ຜ່ານການກະກຽມດໍາເນີນກອງປະໃຫຍ່ 3 ຂັ້ນຂອງພັກມາຮອດປັດຈຸບັນ ສາມາດປະຕິບັດຕາມວຽກງານຂະບວນການ ໂດຍການຫັນຈາກແຜນພັດທະນາເສດຖະກິດ-ສັງຄົມ 5 ປີຄັ້ງທີ IV ມາເປັນແຜນດໍາເນີນງານ ໂຄງການ ແລະ ແຜນວຽກອັນລະອຽດ ພ້ອມທັງລົງສູ່ຮາກຖານຢ່າງທົ່ວເຖີງ ໂດຍຫັນເອົາພະນັກງານຫຼັກແຫຼ່ງລົງສູ່ຮາກຖານຈໍານວນ 20 ສະຫາຍ, ມີພະນັກງານຮາກຖານຂອງ 4 ສະຫາຍ ປະຈໍາຢູ່ 4 ກຸ່ມບ້ານ ໂດຍເລັ່ງໃສ່ຂະບວນການປັບປຸງ, ກໍ່ສ້າງ ພື້ນຖານໂຄງລ່າງເປັນຕົ້ນແມ່ນໂຄງການກໍ່ສ້າງເສັ້ນທາງເບຕົ່ງໄດ້ 16 ເສັ້ນ, ພັດທະນາວົງວຽນໃຈກາງເມືອງເພື່ອເປັນສະຖານທີ່ສາທາລະນະ 1 ແຫ່ງ, ສ້ອມແປງຊົນລະປະທານເຂດພູຄໍາໄດ້ 25 ແມັດ ແລະ ຂົວຂ້າມໄດ້ 6 ແຫ່ງ ພ້ອມທັງຕິດຕັ້ງໄຟເຍືອງທາງໄດ້ 382 ດອກ. ຕະຫຼອດໄລຍະການກະກຽມນີ້ ທົ່ວອົງຄະນະພັກເມືອງບໍລິຄັນ ກໍມີຄວາມສະຫງົບໂດຍພື້ນຖານ ສັງຄົມມີຄວາມເປັນລະບຽບຮຽບຮ້ອຍ.
ວຽກງານບຸກຄະລະກອນ, ຄະນະຮັບຜິດຊອບຂັ້ນເມືອງ ໄດ້ສົມທົບກັບ ຂັ້ນແຂວງໄດ້ຄົ້ນຄວ້າເລືອກເຟັ້ນບຸກຄະລະກອນທີຈະຮັບສະໝັກເລືອກຕັ້ງເຂົ້າໃນອົງປະກອບຄະນະບໍລິຫານງານພັກເມືອງຊຸດທີ VIII ນີ້. ຈາກ 131 ການຈັດຕັ້ງຮາກຖານພັກ ເພື່ອເປັນທິດທາງໃນການກະກຽມບຸກຄະລະກອນ ສາມາດສໍາເລັດກອງປະຊຸມໃຫຍ່ຂອງສະພັນນັກຮົບເກົ່າ, ອົງການຈັດຕັ້ງມະຫານຊົນໃນລະຫວ່າງເດືອນ ກັນຍາ 2024, ສໍາເລັດກອງປະຊຸມຄະນະພັກຮາກຖານໃນ ຕົ້ນເດືອນ ຕຸລາ 2024 ນີ້, ຄາດຄະເນເປົ້າໝາຍຜູ້ແທນສົມບູນທີ່ຈະເຂົ້າຮ່ວມກອງປະຊຸມໃຫຍ່ຄັ້ງທີ VIII ມີທັງໝົດ 143 ສະຫາຍ ຍີງ 16 ສະຫາຍ ແລະ ເປົາໝາຍຈະລົງສະໝັກຄະນະບໍລິຫານງານພັກເມືອງ 37 ສະຫາຍ ເພື່ອຄັດເອົາ 23 ສະຫາຍ, ເປົ້າໝາຍຄະນະປະຈໍາພັກເມືອງ 7 ສະຫາຍ.
ດ້ານເນື້ອໃນພາຍຫຼັງໄດ້ຮັບຄໍາແນະນໍາເລກທີ 05/ຫສພ, ລົງວັນທີ 31 ຕຸລາ 2023, ຄະນະປະຈໍາພັກເມືອງໄດ້ອອກມະຕິແຕ່ງຕັ້ງຄະນະຮັບຜິດຊອບແຕ່ລະໜ້າວຽກ ສະບັບເລກທີ 022/ຄປພ.ມບຄ ຊຶ່ງໄດ້ກະກຽມບົດລາຍງານການເມືອງ, ບົດຕີລາຄາແຜນພັດທະນາເສດຖະກິດ-ສັງຄົມ ແລະ ບົດສໍາຫຼວດການນໍາພາ ພ້ອມເອກະສານປີ່ນອ້ອມ ມາຮອດປັດຈຸບັນແມ່ນສໍາເລັດແລ້ວ 95%
ທ່ານ ຍັງໃຫ້ຮູ້ຕື່ມອິກວ່າ: ແຜນຄາດຄະເນການຈັດກອງປະຊຸມທາບທາມບຸກຄະລະກອນຮອບທີ 1 ຮອດຮອບທີ 3 ແມ່ນໃຫ້ສໍາເລັດກ່ອນກາງເດືອນ ກຸມພາ 2025 ທີ່ຈະມາເຖີງນີ້. ສ່ວນແແຜນດໍາເນີນກອງປະຊຸມໃຫຍ່ຄັ້ງທີ VIII ຂອງອົງຄະນະພັກເມືອງບໍລິຄັນ ແມ່ນຢູ່ໃນລະຫວ່າງທ້າຍເດືອນກຸມພາ ຫາ ເດືອນ ມີນາ 2025.
(ພາບ-ຂ່າວ: ກົວຊົ່ງ)
ຄໍາເຫັນ