ກະຊວງ ອຄ ອອກ​ແຈ້ງ​ການຫາກພົບປໍ້ານໍ້າມັນປິດ ຫຼື ຂາຍເກີນລາຄາ ແຈ້ງສາຍດ່ວນທັນທີ

ດັ່ງນັ້ນ, ເພື່ອຮັກສາສະຖຽນລະພາບທາງດ້ານລາຄາ ແລະ ການບໍລິການ, ກະຊວງ ອຄ ຈຶ່ງຂໍຄວາມຮ່ວມມືຈາກປະຊາຊົນ, ຫາກພົບເຫັນປໍ້ານໍ້າມັນໃດມີພຶດຕິກຳດັ່ງຕໍ່ໄປນີ້:

1. ປິດປໍ້າຊົ່ວຄາວ ຫຼື ຖາວອນ ໂດຍບໍ່ມີເຫດຜົນ ແລະ ບໍ່ມີການຕິດປ້າຍແຈ້ງເຕືອນລ່ວງໜ້າ 3 ວັນ.

2. ສວຍໂອກາດຂາຍນໍ້າມັນໃນລາຄາທີ່ສູງກວ່າ ລາຄາປົກກະຕິທີ່ລັດກຳນົດ.

3. ປະຕິເສດການຂາຍນໍ້າມັນ ໂດຍບໍ່ມີເຫດຜົນອັນສົມຄວນ.

ຂໍໃຫ້ທ່ານຮີບຮ້ອນແຈ້ງເບາະແສ ຫຼື ຮ້ອງຮຽນໂດຍກົງມາຍັງ ພະນັກງານ ກົມການຄ້າພາຍໃນ, ກະຊວງອຸດສາຫະກຳ ແລະ ການຄ້າ ຜ່ານໝາຍເລກໂທລະສັບ: 020 22259418, 020 55615256 (ສາມາດໂທແຈ້ງໄດ້ໃນໂມງລັດຖະການ).

ທຸກການແຈ້ງເບາະແສຂອງທ່ານ ຈະເປັນສ່ວນສຳຄັນໃນການຊ່ວຍໃຫ້ເຈົ້າໜ້າທີ່ລົງກວດກາ ແລະ ດຳເນີນມາດຕະການຢ່າງເຂັ້ມງວດຕໍ່ຜູ້ທີ່ລະເມີດລະບຽບການ. ກະຊວງ ອຄ ພ້ອມແລ້ວທີ່ຈະຄຽງຂ້າງ ແລະ ປົກປ້ອງຜົນປະໂຫຍດຂອງປະຊາຊົນໃນທຸກສະຖານະການ.

ດ້ວຍຄວາມຄາດຫວັງຢ່າງຍິ່ງໃນການຮ່ວມມືຈາກທຸກພາກສ່ວນ.

ຂໍ້ມູນ: ກະຊວງອຸດສາຫະກຳ ແລະ ການຄ້າ