ຄະນະກຳມະການເສດຖະກິດ ແລະ ສັງຄົມ ສປຊ ພາກພື້ນອາຊີ - ປາຊີຟິກ (UN – ESCAP) ແລະ ອົງການແມ່ຍິງ ສປຊ (UN – Women) ໄດ້ຮ່ວມກັນຈັດກອງປະຊຸມຂັ້ນລັດຖະມົນຕີ ອາຊີ - ປາຊີຟິກ ຕີລາຄາ 30 ປີ ແຫ່ງການປະຕິບັດຖະແຫຼງການ ແລະ ໂຄງການດຳເນີນງານ ປັກກິ່ງ (BPFA) ໂດຍການເຂົ້າຮ່ວມຂອງຜູ້ແທນ 1,200 ກວ່າທ່ານ ທີ່ມາຈາກ 51 ປະເທດແລະ ເຂດແຄ້ວນໃນໂລກ.
ທ່ານນາງ ຫງວຽນທິຮ່າ ຮອງລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມຕາງໜ້າຄະນະຜູ້ແທນ ຫວຽດນາມ ຂຶ້ນກ່າວຄຳເຫັນວ່າ:ຫວຽດນາມ ຕັດສິນໃຈປະຕິບັດບັນດາມາດຕະການທີ່ໄດ້ຍົກອອກມາໃນບົດລາຍງານແຫ່ງຊາດ ກ່ຽວກັບການສຳຫຼວດຄືນໄລຍະ 30 ປີປະຕິບັດໂຄງການດຳເນີນງານ ແລະ ກ້າວໄປເຖິງການປະຕິບັດເນື້ອໃນໂຄງການດຳເນີນງານຮອດປີ 2030 ເພື່ອການພັດທະນາແບບຍືນຍົງ, ບໍ່ປະໃຫ້ຜູ້ໃດຖືກຕົກຢູ່ເບື້ອງຫຼັງ ປະກົດຜົນເປັນຈິງ. ຫວຽດນາມ ຈະສືບຕໍ່ເພີ່ມທະວີການພົວພັນຄູ່ຮ່ວມມືລະຫວ່າງລັດຖະບານ ແລະ ບັນດາຝ່າຍທີ່ກ່ຽວຂ້ອງ, ໃນນັ້ນ ມີບັນດາອົງການຂອງ ສປຊ, ເພື່ອແນໃສ່ຍາດແຍ່ງການຊ່ວຍເຫຼືອກ່ຽວກັບຄວາມສະເໝີພາບລະຫວ່າງ ຍິງ - ຊາຍ ແລະ ຄວາມກ້າວໜ້າຂອງແມ່ຍິງ ໃຫ້ດີທີ່ສຸດ”.
ຄໍາເຫັນ