hybrid ທົ່ວໂລກຈະເພີ່ມຂຶ້ນຢ່າງໜ້ອຍ 17% ໃນປີ 2025 ແລະຈະບັນລຸ 20 ລ້ານຄັນ, ໂດຍໄດ້ຮັບການຊຸກຍູ້ຈາກການຂະຫຍາຍເວລາໂຄງການເງິນອຸດໜູນການແລກປ່ຽນລົດໃນຈີນ.
ທ່ານ ໄອໂອລາ ຮິວ ຫົວໜ້າການວິໄຈ ຂອງ ບໍລິສັດ Rho Motion ລະບຸວ່າ:ການຂາຍໃນເອີຣົບ ຊຶ່ງເປັນຕະຫຼາດລົດEV ທີ່ໃຫຍ່ທີ່ສຸດອັນດັບສອງຂອງໂລກ ຈະກັບມາເຕີບໂຕ ເນື່ອງຈາກການບັງຄັບໃຊ້ກົດລະບຽບການປ່ອຍກາກບອນໄດອອກໄຊ (CO2) ແລະລາຄາຂອງລົດEV ຖືກລົງ, ແຕ່ອັດຕາການເຕີບໂຕຍັງຈະຊ້າກວ່າປີ 2023.
ທ່ານ ໂຣ ໂມຊັນ ຄາດວ່າ: ການຂາຍລົດEV ໃນປະເທດຈີນຄາດວ່າຈະເຕີບໂຕຫຼາຍກວ່າທີ່ຄາດຄະເນໄວ້ກ່ອນໜ້ານີ້ທີ່ 17% ໃນປີ 2025 ແລະຈະກວມເອົາສ່ວນແບ່ງຕະຫຼາດທີ່ໃຫຍ່ທີ່ສຸດໃນຕະຫຼາດລົດຂອງຈີນ ຊຶ່ງໄດ້ຮັບແຮງຊຸກຍູ້ຈາກການຂະຫຍາຍມາດຕະການເງິນອຸດໜູນ. ໂດຍໃນປີ 2024, ການຂາຍລົດEV ເພີ່ມສູງຂຶ້ນແບບບໍ່ເຄີຍມີມາກ່ອນເຖິງ 40% ເປັນ 11 ລ້ານຄັນ.
ການຂາຍລົດEV ທີ່ຜະລິດໂດຍຈີນຈະສືບຕໍ່ສອດຄ່ອງກັບທ່າອ່ຽງຂອງປີ 2024 ໃນອາເມຣິກາລາຕິນ ຊຶ່ງການຂາຍກວມເອົາຫຼາຍກວ່າ 80% ຂອງສ່ວນແບ່ງຕະຫຼາດແລະຈະສືບຕໍ່ເພີ່ມຂຶ້ນໃນພາກພື້ນອາຊີປາຊີຟິກແລະຕະຫຼາດເກີດໃໝ່.
ຂ່າວລະບຸວ່າ: ສໍາລັບເອີຣົບ, ບໍລິສັດ Rho Motionຄາດວ່າ: ການຂາຍຈະເພີ່ມຂຶ້ນ 15% ຈາກການຂາຍລົດEVປະມານ 3 ລ້ານຄັນໃນປີທີ່ຜ່ານມາ. ເມື່ອປຽບທຽບກັບການຄາດຄະເນກ່ອນໜ້ານີ້ ທີ່15 ຕື້ເອີໂຣ ຊຶ່ງບໍ່ລວມເຖິງການປ່ຽນແປງອຸດສາຫະກໍາຫຼ້າສຸດຫຼືກົດລະບຽບການປ່ອຍອາຍພິດໃໝ່ໆ.
ທ່ານ ໂຣ ໂມຊັນ ຄາດຄະເນວ່າ: ໃນປີ 2025 ການຂາຍລົດEV ໃນສະຫະລັດ ອາເມຣິກາ ຈະເຕີບໂຕ 16%, ໂດຍອາດຈະບໍ່ໄດ້ຮັບຜົນກະທົບຈາກການປ່ຽນແປງນະໂຍບາຍໃໝ່ຂອງ ທ່ານ ໂດນັລ ທຣຳປະທານາທິບໍດີສະຫະລັດ ອາເມຣິກາ, ແຕ່ຄາດວ່າຈະມີຜົນກະທົບໃນໄລຍະຍາວ. ລວມທັງໃນກໍລະນີທີ່ຮ້າຍແຮງທີ່ສຸດທີ່ຄວາມຕ້ອງການແບັດເຕີຣີ ລົດEV ຫຼຸດລົງເຖິງ 47% ພາຍໃນປີ 2040.
ຄໍາເຫັນ