ໃນລະຫວ່າງເດືອນເມສາ ຫາ ເດືອນມິຖຸນາ ຜ່ານມາ, ການສົ່ງອອກຂອງອິນເດຍໄປສະຫະລັດ ອາເມຣິກາ ເພີ່ມຂຶ້ນ 22.18% ເປັນ 25.51 ຕື້ໂດລາ ແລະ ການນໍາເຂົ້າເພີ່ມຂຶ້ນ 11.68% ເປັນ 12,86 ຕື້ໂດລາ.
ສະຫະລັດ ອາເມລິກາ ແມ່ນຄູ່ຮ່ວມມືການຄ້າໃຫຍ່ທີ່ສຸດຂອງອິນເດຍໃນໄຕມາດເດືອນເມສາ ຫາ ເດືອນມິຖຸນາປີ 2025 ໃນຂະນະທີ່ສອງປະເທດກຳລັງເຈລະຈາສັນຍາການຄ້າ.
ສຳລັບມູນຄ່າການສົ່ງອອກສິນຄ້າ ແລະ ການບໍລິການທັງໝົດຂອງອິນເດຍໃນລະຫວ່າງເດືອນເມສາ ຫາ ເດືອນມິຖຸນາ 2025 ມີປະມານ 210.31 ຕື້ໂດລາ, ເພີ່ມຂຶ້ນ 5.94% ເມື່ອທຽບໃສ່ໄລຍະດຽວກັນຂອງປີກາຍ.
ໃນຂະນະທີ່ມູນຄ່າການສົ່ງອອກສິນຄ້າບໍ່ລວມບໍລິການ ແມ່ນ 112.17 ຕື້ໂດລາ, ເພີ່ມຂຶ້ນ 1.92%, ແລະ ມູນຄ່າການສົ່ງອອກສິນຄ້າບໍ່ລວມນ້ຳມັນ ແມ່ນ 94.77 ຕື້ໂດລາ, ເພີ່ມຂຶ້ນ 5.97% ເມື່ອທຽບໃສ່ໄລຍະດຽວກັນຂອງປີກາຍ.
ສິນຄ້າຕົ້ນຕໍທີ່ຊຸກຍູ້ການສົ່ງອອກແມ່ນເອເລັກໂຕຣນິກ, ຢາ ແລະ ການແພດ, ວິສະວະກຳ, ຜະລິດຕະພັນທາງທະເລ, ຜະລິດຕະພັນຈາກຊີ້ນ, ຜະລິດຕະພັນນົມ ແລະ ສັດປີກ.
ຄໍາເຫັນ