ຕ່ຳກວ່າປະມານ 4% ເມື່ອທຽບໃສ່ໄລຍະດຽວກັນຂອງປີກາຍ. ໃນກອງປະຊຸມຖະແຫຼງຂ່າວລັດຖະບານປະຈຳເດືອນຕຸລາ ທີ່ດຳເນີນໃນວັນທີ 9 ພະຈິກ ຜ່ານມາຢູ່ນະຄອນຫຼວງຮ່າໂນ້ຍ, ການນຳກະຊວງແຜນການ ແລະ ການລົງທຶນ ຫວຽດນາມ ໄດ້ຢັ້ງຢືນວ່າ: ນັບແຕ່ນີ້ຮອດທ້າຍປີ, ລັດຖະບານຈະສືບຕໍ່ຍູ້ແຮງການສ້າງມາດຕະການຄົບຊຸດເພື່ອບັນລຸຄາດໝາຍປ່ອຍເງິນລົງທຶນພາກລັດ 95% ທີ່ໄດ້ວາງອອກ.
ຂ່າວລະບຸວ່າ: ທ່ານ ເຈິ່ນກວັກເຟືອງ ຮອງລັດຖະມົນຕີກະຊວງແຜນການ ແລະ ການລົງທຶນ ຫວຽດນາມ ໃຫ້ຮູ້ວ່າ: ບັນດາມາດຕະການຈຸດສຸມ, ລວມມີສືບຕໍ່ປະຕິບັດບັນດາມາດຕະການທີ່ໄດ້ສະເໜີ ແລະ ລັດຖະບານປະກາດໃຊ້, ຈັດແບ່ງໜ້າທີ່ໃຫ້ບັນດາທ້ອງຖິ່ນເພື່ອເລັ່ງລັດການປ່ອຍເງິນລົງທຶນພາກລັດ; ເພີ່ມທະວີລະບຽບວິໄນກ່ຽວກັບການລົງທຶນພາກລັດ, ພິເສດແມ່ນຍູ້ແຮງການໝູນໃຊ້ເຕັກໂນໂລຊີຂໍ້ມູນຂ່າວສານເພື່ອຄຸ້ມຄອງວຽກງານລົງທຶນພາກລັດໃຫ້ວ່ອງໄວທີ່ສຸດ ແລະ ມີປະສິດທິຜົນທີ່ສຸດ. ທ່ານ ເຈິ່ນກວັກເຟືອງ ໃຫ້ຮູ້ຕື່ມວ່າ: ກົດໝາຍວ່າດ້ວຍການລົງທຶນພາກລັດ ພວມໄດ້ຮັບການປັບປຸງໂດຍກອງປະຊຸມສະໄໝສາມັນສະພາແຫ່ງຊາດຊຸດທີ XV.
ຄໍາເຫັນ