ການສົ່ງອອກໄຟຟ້າ ໃນ 6ເດືອນຕົ້ນປີນີ້ ຄາດວ່າຈະໄດ້ 17,813 ລ້ານກິໂລວັດໂມງ

12:08 16/06/2025

ບົດລາຍງານກ່ຽວກັບສະຫຼຸບຕີລາຄາການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ແຫ່ງຊາດ, ແຜນງົບປະມານແຫ່ງລັດ ແລະ ແຜນເງິນຕາ ໄລຍະ 6 ເດືອນ ຕົ້ນປີ ແລະ ທິດທາງແຜນການ 6 ເດືອນທ້າຍປີ 2025 ຕິດພັນກັບ 2 ວາລະແຫ່ງຊາດ ແລະ ການແກ້ໄຂບັນຫາເຄັ່ງຮ້ອນທາງດ້ານເສດຖະກິດ ໂດຍ ທ່ານ ສອນໄຊ ສີພັນດອນ ນາຍົກລັດຖະມີຕີ ທີ່ລາຍງານຕໍ່ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີIXທີ່ໄດ້ກຳເນີນໃນວັນທີ 9 ມິຖຸນາຜ່ານມາ ໄດ້ໃຫ້ຮູ້ວ່າ: ການສົ່ງອອກໄຟຟ້າໄປຕ່າງປະເທດ ໃນ 6 ເດືອນຕົ້ນປີນີ້ ຄາດວ່າຈະໄດ້17,816 ລ້ານກິໂລວັດໂມງ ເທົ່າກັບ 42.33% ຂອງແຜນການ.

ບົດລາຍງານດັ່ງກ່າວລະບຸວ່າ: ໄດ້ສືບຕໍ່ພັດທະນາດ້ານພະລັງງານໄຟຟ້າຈາກແຫຼ່ງຕ່າງໆ (ພະລັງງານນໍ້າ, ພະລັງງານລົມ, ແສງຕາເວັນ, ຊີວະມວນແລະຄວາມຮ້ອນຈາກຖ່ານຫີນ) ຊຶ່ງມາຮອດປັດຈຸບັນແຫຼ່ງພະລັງງານໄຟຟ້າທີ່ມີກໍາລັງຕິດຕັ້ງ1 ເມກາວັດ(MW)ຂຶ້ນໄປມີຈໍານວນ109ແຫ່ງ, ລວມກໍາລັງຕິດຕັ້ງ12,235.84 MW,ຄວາມສາມາດຜະລິດພະລັງງານໄຟຟ້າ61,023.92ລ້ານກິໂລວັດໂມງຕໍ່ປີ. ໃນໄລຍະ3ເດືອນຕົ້ນປີ, ສາມາດຜະລິດພະລັງງານໄຟຟ້າໄດ້10,815ລ້ານກິໂລວັດໂມງ, ເທົ່າກັບ20.23%ຂອງແຜນການ, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ7.36%,ຄິດເປັນມູນຄ່າເທົ່າກັບ14,081ຕື້ກີບເທົ່າກັບ20.15%ຂອງແຜນການ, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ6.55%ແລະໃນ6ເດືອນຕົ້ນປີຄາດວ່າສາມາດຜະລິດພະລັງງານໄຟຟ້າໄດ້23,215ລ້ານກິໂລວັດໂມງເທົ່າກັບ43.43%ຂອງແຜນການ (ມະຕິສະພາ: 53,459ລ້ານກິໂລວັດໂມງ), ຄິດເປັນມູນຄ່າ31,097ຕື້ກີບເທົ່າກັບ44.50%ຂອງແຜນການ (ມະຕິສະພາ: 69,877ຕື້ກີບ).

ການສົ່ງອອກໄຟຟ້າໄປຕ່າງປະເທດໃນ3ເດືອນຕົ້ນປີໄດ້8,446ລ້ານກິໂລວັດໂມງເທົ່າກັບ20.06%ຂອງແຜນການ, ຄິດເປັນມູນຄ່າ521 ລ້ານໂດລາເທົ່າກັບ18.08%ຂອງແຜນການແລະໃນ6ເດືອນຕົ້ນປີຄາດວ່າສາມາດສົ່ງອອກໄຟຟ້າໄດ້17,816ລ້ານກິໂລວັດໂມງເທົ່າກັບ42.33%ຂອງແຜນການ (ມະຕິສະພາ: 42,098ລ້ານກິໂລວັດໂມງ), ຄິດເປັນມູນຄ່າ1,101ລ້ານໂດລາເທົ່າກັບ38.23%ຂອງແຜນການ (ມະຕິສະພາ: 2,881ລ້ານໂດລາ) ແລະການຈໍາໜ່າຍໄຟຟ້າພາຍໃນປະເທດໃນ 3ເດືອນຕົ້ນປີໄດ້2,765ລ້ານກິໂລວັດໂມງເທົ່າກັບ19.88%ຂອງແຜນການ, ຄິດເປັນມູນຄ່າ98ລ້ານໂດລາເທົ່າກັບ11.43%ຂອງແຜນການແລະໃນ6ເດືອນຕົ້ນປີຄາດວ່າສາມາດຈໍາຫນ່າຍໄຟຟ້າພາຍໃນໄດ້ 5,250 ລ້ານກິໂລວັດໂມງເທົ່າກັບ37,73%ຂອງແຜນການ (ມະຕິສະພາ: 13,909ລ້ານກິໂລວັດໂມງ), ຄິດເປັນມູນຄ່າ304ລ້ານໂດລາເທົ່າກັບ35.47%ຂອງແຜນການ (ມະຕິສະພາ: 857ລ້ານໂດລາ).

ນອກນີ້, ຍັງໄດ້ໃຫ້ຮູ້ວ່າ: ລັດຖະບານ ໄດ້ສຸມໃສ່ແກ້ໄຂສະພາບຂາດແຄນໄຟຟ້າໂດຍເລັ່ງສ້າງພະລັງງານແສງຕາເວັນຂະໜາດນ້ອຍ5MWລົງມາເສີມໃສ່ສະຖານີໄຟຟ້າໃນຈຸດທີ່ຂາດແຄນໄຟຟ້າ;ມາຮອດປັດຈຸບັນ,ໄດ້ເຊັນສັນຍາກັນ ໃນບົດບັນທຶກຄວາມເຂົ້າໃຈໃນການຮັບຊື້ໄຟຟ້າ(Tariff MOU)ກັບ 3 ບໍລິສັດໃນກໍາລັງຕິດຕັ້ງ138 MWແຜນກໍ່ສ້າງສໍາເລັດແຜນວັນທີ່ໂຮງງານໄຟຟ້າ/ຜູ້ຜະລິດໄຟຟ້າເລີ່ມມີການຊື້-ຂາຍໄຟຟ້າ (Commercial Operation Date : COD)ປີ2026, ກະກຽມເຊັນສັນຍາTarill MOUຈໍານວນ11 ບໍລິສັດໃນກໍາລັງຕິດຕັ້ງ66.5 MW,ແຜນກໍ່ສ້າງສໍາເລັດCODປີ2026; ກໍາລັງຄົ້ນຄວ້າຄັດເລືອກບໍລິສັດຜູ້ພັດທະນາເພື່ອເຊັນສັນຍາTariff MOUຮ່ວມກັນໃນກອບ36 ຈຸດ, ມີກໍາລັງຕິດຕັ້ງ123 MWໃຫ້ສໍາເລັດCOD 2026;ພ້ອມກັນນັ້ນ,ກໍໄດ້ສຸມໃສ່ຊຸກຍູ້ໂຄງການພະລັງງານໄຟຟ້າທີ່ໄດ້ຮັບອະນຸມັດແລ້ວໃຫ້ດໍາເນີນການກໍ່ສ້າງສໍາເລັດຕາມແຜນ.

(ຂ່າວ: ສຸກສະຫວັນ)

ຄໍາເຫັນ

ຂ່າວການເມືອງ

ພັກຍາມໃດ ກໍຖືວຽກປັບປຸງກົງຈັກການຈັດຕັ້ງເປັນວຽກໜຶ່ງທີ່ສຳຄັນ

04/06/2026 10:41

ພັກຍາມໃດ ກໍຖືວຽກງານປັບປຸງກົງຈັກການຈັດຕັ້ງ ເປັນວຽກງານໜຶ່ງທີ່ສຳຄັນໃນການນຳພາ-ຊີ້ນຳ ເພື່ອຂັບເຄື່ອນການພັດທະນາຕາມແນວທາງນະໂຍບາຍຂອງພັກ-ລັດ ໃນແຕ່ລະໄລຍະໃຫ້ມີປະສິດທິຜົນສູງ ສອດຄ່ອງກັບການຂະຫຍາຍຕົວຂອງເສດຖະກິດປະເທດ.

ທະຫານຜົ້ງສາລີ ເຜີຍແຜ່ເຊື່ອມຊຶມມະຕິກອງປະຊຸມໃຫຍ່ຂອງພັກ

29/05/2026 11:05

ກອງບັນຊາການທະຫານແຂວງຜົ້ງສາລີ ໄດ້ຈັດກອງປະຊຸມເຜີຍແຜ່ເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຂັ້ນຕ່າງໆຂອງພັກ ແລະ ປະກາດບົ່ງຕົວແຕ່ງຕັ້ງຄະນະພັກຮາກຖານ, ເລຂາຄະນະໜ່ວຍພັກ ແລະ ປະກາດການເລື່ອນຊັ້ນນາຍທະຫານ ຂຶ້ນໃນວັນທີ 26 ພຶດສະພາຜ່ານມາ, ທີ່ສະໂມສອນເມືອງບຸນເໜືອ,ໂດຍການເປັນປະທານຂອງສະຫາຍ ພົນຈັດຕະວາ ຊຽງເພັງ ບົວລະວົງ ກໍາມະການພັກແຂວງ, ເລຂາຄະນະພັກ, ຫົວໜ້າການເມືອງ ກອງບັນຊາການທະຫານແຂວງ, ມີຄະນະພັກ-ຄະນະບັນຊາກ່ຽວຂ້ອງເຂົ້າຮ່ວມ.

ກອງປະຊຸມໃຫຍ່ສະມາຊິກພັກ ຄັ້ງທີ V ຂອງອົງຄະນະພັກສູນກາງສະຫະພັນກຳມະບານລາວ

29/05/2026 10:35

ກອງປະຊຸມໃຫຍ່ສະມາ ຊິກພັກ ຄັ້ງທີ V ອົງຄະນະພັກ ສູນກາງສະຫະພັນກໍາມະບານ ລາວ ໄດ້ເປີດຂຶ້ນໃນວັນທີ 28 ພຶດສະພານີ້ ທີ່ສູນກາງສະຫະ ພັນກຳມະບານລາວ (ສກລ), ໂດຍການເປັນປະທານຂອງ ສະຫາຍ ຄຳຜອຍ ວັນນະສານ ກຳມະການສູນກາງພັກ ເລຂາຄະນະບໍລິຫານງານພັກ ປະທານສູນກາງສະຫະພັນກຳມະບານລາວ, ໃຫ້ກຽດເຂົ້າຮ່ວມຂອງ ສະຫາຍ ກິແກ້ວ ໄຂຄໍາພິທູນ ກໍາມະການກົມ ການເມືອງສູນກາງພັກ ປະ ທານ ສູນກາງແນວລາວສ້າງຊາດ ຜູ້ຊີ້ນໍາອົງການຈັດຕັ້ງມະຫາຊົນ, ມີບັນດາຄະນະພັກ, ສະມາຊິກພັກ ແລະ ແຂກທີ່ຖືກເຊີນເຂົ້າຮ່ວມ.

ກອງປະຊຸມໃຫຍ່ຜູ້ແທນສະມາຊິກພັກ ຄັ້ງທີ VI ອົງຄະນະພັກ ຄອສພ ເປີດຂຶ້ນຢ່າງເປັນທາງການ

28/05/2026 10:29

ກອງປະຊຸມໃຫຍ່ຜູ້ແທນສະມາຊິກພັກ ຄັ້ງທີ VI ຂອງອົງຄະນະພັກຄະນະໂຄສະນາອົບຮົມສູນກາງພັກ (ຄອສພ) ໄດ້ເປີດຂຶ້ນຢ່າງເປັນທາງການ ໃນວັນທີ 28 ພຶດສະພານີ້, ທີ່ຫ້ອງປະຊຸມໃຫຍ່ ຄອສພ, ພາຍໃຕ້ການເປັນປະທານຂອງ ສະຫາຍ ຄໍາພັນ ເຜີຍຍະວົງ ກໍາມະການກົມການເມືອງສູນກາງພັກ ເລຂາຄະນະບໍລິຫານງານພັກ ຫົວໜ້າຄະນະໂຄສະນາອົບຮົມສູນກາງພັກ, ໂດຍໃຫ້ກຽດເຂົ້າຮ່ວມຂອງສະຫາຍ ພົນເອກ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ, ມີຜູ້ແທນສົມບູນ 189 ສະຫາຍ, ຍິງ 83 ສະຫາຍ, ມີສະມາຊິກພັກອາວຸໂສບຳນານ ແລະ ແຂກຖືກເຊີນເຂົ້າຮ່ວມ.

ກອງບັນຊາການທະຫານເມືອງບຸນໃຕ້ ເຜີຍແຜ່ເຊື່ອມຊຶມມະຕິກອງປະຊຸມໃຫຍ່ຄັ້ງທີ XII ຂອງພັກ

26/05/2026 14:16

ກອງບັນຊາການທະຫານເມືອງບຸນໃຕ້ ແຂວງຜົ້ງສາລີ ໄດ້ຈັດກອງປະຊຸມເຜີຍແຜ່ເຊື່ອມຊຶມ ແລະ ຜັນຂະ ຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XII ຂອງພັກ, ມະຕິກອງປະຊຸມໃຫຍ່ຄັ້ງທີ XII ຂອງອົງຄະນະພັກແຂວງ ແລະ ມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກກະຊວງປ້ອງກັນປະເທດ ໃນວັນທີ 21 ພຶດສະພາຜ່ານມາ, ທີ່ສະໂມສອນກອງບັນຊາການທະຫານເມືອງບຸນໃຕ້ ໂດຍການເປັນປະທານ ແລະ ໃຫ້ກຽດເຜີຍແຜ່ເອກະສານຂອງສະຫາຍ ພົຈວ ຊຽງເພັງ ບົວລະວົງ ກຳມະການພັກແຂວງ, ເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງ, ມີສະຫາຍ ພັນໂທ ພອນ ສານສຸກ ຄະນະພັກ ກອງບັນຊາການທະຫານແຂວງ, ຫົວໜ້າພະແນກຈັດຕັ້ງພັກຫ້ອງການເມືອງ, ສະຫາຍ ພັນໂທ ທອງດີ ພົມປັນຍາ ກຳມະການປະຈຳພັກເມືອງ, ເລຂາຄະນະພັກຮາກຖານ, ຫົວໜ້າການເມືອງ ກອງບັນຊາການທະຫານເມືອງ ພ້ອມດ້ວຍຄະນະພັກ-ຄະນະບັນຊາ, ພະນັກງານ-ນັກຮົບເຂົ້າຮ່ວມ.

ຫສປທ ເຊື່ອມຊຶມມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ

19/05/2026 09:51

ຫ້ອງວ່າການສໍານັກງານປະທານປະເທດ (ຫສປທ) ໄດ້ເຜີຍແຜ່ ແລະ ເຊື່ອມຊຶມມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ແລະ ບັນດາເອກະສານສໍາຄັນຕ່າງໆ ຂອງພັກ ໃນວັນທີ 18 ມີນານີ້ ທີ່ຫໍຄໍາ ໂດຍໃຫ້ກຽດເຜີຍແຜ່ຂອງທ່ານ ນາງ ວຽງທອງ ສີພັນດອນ ຮອງປະທານປະເທດ, ເຂົ້າຮ່ວມຮັບຟັງ ມີຄະນະພັກ, ຄະນະນໍາ, ຄະນະກົມ, ຄະນະພະແນກພາຍໃນ ຫສປທ.

ຄະນະກວດກາສູນກາງພັກ ແລະ ອົງການກວດກາແຫ່ງລັດ ເຊື່ອມຊຶມ ເອກະສານກອງປະຊຸມໃຫຍ່ຄັ້ງທີ XII ຂອງພັກ

26/04/2026 21:01

ໃນວັນທີ 23 ເມສາ ຜ່ານມານີ້, ຄະນະກວດກາສູນກາງພັກ ແລະ ອົງການກວດກາແຫ່ງລັດ ໄດ້ຈັດກອງປະຊຸມເຜີຍແຜ່, ເຊື່ອມຊຶມ ເອກະສານກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XII ຂອງພັກຂຶ້ນທີ່ສະໂມສອນຄະນະກວດກາສູນກາງພັກ ໂດຍການເປັນປະທານຂອງ ສະຫາຍ ວັນໄຊ ພອງສະຫວັນ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ປະທານຄະນະກວດກາສູນກາງພັກ ປະທານອົງການກວດກາແຫ່ງລັດ ຫົວໜ້າອົງການຕ້ານການສໍ້ລາດບັງຫຼວງສູນກາງ; ມີບັນດາສະຫາຍຮອງປະທານຄະນະກວດກາສູນກາງພັກ ແລະ ອົງການກວດກາແຫ່ງລັດ, ຫົວໜ້າ-ຮອງຫົວໜ້າກົມ, ຫົວໜ້າພະແນກ, ຮອງຫົວໜ້າພະແນກ ຕະຫຼອດຮອດສະມາຊິກພັກ-ພະນັກງານ ຂອງຄະນະກວດກາສູນກາງພັກ ແລະ ອົງການກວດກາແຫ່ງລັດເຂົ້າຮ່ວມຢ່າງພ້ອມພຽງ.

ເຜີຍແຜ່ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ

07/04/2026 16:16

ກະຊວງປ້ອງກັນຄວາມສະຫງົບ (ປກສ) ຈັດກອງປະຊຸມເຜີຍແຜ່ເຊື່ອມຊຶມມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກໃນວັນທີ 7 ເມສານີ້, ໂດຍການເປັນປະທານເຜີຍແຜ່ຂອງສະຫາຍ ພົຕ ຄອນສະຫວັນ ສົມພາໄຊ ກໍາມະການສູນກາງພັກ ຮອງລັດຖະມົນຕີກະຊວງ ປກສ, ສະຫາຍ ພົຕ ສຸລິນະ ແກ້ວປະ ເສີດ ຮອງເລຂາຄະນະພັກ ຮອງລັດຖະມົນຕີ ຫົວໜ້າກົມໃຫຍ່ການເມືອງ ປກສ, ມີຄະນະພັກ, ກົມໃຫຍ່, ຫ້ອງວ່າການ, ວິທະຍາຄານ ພ້ອມດ້ວຍນາຍຕຳຫຼວດເຂົ້າຮ່ວມ.

ອົງການກາແດງເຜີຍແຜ່ເອກະສານສຳຄັນຂອງພັກ

01/04/2026 14:23

ອົງການກາແດງແຫ່ງຊາດລາວ (ກດລ) ໄດ້ຈັດພິທີເຜີຍແຜ່ ແລະ ເຊື່ອມຊຶມມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ແລະ ບັນດາເອກະສານສໍາຄັນຕ່າງໆ ຂອງພັກ ແລະ ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 71ປີ, ໃນວັນທີ 31 ມີນານີ້ ທີ່ຫ້ອງປະຊຸມ ຂອງສະຖາບັນເລືອດແຫ່ງຊາດ, ໂດຍການເປັນປະທານ ພ້ອມທັງໃຫ້ກຽດ ເຜີຍແຜ່, ເຊື່ອມຊຶມ ຂອງທ່ານ ຄໍາລາວັນ ຈັນທະລາວັນ ກໍາມະການສູນກາງພັກ, ປະທານອົງການກາແດງອຫ່ງຊາດລາວ, ເຂົ້າຮ່ວມຮັບຟັງ ມີຄະນະພັກ, ຄະນະນໍາ, ຄະນະກົມ, ຄະນະພະແນກ ພ້ອມດ້ວຍພະນັກງານ-ລັດຖະກອນ.

ເຜີຍແຜ່ ແລະ ເຊື່ອມຊຶມມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ

17/03/2026 15:00

ກົມຈັດຕັ້ງ-ພະນັກງານ ຄະນະໂຄສະນາອົບຮົມສູນກາງພັກ (ຄອສພ) ໄດ້ຈັດກອງປະຊຸມເຜີຍແຜ່ ແລະ ເຊື່ອມຊຶມມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ແລະ ບັນດາເອກະສານສໍາຄັນຕ່າງໆ ຂອງພັກ ແລະ ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 71 ປີ, ໃນວັນທີ 18 ມີນານີ້ ທີ່ສະໂມສອນຂອງ ຄອສພ, ໂດຍການເປັນປະທານ ແລະ ເຜີຍແຜ່ ຂອງ ສະຫາຍ ຄໍາພັນ ເຜີຍຍະວົງ ກໍາມະການກົມການເມືອງສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ, ເຂົ້າຮ່ວມຮັບຟັງ ມີຄະນະພັກ, ຄະນະນໍາ, ຄະນະກົມ, ຄະນະພະແນກ ທີ່ຂຶ້ນກັບ ຄອສພ ເຂົ້າຮ່ວມ.

ເພີ່ມເຕີມ