ກະຊວງແຜນການ ແລະ ການລົງທຶນ (ຜທ) ໄດ້ຈັດພິທີມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກ ແໜ້ນ ປະຈໍາປີ 2022, ມອບບັດສະມາຊິກພັກສົມບູນ ຊຸດທີ IX ແລະ ມອບໃບຍ້ອງຍໍປະຈຳປີ 2022 ຂຶ້ນໃນວັນທີ 12 ຕຸລາ ນີ້ ທີ່ສະໂມສອນ ຂອງກະຊວງ ດັ່ງກ່າວ ໂດຍການເປັນປະທານ ຂອງທ່ານ ນາງ ຄຳຈັນ ວົງແສນບຸນ ຮອງເລຂາຄະນະບໍລິຫານງານພັກ ຮອງລັດຖະມົນຕີ ກະຊວງ ຜທ ໂດຍມີຄະນະພັກ, ສະມາຊິກພັກ ແລະ ພະນັກງານວິຊາການ ເຂົ້າຮ່ວມ.
ທ່ານ ບຸນມີ ວິໄລຈິດ ກຳມະການຄະນະບໍລິຫານງານພັກກະຊວງ ຫົວໜ້າກົມຈັດຕັ້ງ ແລະ ພະນັກງານ ໄດ້ຂຶ້ນຜ່ານມະຕິຕົກລົງ ສະບັບເລກທີ 029/ຄຈພ.ກຜທ, ລົງວັນທີ 10 ມີນາ 2023 ວ່າດ້ວຍການຮອງຮັບມອບໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2022, ຜ່ານມະຕິ ສະບັບເລກທີ 043/ຄບພ.ກຜທ, ລົງວັນທີ 21 ກັນຍາ 2023 ວ່າດ້ວຍການຮັບຮອງເອົາເນື້ອໃນຂໍ້ແຂ່ງຂັນລວມ ການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ພາຍໃນອົງຄະນະພັກກະຊວງ ຜທ ແລະ 15 ໜ່ວຍພັກຂຶ້ນຈັບມືແຂ່ງຂັນ, ຜ່ານມະຕິຕົກລົງ ສະບັບເລກທີ 066/ຄຈພ.ກຜທ, ລົງວັນທີ 11 ເມສາ 2023 ວ່າດ້ວຍການຮັບຮອງອອກບັດສະມາຊິກພັກສົມບູນ ຊຸດທີ IX ແລະ ຜ່ານຂໍ້ຕົກລົງ ວ່າດ້ວຍການອະນຸມັດການຍ້ອງຍໍ ແລະ ຊົມເຊີຍກົມກອງ, ບຸກຄົນ ຂອງພະນັກງານ-ລັດຖະກອນ ກະຊວງ ຜທ ທີ່ມີຜົນງານດີເດັ່ນປະຈຳປີ 2022. ໃນນັ້ນໃບຍ້ອງຍໍກົມກອງ ຈຳນວນ 15 ກົມກອງ, ໃບຍ້ອງຍໍບຸກຄົນ ຈຳນວນ 635 ທ່ານ ຍິງ 242 ທ່ານ, ໃບຊົມເຊີຍບຸກຄົນ ຈຳນວນ 2 ທ່ານ ຍິງ 1 ທ່ານ.
ຈາກນັ້ນ, ທ່ານ ນາງ ຄຳຈັນ ວົງແສນບຸນ ໄດ້ກ່າວຍ້ອງຍໍຊົມຜົນງານທີ່ຍາດມາໄດ້ ແລະ ຜົນສຳເລັດໃນຫຼາຍໆດ້ານໃນ 1ປີ ຜ່ານມາ. ພ້ອມທັງຮຽກຮ້ອງໃຫ້ບັນດາໜ່ວຍພັກສືບຕໍ່ສ້າງຂະບວນການແຂ່ງຂັນກັນໃນການສ້າງໜ່ວຍພັກຕາມເນື້ອໃນໃຫ້ ປອດໃສ, ເຂັ້ມແຂງ, ໜັກແໜ້ນ ທັງທາງດ້ານການເມືອງ, ແນວຄິດ, ການຈັດຕັ້ງ, ແບບແຜນການນໍາພາ ແລະ ການປະຕິບັດຕໍ່ໜ້າທີ່ການເມືອງ ໃຫ້ເປັນປົກກະຕິ, ຕໍ່ເນື່ອງ ແລະ ບັນລຸມາດຖານເງື່ອນໄຂທີ່ທາງກົມການເມືອງສູນກາງພັກ ໄດ້ກຳນົດໄວ້; ສືບຕໍ່ຕັ້ງໜ້າປະຕິບັດຄໍາຂວັນຂອງກອງປະຊຸມໃຫຍ່ ຄັ້ງທີ IV ຂອງອົງຄະນະພັກກະຊວງແຜນການ ແລະ ການລົງທຶນ “ ເພີ່ມທະວີການນໍາພາ ວຽກງານແຜນການ ແລະ ການລົງທຶນໃຫ້ມີການຫັນປ່ຽນ ຢ່າງມີຈຸດສຸມ, ມີຄຸນນະພາບ ແລະ ທັນສະໄໝ”.
ຂ່າວ-ພາບ: ພັດ ລໍວັນໄຊ
ຄໍາເຫັນ