ທ່ານ ລິນຄຳ ດວງສະຫວັນໄດ້ຊີ້ແຈງວ່າ:ໃນການຜະລິດ ແລະ ການປຸງແຕ່ງຜະລິດຕະພັນກະສິກຳ ເປັນສິນຄ້າ, ຈະສືບຕໍ່ຄົ້ນຄວ້າ ກຳນົດນະໂຍບາຍ ກະຕຸກຊຸກຍູ້ການຜະລິດ ແລະ ຫຼຸດຜ່ອນຕົ້ນທຶນການຜະລິດ, ສ້າງເງື່ອນໄຂ ແລະ ສະພາບແວດລ້ອມທີ່ເອື້ອອໍານວຍ ໃຫ້ແກ່ການຜະລິດ ເຊັ່ນ: ການເຂົ້າເຖິງແຫຼ່ງທຶນດອກເບ້ຍທີ່ເໝາະສົມ (ປັດຈຸບັນ ມີກອງທຶນສົ່ງເສີມການຜະລິດສິນຄ້າລາວ ເພື່ອສົ່ງເສີມ ຊາວກະສິກອນຂະໜາດນ້ອຍ ໃນການຜະລິດເປັນສິນຄ້າ), ການເຂົ້າເຖິງຂໍ້ມູນຄວາມຕ້ອງການຂອງຕະຫຼາດ, ນະໂຍບາຍການນໍາເຂົ້າ ປັດໄຈການຜະລິດ (ແນວພັນພືດ-ສັດ, ຢາປ້ອງກັນພະຍາດສັດ, ຢາປາບສັດຕູພືດ, ປຸ໋ຍ ແລະ ກົນຈັກ) ທີ່ເຮົາບໍ່ສາມາດຜະລິດໄດ້,ສົ່ງເສີມການຜະລິດ ໂດຍນໍາໃຊ້ເຕັກນິກທີ່ທັນສະໄໝ, ຫັນການປູກ-ການລ້ຽງ ເປັນຟາມ ແລະ ເນັ້ນໃສ່ ກະສິກຳສະອາດ (ຕາມມາດຕະຖານກະສິກຳອິນຊີ ແລະ ມາດຕະຖານກະສິກຳທີ່ດີ ສໍາລັບພືດ ແລະ ມາດຕະຖານ ການລ້ຽງສັດ ແລະ ສັດນໍ້າທີ່ດີ),ຊຸກຍູ້ສົ່ງເສີມ ການຈັດຕັ້ງເປັນກຸ່ມ ເປັນສະຫະກອນການຜະລິດເປັນສິນຄ້າ ໂດຍມີການເຮັດສັນຍາ ການຮ່ວມມື ລະຫວ່າງ ຜູ້ປະກອບການ ແລະ ກຸ່ມຜະລິດ; ສ້າງຄວາມເຂັ້ມແຂງຜ່ານກຸ່ມ, ສະຫະກອນ ແລະ ຊາວກະສິກອນທົ່ວໄປ ໃນການເກັບຮັກສາແນວພັນດີ, ເຕັກນິກການຜະລິດ ຕິດພັນກັບຕະຫຼາດ ໃຫ້ມີຫຼາຍຮູບຫຼາຍສີ ໂດຍເປັນເຈົ້າ ການຮ່ວມກັບບັນດາຄູ່ຮ່ວມພັດທະນາ, ຜູ້ປະກອບການ ແລະ ອົງການຈັດຕັ້ງທາງສັງຄົມ,ສ້າງສິ່ງອໍານວຍຄວາມສະດວກ ໃຫ້ແກ່ຜູ້ຜະລິດ, ຜູ້ປະກອບການ ທີ່ມີຄວາມສົນໃຈ ລົງທຶນໃສ່ລະບົບເຊັ່ນ: ລະບົບສາງເຢັນ, ສາງເກັບມ້ຽນສິນຄ້າ, ທ່າຍົກເຊື່ອມຈອດ ກັບລະບົບສາງ ຂອງສະຖານີລົດ ໃຫ້ການບໍລິການຂົນສົ່ງສິນຄ້າ ມີຄວາມສະດວກວ່ອງໄວ ທັນສະໄໝ ແລະ ໄດ້ມາດຕະຖານ ໃນການເກັບຮັກສາແລະ ການຂົນສົ່ງ); ສືບຕໍ່ປັບປຸງ ແລະ ພັດທະນາໂຄງລ່າງພື້ນຖານ-ວັດຖຸເຕັກນິກຕ່າງໆ ທີ່ຈຳເປັນ ເພື່ອຮັບໃຊ້ໃນການຜະລິດພືດສິນຄ້າ ເພື່ອການສົ່ງອອກ (ເປັນຕົ້ນ: ຫ້ອງວິໄຈສັດຕູພືດ-ວິໄຈສານເຄມີຕົກຄ້າງ, ໂຮງງານປຸງແຕ່ງບົດ, ໂຮງພົບ, ລານຕາກ,ສາງເກັບມ້ຽນ ອື່ນໆ ຢູ່ສູນກາງ ແລະ ທ້ອງ,ສົ່ງເສີມການຜະລດສິນຄ້າ ຕາມລາຍການເຈລະຈາເບີດຕະຫຼາດ ສິນຄ້າກະສິກຳ.
ຂ່າວ: ສຳນານ
ຄໍາເຫັນ