ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ຊີ້ແຈ້ງຫຼາຍບັນຫາທີ່ພົວພັນກັບກະຊວງການເງິນ ຕໍ່ຄຳຊັກຖາມຂອງສະມາຊິກສະພາແຫ່ງຊາດ. ໃນກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ໃນວັນທີ 2 ພະຈິກນີ້, ພາຍໃຕ້ການເປັນປະທານຂອງທ່ານ ໄຊສົມພອນ ພົມວິຫານ ປະທານສະພາແຫ່ງຊາດ.
ທ່ານ ສັນຕິພາບ ພົມວິຫານ ໄດ້ຊີ້ແຈງວ່າ:ຕໍ່ກັບຄຳຖາມທີ1: ການແກ້ໄຂບັນຫາເຄັ່ງຮ້ອນ ເຊັ່ນ:ການຄົ້ນຄວ້າເພີ່ມເງິນນະໂຍບາຍ, ເງິນອຸດໜູນ ໃຫ້ແກ່ພະນັກງານ-ລັດຖະກອນ, ທະຫານ, ຕຳຫຼວດ ແລະ ພະນັກງານບຳນານ ເພື່ອແກ້ໄຂຄ່າຄອງຊີບທີ່ສູງຂຶ້ນເນື່ອງຈາກເງິນເຟີ້ເພີ່ມຂຶ້ນສູງ ຄືແນວໃດ?.
ທ່ານໄດ້ຊີ້ແຈງວ່າ: ລັດຖະບານ ໄດ້ຄົ້ນຄວ້ານະໂຍບາຍ ເພື່ອແກ້ໄຂຄາຄອງຊີບທີ່ສູງຂຶ້ນ ເນື່ອງຈາກເງິນເຟີ້, ອັດຕາແລກປ່ຽນສູງຂຶ້ນ ຈຶ່ງໄດ້ເພີ່ມເງິນອຸດໜູນຄ່າຄອງຊີບ 150.000 ກີບ ຕໍ່ຄົນຕໍ່ເດືອນ ເລີ່ມປະຕິບັດແຕ່ງວດ 1 ປີ2023 ເປັນຕົ້ນມາ. ຕໍ່ມາໂດຍອີງໃສ່ນະໂຍບາຍຄາແຮງຂັ້ນຕໍ່າຈາກ 1.300.000 ກີບ ມາເປັນ 1.600.000 ກີບ,ລັດຖະບານ ກໍໄດ້ມີການຄົ້ນຄວ້າ ເພີ່ມເງິນອຸດໜູນຜູ້ມີເງິນເດືອນຕໍ່າກວ່າ 1.700.000 ກີບ ໃຫ້ພະນັກງານ-ລັດຖະກອນ, ພະນັກງານບຳນານ, ເສຍອົງຄະ ພ້ອມທັງເພີ່ມເງິນອຸດໜູນຄົວລວມ ໃຫ້ສອງກຳລັງ ເລີ່ມປະຕິບັດງວດ 4 ປີ 2023 ເປັນຕົ້ນໄປ ໂດຍບໍ່ໄດ້ຄິດໄລ່ຫັກພັນທະອາກອນເງິນເດືອນ ໃນສ່ວນທີ່ອຸດໜູນເພີ່ມ. ສຳລັບປີ 2024ຈະໄດ້ມີການປະເມີນຜົນການຈັດຕັ້ງປະຕິບັດເງິນອຸດໜູນທີ່ໄດ້ຈັດຕັ້ງປະຕິບັດ ເພື່ອຄົ້ນຄວ້າເພີ່ມເງິນອຸດໜູນ ຫຼືເພີ່ມດັດສະນີເງິນເດືອນ ໃນປີ 2024 ຕື່ມອີກ ຕາມຄວາມອາດສາມາດຕົວຈິງຂອງງົບປະມານ.
ສຳລັບ ຄຳຖາມທີ2: ການເກັບລາຍຮັບຈາກການແກ້ໄຂຜົນກວດສອບ-ກວດກາ ຕາມທີ່ໄດ້ກຳນົດໃນມະຕິກອງປະຊຸມສະພາແຫ່ງຊາດ ເພື່ອເອົາເຂົ້າແຜນງົບປະມານ ແລະ ດັດແກ້ແຜນງົບປະມານ ຄືແນວໃດ?.
ທ່ານໄດ້ຊີ້ແຈງວ່າ: ສຳເລັດຜົນການກວດສອບ ຕາມມະຕິ ສະບັບເລກທີ 76/ສພຊ ຢູ່ 9 ແຂວງ ສາມາດແກ້ໄຂ,ເລັ່ງທວງ ແລະ ສະສາງ ໄດ້ 694,31 ຕື້ກີບ ແລະ 1,29 ລ້ານໂດລາ ເທົ່າກັບ 24% (ມະຕິສະພາ 3.052,68 ຕື້ກີບ)ຊຶ່ງເງິນຈຳນວນດັ່ງກ່າວ ໄດ້ມອບເຂົ້າງົບປະມານແລ້ວ, ໂດຍບໍ່ຈຳເປັນສະເໜີດັດແກ້ແຜນງົບປະມານ ເນື່ອງຈາກໄດ້ຈົດເຂົ້າເປັນລາຍຮັບງົບປະມານປະຈຳປີ.
ໃນຄໍາຖາມທີ3: ໄດ້ປະຕິບັດຂັ້ນຕອນການສ້າງແຜນງົບປະມານໃຫ້ສອດຄ່ອງຕາມ ມາດຕາ 55 ຂອງກົດໝາຍວ່າດ້ວຍ ງົບປະມານແຫ່ງລັດ ກ່ຽວກັບບັນດາເອກະສານທີ່ລັດຖະບານຕ້ອງນຳສະເໜີຕໍ່ສະພາແຫ່ງຊາດ ແລະ ມາດຕາ 56 ກ່ຽວກັບຂັ້ນຕອນ ແລະ ກຳນົດເວລາການສ້າງແຜນງົບປະມານ ໂດຍສະເພາະເອກະສານບັນຊີໂຄງການລົງທຶນຂອງລັດ ໃຫ້ສະພາແຫ່ງຊາດ ພິຈາລະນາຄືແນວໃດ?.
ທ່ານໄດ້ຊີ້ແຈງ: ກະຊວງການເງິນ ໄດ້ປະສານສົມທົບກັບ ກະຊວງແຜນການ ແລະ ການລົງທຶນ ແລະ ພາກສ່ວນກ່ຽວຂ້ອງ ໄດ້ຈັດຕັ້ງປະຕິບັດຕາມຂັ້ນຕອນ ແລະ ກໍານົດເວລາການສ້າງແຜນງົບປະມານແຫ່ງລັດ ທີ່ໄດ້ກຳນົດໄວ້ຕາມມາດຕາ 55 ແລະ 56 ຂອງກົດໝາຍວ່າດ້ວຍງົບປະມານແຫ່ງລັດ, ໂດຍກະຊວງການເງິນ ໄດ້ແຈ້ງເພດານງົບປະມານລົງທຶນຂອງລັດ ໃຫ້ກະຊວງແຜນການ ແລະ ການລົງທຶນ ໃນເດືອນເມສາ ຂອງທຸກປີ ເພື່ອເປັນພື້ນຖານໃນການຄົ້ນຄວ້າ ແລະ ຈັດສັນ ບັນຊີໂຄງການລົງທຶນຂອງລັດ ໃຫ້ສອດຄ່ອງກັບກົດໝາຍວ່າການລົງທຶນຂອງລັດແລະລະບຽບການທີ່ກ່ຽວຂ້ອງ. ຂ່າວ: ບຸນຕອມ
ທ່ານ ສັນຕິພາບ ພົມວິຫານ ໄດ້ຊີ້ແຈງວ່າ:ຕໍ່ກັບຄຳຖາມທີ1: ການແກ້ໄຂບັນຫາເຄັ່ງຮ້ອນ ເຊັ່ນ:ການຄົ້ນຄວ້າເພີ່ມເງິນນະໂຍບາຍ, ເງິນອຸດໜູນ ໃຫ້ແກ່ພະນັກງານ-ລັດຖະກອນ, ທະຫານ, ຕຳຫຼວດ ແລະ ພະນັກງານບຳນານ ເພື່ອແກ້ໄຂຄ່າຄອງຊີບທີ່ສູງຂຶ້ນເນື່ອງຈາກເງິນເຟີ້ເພີ່ມຂຶ້ນສູງ ຄືແນວໃດ?.
ທ່ານໄດ້ຊີ້ແຈງວ່າ: ລັດຖະບານ ໄດ້ຄົ້ນຄວ້ານະໂຍບາຍ ເພື່ອແກ້ໄຂຄາຄອງຊີບທີ່ສູງຂຶ້ນ ເນື່ອງຈາກເງິນເຟີ້, ອັດຕາແລກປ່ຽນສູງຂຶ້ນ ຈຶ່ງໄດ້ເພີ່ມເງິນອຸດໜູນຄ່າຄອງຊີບ 150.000 ກີບ ຕໍ່ຄົນຕໍ່ເດືອນ ເລີ່ມປະຕິບັດແຕ່ງວດ 1 ປີ2023 ເປັນຕົ້ນມາ. ຕໍ່ມາໂດຍອີງໃສ່ນະໂຍບາຍຄາແຮງຂັ້ນຕໍ່າຈາກ 1.300.000 ກີບ ມາເປັນ 1.600.000 ກີບ,ລັດຖະບານ ກໍໄດ້ມີການຄົ້ນຄວ້າ ເພີ່ມເງິນອຸດໜູນຜູ້ມີເງິນເດືອນຕໍ່າກວ່າ 1.700.000 ກີບ ໃຫ້ພະນັກງານ-ລັດຖະກອນ, ພະນັກງານບຳນານ, ເສຍອົງຄະ ພ້ອມທັງເພີ່ມເງິນອຸດໜູນຄົວລວມ ໃຫ້ສອງກຳລັງ ເລີ່ມປະຕິບັດງວດ 4 ປີ 2023 ເປັນຕົ້ນໄປ ໂດຍບໍ່ໄດ້ຄິດໄລ່ຫັກພັນທະອາກອນເງິນເດືອນ ໃນສ່ວນທີ່ອຸດໜູນເພີ່ມ. ສຳລັບປີ 2024ຈະໄດ້ມີການປະເມີນຜົນການຈັດຕັ້ງປະຕິບັດເງິນອຸດໜູນທີ່ໄດ້ຈັດຕັ້ງປະຕິບັດ ເພື່ອຄົ້ນຄວ້າເພີ່ມເງິນອຸດໜູນ ຫຼືເພີ່ມດັດສະນີເງິນເດືອນ ໃນປີ 2024 ຕື່ມອີກ ຕາມຄວາມອາດສາມາດຕົວຈິງຂອງງົບປະມານ.
ສຳລັບ ຄຳຖາມທີ2: ການເກັບລາຍຮັບຈາກການແກ້ໄຂຜົນກວດສອບ-ກວດກາ ຕາມທີ່ໄດ້ກຳນົດໃນມະຕິກອງປະຊຸມສະພາແຫ່ງຊາດ ເພື່ອເອົາເຂົ້າແຜນງົບປະມານ ແລະ ດັດແກ້ແຜນງົບປະມານ ຄືແນວໃດ?.
ທ່ານໄດ້ຊີ້ແຈງວ່າ: ສຳເລັດຜົນການກວດສອບ ຕາມມະຕິ ສະບັບເລກທີ 76/ສພຊ ຢູ່ 9 ແຂວງ ສາມາດແກ້ໄຂ,ເລັ່ງທວງ ແລະ ສະສາງ ໄດ້ 694,31 ຕື້ກີບ ແລະ 1,29 ລ້ານໂດລາ ເທົ່າກັບ 24% (ມະຕິສະພາ 3.052,68 ຕື້ກີບ)ຊຶ່ງເງິນຈຳນວນດັ່ງກ່າວ ໄດ້ມອບເຂົ້າງົບປະມານແລ້ວ, ໂດຍບໍ່ຈຳເປັນສະເໜີດັດແກ້ແຜນງົບປະມານ ເນື່ອງຈາກໄດ້ຈົດເຂົ້າເປັນລາຍຮັບງົບປະມານປະຈຳປີ.
ໃນຄໍາຖາມທີ3: ໄດ້ປະຕິບັດຂັ້ນຕອນການສ້າງແຜນງົບປະມານໃຫ້ສອດຄ່ອງຕາມ ມາດຕາ 55 ຂອງກົດໝາຍວ່າດ້ວຍ ງົບປະມານແຫ່ງລັດ ກ່ຽວກັບບັນດາເອກະສານທີ່ລັດຖະບານຕ້ອງນຳສະເໜີຕໍ່ສະພາແຫ່ງຊາດ ແລະ ມາດຕາ 56 ກ່ຽວກັບຂັ້ນຕອນ ແລະ ກຳນົດເວລາການສ້າງແຜນງົບປະມານ ໂດຍສະເພາະເອກະສານບັນຊີໂຄງການລົງທຶນຂອງລັດ ໃຫ້ສະພາແຫ່ງຊາດ ພິຈາລະນາຄືແນວໃດ?.
ທ່ານໄດ້ຊີ້ແຈງ: ກະຊວງການເງິນ ໄດ້ປະສານສົມທົບກັບ ກະຊວງແຜນການ ແລະ ການລົງທຶນ ແລະ ພາກສ່ວນກ່ຽວຂ້ອງ ໄດ້ຈັດຕັ້ງປະຕິບັດຕາມຂັ້ນຕອນ ແລະ ກໍານົດເວລາການສ້າງແຜນງົບປະມານແຫ່ງລັດ ທີ່ໄດ້ກຳນົດໄວ້ຕາມມາດຕາ 55 ແລະ 56 ຂອງກົດໝາຍວ່າດ້ວຍງົບປະມານແຫ່ງລັດ, ໂດຍກະຊວງການເງິນ ໄດ້ແຈ້ງເພດານງົບປະມານລົງທຶນຂອງລັດ ໃຫ້ກະຊວງແຜນການ ແລະ ການລົງທຶນ ໃນເດືອນເມສາ ຂອງທຸກປີ ເພື່ອເປັນພື້ນຖານໃນການຄົ້ນຄວ້າ ແລະ ຈັດສັນ ບັນຊີໂຄງການລົງທຶນຂອງລັດ ໃຫ້ສອດຄ່ອງກັບກົດໝາຍວ່າການລົງທຶນຂອງລັດແລະລະບຽບການທີ່ກ່ຽວຂ້ອງ. ຂ່າວ: ບຸນຕອມ
ຄໍາເຫັນ