ບົວລະພາ ແລະ ເມືອງໄຊບົວທອງ ໂດຍມີການນໍາເມືອງ ແລະ ພາກສ່ວນບໍລິສັດຜູ້ຮັບເໝົາເຂົ້າຮ່ວມ.
ການລົງຕິດຕາມຄວາມຄືບໜ້າການກໍ່ສ້າງສ້ອມແປງເສັ້ນທາງໃນຄັ້ງນີ້, ປະກອບມີໂຄງການກໍ່ສ້າງເສັ້ນທາງເບຕົງ ທາງຫຼວງແຫ່ງຊາດ 1F ແຕ່ ກມ 5+880 ຫາ ກມ 8+700 ໜ້າໂຮງງານ ບໍລິສັດ ຄໍາມ່ວນຊີມັງ KCL ເມືອງມະຫາໄຊ ມີລວງຍາວ 2.500 ແມັດ, ໜ້າທາງກວ້າງ 8 ແມັດ, ມູນຄ່າໃນການກໍ່ສ້າງທັງໝົດ 19 ຕື້ກວ່າກີບ, ໂດຍແມ່ນບໍລິສັດ ເກດສຸວັນ ຈໍາກັດຜູ້ດຽວ ເປັນຜູ້ຮັບເໝົາກໍ່ສ້າງ, ເລີ່ມຈັດຕັ້ງປະຕິບັດແຕ່ກາງເດືອນ ພະຈິກ 2024, ມາຮອດປັດຈຸບັນປະຕິບັດໄດ້ 17%; ໂຄງການປັບປຸງຍົກລະດັບທາງປູຢາງສອງຊັ້ນທາງຫຼວງແຫ່ງຊາດ1F(ຊ່ວງທີ່1) ແຕ່ຂົວຫ້ວຍສາໂທ ຫາ ສີ່ແຍກປ່າໜາມ ເມືອງມະຫາໄຊ, ມີລວງຍາວ 19.8 ກິໂລແມັດ, ກ້ວາງ 8 ແມັດ, ມູນຄ່າສັນຍາກໍ່ສ້າງໂຄງການ 58 ຕື້ກ່ວາກີບ, ເລີ່ມຈັດຕັ້ງປະຕິບັດໃນເດືອນ ມີນາ 2024, ມາຮອດປະຈຸບັນສາມາດຈັດຕັ້ງປະຕິບັດໄດ້ 66.17%, ຮັບເໝົາໂດຍ ບໍລິສັດ ແສງຈະເລີນ ກໍ່ສ້າງຂົວທາງ ຈຳກັດຜູ້ດຽວ; ໂຄງການກໍ່ສ້າງເສັ້ນທາງຫຼວງແຫ່ງຊາດ 001F (ຊ່ວງທີ 2) ແຕ່ 4 ແຍກປ່າໜາມເມືອງມະຫາໄຊຫາສໍານັກງານເມືອງໄຊບົວທອງ, ມີຄວາມຍາວ 20 ກິໂລແມັດ, ກວ້າງ 8 ແມັດ, ເລີ່ມຈັດຕັ້ງປະຕິບັດໃນເດືອນ ມີນາ 2024 ປັດຈຸບັນມີຄວາມຄືບໜ້າ 63.06%, ມູນຄ່າການກໍ່ສ້າງ 59 ຕື້ກວ່າກີບ, ໂດຍແມ່ນບໍລິສັດ ເກດສຸວັນ ຈໍາກັດຜູ້ດຽວ ເປັນຜູ້ຮັບເໜົາ. ທັງສອງໂຄງການນີ້ຄາດວ່າຈະສຳເລັດໃນກາງປີ 2025; ໂຄງການກໍ່ສ້າງເສັ້ນທາງປູຢາງສອງຊັ້ນທາງເບີ 5507 ແຕ່ແຍກປ່າໜາມ ຫາ ເມືອງ ບົວລະພາ, ມູນຄ່າສັນຍາ 145 ຕື້ກວ່າກີບ, ມີລວງຍາວ 56.5 ກິໂລແມັດ, ກວ້າງ 8 ແມັດ, ປັດຈຸບັນແມ່ນຈັດຕັ້ງປະຕິບັດສໍາເລັດ100%; ໂຄງການກໍ່ສ້າງເສັ້ນທາງປູຢາງສອງຊັ້ນແຕ່ແຍກບ້ານນາກະຈັນທົ່ງ ຫາ ເມືອງບົວລະພາ, ມີລວງຍາວ 4.4 ກິໂລແມັດ, ກວ້າງ 8 ແມັດ, ເລີ່ມລົງມືປະຕິບັດໃນຕົ້ນເດືອນທັນວານີ້, ປັດຈຸບັນສໍາເລັດ 10%, ລວມມູນຄ່າກໍ່ສ້າງ 12 ຕື້ກວ່າກີບ, ໂດຍແມ່ນບໍລິສັດ ພີພີເອັສທີ ກໍ່ສ້າງຂົວ-ທາງ ເປັນຜູ້ຮັບເໝົາກໍ່ສ້າງ, ຄາດວ່າ ຈະໃຫ້ສໍາເລັດໃນເດືອນ ມີນາ ປີ 2025.
ໂອກາດນີ້ ທ່ານເຈົ້າແຂວງ ຄໍາມ່ວນ ຍັງໄດ້ສະເໜີ ມາຍັງພະແນກການທີ່ກ່ຽວຂ້ອງຂັ້ນແຂວງ ແລະ ເມືອງ ຈົ່ງສືບຕໍ່ໃນການຊຸກຍູ້ສົ່ງເສີມການມີສ່ວນຮ່ວມຂອງສັງຄົມ ເພື່ອອໍານວຍຄວາມສະດວກໃຫ້ແກ່ການກໍ່ສ້າງ ແລະ ປະສານສົມທົບກັບພາກສ່ວນບໍລິສັດ ເພື່ອຕິດຕາມກວດກາດ້ານເຕັກນິກໃຫ້ໄດ້ມາດຕະຖານການກໍ່ສ້າງ, ພ້ອມທັງ ເນັ້ນໃຫ້ບໍລິສັດຜູ້ຮັບເໝົາຈົ່ງສືບຕໍ່ເອົາໃຈໃສ່ໃນການຈັດຕັ້ງປະຕິບັດໃຫ້ມີຄວາມສໍາເລັດໂດຍໄວ, ທັງຮັບປະກັນຄຸນນະພາບ ແລະ ທັນຕາມກໍານົດເວລາ.
(ຂ່າວ: ມະນີວັນ)
ຄໍາເຫັນ