ທ່ານ ໂຕເລິມ ເລຂາທິການໃຫຍ່ ໄດ້ເຂົ້າຮ່ວມ ແລະ ກ່າວຄຳເຫັນຊີ້ນຳຕໍ່ກອງປະຊຸມ.
ຂ່າວລະບຸວ່າ: ກ່າວຄຳເຫັນຊີ້ນຳຕໍ່ກອງປະຊຸມ, ທ່ານ ໂຕເລິມ ໄດ້ຍ້ອງຍໍຊົມເຊີຍບັນດາໝາກຜົນຮອບດ້ານຂອງທົ່ວຂະແໜງຈັດຕັ້ງກໍ່ສ້າງພັກ, ຈາກບັນດາວຽກງານຕັ້ງໜ້າຄືເປັນເສນາທິການບູລະນະລະບອບລະບຽບການ, ວຽກງານກໍ່ສ້າງປັບປຸງພັກ ຕະຫຼອດຮອດວຽກງານພະນັກງານ. ກ່ຽວກັບໜ້າທີ່ໃນໄລຍະຈະມາເຖິງ, ທ່ານຮຽກຮ້ອງໃຫ້ທົ່ວຂະແໜງຈັດຕັ້ງກໍ່ສ້າງພັກສືບຕໍ່ສຸມໃສ່ເປັນເສນາທິການ, ສະເໜີການກໍ່ສ້າງປັງປຸງກົງຈັກການເມືອງໃຫ້ກະທັດຮັດ, ມີການເຄື່ອນໄຫວຢ່າງມີປະສິດທິຜົນ, ປະສິດທິພາບ. ທ່ານ ໂຕເລິມ ເນັ້ນໜັກວ່າ: ຕ້ອງເຮັດແນວໃດໃຫ້ມີຖັນແຖວພະນັກງານທີ່ສຸດຈິດສຸດໃຈເພື່ອປະເທດຊາດ, ເພື່ອປະຊາຊົນ, ເພື່ອພາລະກຳຂອງພັກ. ເພື່ອເຮັດໃຫ້ໄດ້ສິ່ງນັ້ນຕ້ອງມີຈິນຕະນາການໃໝ່ໃນຂະບວນວິວັດແຫ່ງການຜັນຂະຫຍາຍປະຕິບັດບັນດາຂໍ້ກຳນົດຂອງພັກ, ຍ້ອນວ່າກຳລັງໜູນຂອງພວກເຮົາແມ່ນຮັບໃຊ້ປະເທດຊາດ, ຮັບໃຊ້ປະຊາຊົນ, ເພື່ອພາລະກິດຂອງພັກ.
ໃນຕອນບ່າຍວັນດຽວກັນ, ທ່ານ ໂຕເລິມໄດ້ເຂົ້າຮ່ວມ ແລະ ເປັນປະທານກອງປະຊຸມຄະນະພັກ ກອງທັບສູນກາງຄັ້ງທີ 12. ໂດຍມີທ່ານ ເລືອງເກືອງ ປະທານປະເທດ, ທ່ານ ຟ້າມມິງຈິງ ນາຍົກລັດຖະມົນຕີເຂົ້າຮ່ວມກອງປະຊຸມ.
ກ່າວຄຳເຫັນສະຫຼຸບກອງປະຊຸມ, ທ່ານ ໂຕເລິມ ໄດ້ສະແດງຄວາມຊົມເຊີຍຕໍ່ຄະນະພັກ ກອງທັບສູນກາງກະຊວງປ້ອງກັນປະເທດ ແລະ ພະນັກງານ, ນັກຮົບທົ່ວກອງທັບ ໄດ້ສຳເລັດຫຼາຍກິດຈະກຳສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນ ຫວຽດນາມ (22 ທັນວາ 1944 – 22 ທັນວາ 2024) ແລະ 35 ປີແຫ່ງວັນບຸນທົ່ວປວງຊົນປ້ອງກັນຊາດ (22 ທັນວາ 1989 – 22 ທັນວາ2024) ດ້ວຍຫຼາຍກິດຈະກຳທີ່ແທດຈິງ, ມີຄວາມໝາຍ, ທ່ານຢັ້ງຢືນບັນດາໝາກຜົນທີ່ພົ້ນເດັ່ນໃນການຊີ້ນຳ-ນຳພາ ບໍລິຫານຂອງຄະນະພັກ, ກອງທັບສູນກາງ, ກະຊວງປ້ອງກັນປະເທດ.
ຄໍາເຫັນ