັດຖະກອນ ທົ່ວ ຫສພ ປະຕິບັດບົນຈິດໃຈ: “ເຮັດໃຫ້ດີ, ເຮັດໃຫ້ໄວ, ເຮັດໃຫ້ຫລາຍ ແລະ ເຮັດໃຫ້ຖືກຕ້ອງຕາມລະບຽບກົດໝາຍ.ພ້ອມດຽວກັນນີ້, ຕ້ອງຕັ້ງໜ້າເປັນເຈົ້າການ ແລະ ມີຄວາມຮັບຜິດຊອບສູງຕໍ່ການປະຕິບັດໜ້າທີ່ການເມືອງວຽກວິຊາສະເພາະຂອງຕົນ,ເຮັດຢ່າງຈິງຈັງ ແລະ ປະຕິບັດຢ່າງຈິງໃຈ, ສ້າງການຕັດສິນໃຈຫັນປ່ຽນໃໝ່ທີ່ແຂງແຮງ, ເລິກເຊິ່ງ ແລະ ຮອບດ້ານ.
ໃນໂອກາດດຽວກັນ, ສະຫາຍ ຄຳພອນ ສຸວັນນະແສງ ຄະນະພັກຫສພ ຫົວໜ້າກົມຈັດຕັ້ງພະນັກງານໄດ້ຂຶ້ນລາຍງານເນື້ອໃນການແຂ່ງຂັນຮັກຊາດ ແລະ ພັດທະນາ ແຕ່ປີ 2021-2025 ເພື່ອເປັນແນວທາງໃຫ້ແກ່ບັນດາກົມ ນໍາໄປສືບຕໍ່ຜັນຂະຫຍາຍເປັນແຜນການອັນລະອຽດ, ຫຼັງຈາກນັ້ນ, ຜູ້ຕາງໜ້າບັນດາກົມ ພາຍໃນ ຫສພ ກໍໄດ້ຂຶ້ນຈັບມືແຂ່ງຂັນຮັກຊາດ ແລະ ພັດທະນາ.
ຂ່າວ-ພາບ:ຂປລ
ໂອກາດດັ່ງກ່າວ, ສະຫາຍ ຄຳຜາ ພິມມະສອນ ຮອງເລຂາຄະນະພັກ ຮອງຫົວໜ້າ ຫສພ ກ່າວວ່າ:ການແຂ່ງຂັນຮັກຊາດ ແລະ ພັດທະນາ ເນື້ອແທ້ແມ່ນເພື່ອຍູ້ແຮງສ້າງຂະບວນການຢູ່ບັນດາກົມໃຫ້ເຄື່ອນໄຫວຢ່າງຕັ້ງໜ້າ, ເປັນເຈົ້າການ, ປຸກລະດົມສະມາຊິກພັກ-ພະນັກງານ ໃນທົ່ວ ຫສພ ເຂົ້າຮ່ວມຂະບວນການຢ່າງແຂງແຮງ ແລະເປັນຂະບວນຟົດຟື້ນ, ສຸມໃສ່ປະຕິບັດ 3 ພາລະບົດບາດ ເປັນເສນາທິການຮັບໃຊ້ສູນກາງ, ຮັບໃຊ້ການນຳ ຢ່າງມີຄຸນນະພາບ ພາຍໃຕ້ຄຳຂວັນ“ຮັບປະກັນການເປັນເສນາທິການດ້ານເນື້ອໃນ, ເປັນໃຈກາງປະສານງານ ແລະ ບໍລິການຮັບໃຊ້ການນໍາໃຫ້ມີຜົນສໍາເລັດ, ມີປະສິດທິພາບ, ປະສິດທິຜົນສູງ, ວ່ອງໄວທັນການ ແລະ ຖືກຕ້ອງສອດຄ່ອງກັບລະບຽບກົດໝາຍ”.
ການເປີດບັ້ນແຂ່ງຂັນໃນຄັ້ງນີ້,ເປັນການຜັນຂະຫຍາຍເນື້ອໃນການແຂ່ງຂັນຮັກຊາດ ແລະ ພັດທະນາ ຂອງຫ້ອງວ່າການສູນກາງພັກ ແຕ່ປີ 2021-2025, ເພື່ອພ້ອມກັນສ້າງຄວາມຮັບຮູ້, ເຂົ້າໃຈ,ກຳແໜ້ນເນື້ອໃນ ແລະ ມີຄວາມເປັນເອກະພາບກັນ, ບົນພື້ນຖານຫັນເປັນແຜນປະຕິບັດງານອັນລະອຽດຂອງແຕ່ລະກົມກອງ ແນໃສ່ສ້າງການຫັນປ່ຽນຢ່າງແຂງແຮງ,ເລິກເຊິ່ງ ແລະ ຮອບດ້ານ, ທັງຖືເປັນບາດລ້ຽວສຳຄັນໃນການຍູ້ແຮງຂະບວນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VII ຂອງອົງຄະນະພັກຫ້ອງວ່າການສູນກາງພັກ ແລະ ແຜນພັດທະນາ ຂອງຫ້ອງວ່າການສູນກາງພັກ ໃຫ້ມີຜົນສຳເລັດຕາມລະດັບຄາດໝາຍ, ພ້ອມກັນອອກແຮງແຂ່ງຂັນຕາມ 4 ເນື້ອໃນຄື: ໜຶ່ງ: ດ້ານວຽກງານການປັບປຸງກົງຈັກການຈັດຕັ້ງ ແລະກໍ່ສ້າງພະນັກງານ;ສອງ: ດ້ານວຽກງານເສນາທິການຮັບໃຊ້ສູນກາງພັກ;ສາມ: ດ້ານວຽກງານຄຸ້ມຄອງ, ການປະສານງານ ແລະ ການບໍລິການຮັບໃຊ້ ແລະ ສີ່: ດ້ານວຽກງານອົງການຈັດຕັ້ງມະຫາຊົນ, ເພື່ອຮັບປະກັນຍູ້ແຮງໃຫ້ 4 ເນື້ອໃນທີ່ດັ່ງກ່າວ, ມີຜົນສຳເລັດເປັນຢ່າງດີຮຽກຮ້ອງໃຫ້ຄະນະພັກ, ຄະນະນຳ ແລະ ພະນັກງານ-ລັດຖະກອນ ທົ່ວ ຫສພ ປະຕິບັດບົນຈິດໃຈ: “ເຮັດໃຫ້ດີ, ເຮັດໃຫ້ໄວ, ເຮັດໃຫ້ຫລາຍ ແລະ ເຮັດໃຫ້ຖືກຕ້ອງຕາມລະບຽບກົດໝາຍ.ພ້ອມດຽວກັນນີ້, ຕ້ອງຕັ້ງໜ້າເປັນເຈົ້າການ ແລະ ມີຄວາມຮັບຜິດຊອບສູງຕໍ່ການປະຕິບັດໜ້າທີ່ການເມືອງວຽກວິຊາສະເພາະຂອງຕົນ,ເຮັດຢ່າງຈິງຈັງ ແລະ ປະຕິບັດຢ່າງຈິງໃຈ, ສ້າງການຕັດສິນໃຈຫັນປ່ຽນໃໝ່ທີ່ແຂງແຮງ, ເລິກເຊິ່ງ ແລະ ຮອບດ້ານ.
ໃນໂອກາດດຽວກັນ, ສະຫາຍ ຄຳພອນ ສຸວັນນະແສງ ຄະນະພັກຫສພ ຫົວໜ້າກົມຈັດຕັ້ງພະນັກງານໄດ້ຂຶ້ນລາຍງານເນື້ອໃນການແຂ່ງຂັນຮັກຊາດ ແລະ ພັດທະນາ ແຕ່ປີ 2021-2025 ເພື່ອເປັນແນວທາງໃຫ້ແກ່ບັນດາກົມ ນໍາໄປສືບຕໍ່ຜັນຂະຫຍາຍເປັນແຜນການອັນລະອຽດ, ຫຼັງຈາກນັ້ນ, ຜູ້ຕາງໜ້າບັນດາກົມ ພາຍໃນ ຫສພ ກໍໄດ້ຂຶ້ນຈັບມືແຂ່ງຂັນຮັກຊາດ ແລະ ພັດທະນາ.
ຂ່າວ-ພາບ:ຂປລ
ຄໍາເຫັນ