ພິທີ ປິດຊຸດຮຽນທິດສະດີການເມືອງຂັ້ນຕົ້ນ ຊຸດທີ II ຂອງຫ້ອງວ່າການສູນກາງພັກ (ຫສພ) ໄດ້ປິດລົງເມື່ອວັນທີ 29 ທັນວາ ຜ່ານມາ ທີ່ ຫສພ, ພາຍຫຼັງທີ່ໄດ້ດຳເນີນການຮຽນ-ການສອນມາແຕ່ວັນທີ 3 ຕຸລາ 2023, ພາຍໃຕ້ການເປັນປະທານຮ່ວມ ຂອງທ່ານ ຄຳຜາ ພິມມະສອນ ຮອງເລຂາຄະນະພັກ ຮອງ ຫົວໜ້າຫ້ອງວ່າການສູນກາງພັກ ຫົວໜ້າຄະນະຮັບຜິດຊອບການຮຽນທິດສະດີການເມືອງຂັ້ນຕົ້ນຊຸດທີ II ແລະ ທ່ານ ນາງ ຄໍາຫຼ້າ ແກ້ວອຸ່ນເຮືອນ ກໍາມະການຄະນະພັກ ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ, ມີພາກສ່ວນກ່ຽວຂ້ອງເຂົ້າຮ່ວມ.
ຈຸດປະສົງ, ເພື່ອສ້າງຄວາມຮັບຮູ້ເຂົ້າໃຈຕໍ່ທິດສະດີມາກ-ເລນິນ, ແນວຄິດ ໄກສອນ ພົມວິຫານ ແລະ ແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແລະ ສ້າງທັດສະນະຫຼັກໝັ້ນທາງດ້ານ ການເມືອງໃຫ້ສະມາຊິກພັກ, ມະຫາຊົນ, ກໍຄືພະນັກງານ-ລັດຖະກອນ ໃຫ້ມີຄວາມຮູ້ພື້ນຖານທາງດ້ານ ທິດສະດີການເມືອງ.
ໃນພິທີ ທ່ານ ຄຳພອນ ສຸວັນນະແສງ ກຳມະການຄະນະພັກ ຫົວໜ້າກົມຈັດຈັດຕັ້ງ-ພະນັກງານ ໄດ້ຂຶ້ນຜ່ານບົດ ສະຫຼຸບຊຸດຮຽນທິດສະດີການເມືອງ ໂດຍທ່ານໄດ້ຍົກໃຫ້ເຫັນ ຜົນສຳເລັດໃນຊຸດຮຽນທິດສະດີໃນຄັ້ງນີ້ວ່າ: ຍ້ອນຄວາມເອົາໃຈໃສ່ຊີ້ນໍາຢ່າງໃກ້ຊິດ ຂອງຄະນະພັກ ຫສພ ໂດຍສະເພາະ ສະຫາຍເລຂາຄະນະພັກ, ຮອງ ຫົວໜ້າຫ້ອງວ່າການສູນກາງພັກ ໄດ້ຊີ້ນໍາ ແລະໄດ້ຮັບຄວາມເອົາໃຈໃສ່ຈາກຄະນະນໍາ, ຄະນະຮັບຜິດຊອບ ຊຸດຮຽນ ກໍຄືຄູ-ອາຈານຈາກສະຖາບັນການເມືອງ ແລະການປົກຄອງແຫ່ງຊາດ ທີ່ມີປະສົບການ ບົດຮຽນສູງ ຊຶ່ງຄູ-ອາຈານໄດ້ເອົາໃຈໃສ່ແຕ່ງບົດສອນ ເພື່ອຖ່າຍທອດຄວາມຮູ້ໃຫ້ນັກຝຶກອົບຮົມ, ຍ້ອນຄວາມຕັດສິນໃຈ ສູງຂອງນັກຝຶກອົບຮົມ ແລະ ມີຄວາມກະຕືລືລົ້ນ ຂອງນັກຝຶກອົບຮົມ ຈຶ່ງມີຄວາມສໍາເລັດ, ນອກຈາກດ້ານດີ ກໍຍັງມີ ດ້ານອ່ອນ-ຂໍ້ຄົງຄ້າງ ແລະ ບົດຮຽນ ສາມາດຖອດຖອນໄດ້.
ຫຼັງຈາກນັ້ນ, ທ່ານ ຄຳຜາ ພິມມະສອນ, ໃຫ້ກຽດມີຄໍາເຫັນຕໍ່ນັກຮຽນທິດສະດີການເມືອງຄັ້ງນີ້ ຊຶ່ງໄດ້ກ່າວຍ້ອງຍໍຊົມເຊີຍນັກຝຶກອົບຮົມ ທີ່ໄດ້ເຫັນຄວາມສໍາຄັນ ໄດ້ເອົາໃຈໃສ່ບຸກບືນສູ້ຊົນ ໃນການຝຶກຝົນຫຼໍ່ຫຼອມຕົນເອງ, ມີຄວາມຕັ້ງໃຈຮໍ່າຮຽນ ພ້ອມທັງເນັ້ນໃຫ້ຜູ້ທີ່ຜ່ານການຮຽນຊຸດນີ້ ຈົ່ງນໍາເອົາຄວາມຮູ້ ແລະບົດຮຽນທີ່ບັນດາຄູ-ອາຈານຖ່າຍທອດໃຫ້ໄປໝູນໃຊ້ໃນວຽກງານຕົວຈິງຂອງຕົນເອງໃຫ້ເກີດຜົນປະໂຫຍດຫຼາຍທີ່ສຸດ.
ຂ່າວ-ພາບ: ນາງແສງຈັນ
ຈຸດປະສົງ, ເພື່ອສ້າງຄວາມຮັບຮູ້ເຂົ້າໃຈຕໍ່ທິດສະດີມາກ-ເລນິນ, ແນວຄິດ ໄກສອນ ພົມວິຫານ ແລະ ແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແລະ ສ້າງທັດສະນະຫຼັກໝັ້ນທາງດ້ານ ການເມືອງໃຫ້ສະມາຊິກພັກ, ມະຫາຊົນ, ກໍຄືພະນັກງານ-ລັດຖະກອນ ໃຫ້ມີຄວາມຮູ້ພື້ນຖານທາງດ້ານ ທິດສະດີການເມືອງ.
ໃນພິທີ ທ່ານ ຄຳພອນ ສຸວັນນະແສງ ກຳມະການຄະນະພັກ ຫົວໜ້າກົມຈັດຈັດຕັ້ງ-ພະນັກງານ ໄດ້ຂຶ້ນຜ່ານບົດ ສະຫຼຸບຊຸດຮຽນທິດສະດີການເມືອງ ໂດຍທ່ານໄດ້ຍົກໃຫ້ເຫັນ ຜົນສຳເລັດໃນຊຸດຮຽນທິດສະດີໃນຄັ້ງນີ້ວ່າ: ຍ້ອນຄວາມເອົາໃຈໃສ່ຊີ້ນໍາຢ່າງໃກ້ຊິດ ຂອງຄະນະພັກ ຫສພ ໂດຍສະເພາະ ສະຫາຍເລຂາຄະນະພັກ, ຮອງ ຫົວໜ້າຫ້ອງວ່າການສູນກາງພັກ ໄດ້ຊີ້ນໍາ ແລະໄດ້ຮັບຄວາມເອົາໃຈໃສ່ຈາກຄະນະນໍາ, ຄະນະຮັບຜິດຊອບ ຊຸດຮຽນ ກໍຄືຄູ-ອາຈານຈາກສະຖາບັນການເມືອງ ແລະການປົກຄອງແຫ່ງຊາດ ທີ່ມີປະສົບການ ບົດຮຽນສູງ ຊຶ່ງຄູ-ອາຈານໄດ້ເອົາໃຈໃສ່ແຕ່ງບົດສອນ ເພື່ອຖ່າຍທອດຄວາມຮູ້ໃຫ້ນັກຝຶກອົບຮົມ, ຍ້ອນຄວາມຕັດສິນໃຈ ສູງຂອງນັກຝຶກອົບຮົມ ແລະ ມີຄວາມກະຕືລືລົ້ນ ຂອງນັກຝຶກອົບຮົມ ຈຶ່ງມີຄວາມສໍາເລັດ, ນອກຈາກດ້ານດີ ກໍຍັງມີ ດ້ານອ່ອນ-ຂໍ້ຄົງຄ້າງ ແລະ ບົດຮຽນ ສາມາດຖອດຖອນໄດ້.
ຫຼັງຈາກນັ້ນ, ທ່ານ ຄຳຜາ ພິມມະສອນ, ໃຫ້ກຽດມີຄໍາເຫັນຕໍ່ນັກຮຽນທິດສະດີການເມືອງຄັ້ງນີ້ ຊຶ່ງໄດ້ກ່າວຍ້ອງຍໍຊົມເຊີຍນັກຝຶກອົບຮົມ ທີ່ໄດ້ເຫັນຄວາມສໍາຄັນ ໄດ້ເອົາໃຈໃສ່ບຸກບືນສູ້ຊົນ ໃນການຝຶກຝົນຫຼໍ່ຫຼອມຕົນເອງ, ມີຄວາມຕັ້ງໃຈຮໍ່າຮຽນ ພ້ອມທັງເນັ້ນໃຫ້ຜູ້ທີ່ຜ່ານການຮຽນຊຸດນີ້ ຈົ່ງນໍາເອົາຄວາມຮູ້ ແລະບົດຮຽນທີ່ບັນດາຄູ-ອາຈານຖ່າຍທອດໃຫ້ໄປໝູນໃຊ້ໃນວຽກງານຕົວຈິງຂອງຕົນເອງໃຫ້ເກີດຜົນປະໂຫຍດຫຼາຍທີ່ສຸດ.
ຂ່າວ-ພາບ: ນາງແສງຈັນ
ຄໍາເຫັນ