ຄະນະໜ່ວຍພັກຮາກຖານ, ຄະນະພັກຮາກຖານ, ຄະນະໜ່ວຍພັກ ພ້ອມດ້ວຍພະນັກງານກ່ຽວຂ້ອງເຂົ້າຮ່ວມ.
ສະຫາຍ ໄພວີ ສີບົວລິພາກ່າວວ່າ:ກອງປະຊຸມຄັ້ງນີ້ຈັດຂຶ້ນເພື່ອສະຫຼຸບຄືນກ່ຽວກັບການຈັດຕັ້ງປະຕິບັດວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງປະຈໍາປີ 2024 ເພື່ອເຮັດໃຫ້ສະມາຊິກພັກ, ພະນັກງານ-ລັດຖະກອນມີຄວາມຮັບຮູ້ເຂົ້າໃຈເປັນເອກະພາບຕໍ່ເນື້ອໃນກອງປະຊຸມດັ່ງກ່າວ ແລະ ນໍາພາຈັດຕັ້ງຜັນຂະຫຍາຍເປັນທິດທາງແຜນການຂອງຕົນ, ເລັ່ງໃສ່ເສີມຂະຫຍາຍດ້ານຕັ້ງໜ້າ, ຈຳກັດແກ້ໄຂດ້ານອ່ອນ-ຂໍ້ຄົງຄ້າງ ແລະ ສິ່ງຫຍໍ້ທໍ້ຕ່າງໆກ່ຽວກັບວຽກງານຈັດຕັ້ງແນໃສ່ເຮັດໃຫ້ວຽກງານດັ່ງກ່າວບັນລຸຕາມຄາດໝາຍທີ່ວາງໄວ້. ເພື່ອຍູ້ແຮງຂະບວນການເຄື່ອນໄຫວວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງພ້ອມທັງເພີ່ມທະວີຄວາມຮັບຜິດຊອບ, ຄວາມເປັນເຈົ້າການຂອງຄະນະພັກແຕ່ລະຂັ້ນຕໍ່ວຽກງານດັ່ງກ່າວໃຫ້ສູງຂຶ້ນກວ່າເກົ່າ.
ສະຫາຍ ຄຳເສີດ ວິລະພັນ ກຳມະການຄະນະບໍລິຫານງານພັກກະຊວງເລຂາໜ່ວຍພັກຮາກຖານຫົວໜ້າກົມຈັດຕັ້ງ ແລະ ພະນັກງານໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງປະຈຳປີ 2024 ແລະ ທິດທາງແຜນການປະຈຳປີ 2025 ວ່າ:ປັດຈຸບັນທົ່ວອົງຄະນະພັກກະຊວງມີສະມາຊິກພັກທັງໝົດ 311 ສະຫາຍຍິງ 101 ສະຫາຍ, ສໍາຮອງ 26 ສະຫາຍຍິງ 9 ສະຫາຍ,ໄດ້ປັບປຸງກົງຈັກການຈັດຕັ້ງພາຍໃນພັກ ໂດຍບົ່ງຕົວແຕ່ງຕັ້ງເລຂາໜ່ວຍພັກ 3 ສະຫາຍ ແລະ ຮອງເລຂາໜ່ວຍພັກ 1 ສະຫາຍເພື່ອປ່ຽນແທນຜູ້ທີ່ຮັບອຸດໜູນບໍານານ ແນໃສ່ເຮັດໃຫ້ຮາກຖານກ່ຽວຂ້ອງສາມາດສືບຕໍ່ຊີ້ນໍາ-ນໍາພາຢ່າງເຂັ້ມແຂງ ແລະ ເປັນລະບົບຄົບຊຸດ,ເອົາໃຈປັບປຸງກໍ່ສ້າງພັກໃຫ້ມີຄວາມເຂັ້ມແຂງໜັກແໜ້ນໂດຍໄດ້ຊີ້ນໍາ-ນໍາພາການຕີລາຄາຄຸນນະພາບ ແລະ ແບ່ງປະເພດສະມາຊິກພັກ, ໜ່ວຍພັກປະຈຳປີ 2023 ສໍາເລັດ, ມີໜ່ວຍພັກປະເພດແຂງ 12 ໜ່ວຍພັກ, ກາງ 2 ໜ່ວຍພັກ, ສະມາຊິກພັກປະເພດແຂງ 248 ສະຫາຍ, ກາງ 21 ສະຫາຍພ້ອມທັງຮັບຮອງແຜນການກໍ່ສ້າງໜ່ວຍພັກປອດໃສເຂັ້ມແຂງໜັກແໜ້ນປະຈໍາປີ 2024, ສໍາເລັດການຕີລາຄາຄຸນນະພາບ ແລະ ແບ່ງປະເພດສະມາຊິກພັກ, ໜ່ວຍພັກປະຈຳປີ 2024 ໂດຍພື້ນຖານ;ກົງຈັກການຈັດຕັ້ງຂອງກະຊວງຍຸຕິທຳມີ 11 ຫົວໜ່ວຍຂຶ້ນກັບປະກອບດ້ວຍ 8 ກົມ, 1 ຫ້ອງການ, 1 ສູນ 1 ສະຖາບັນຍຸຕິທໍາແຫ່ງຊາດ ແລະ ກົງຈັກຊ່ວຍວຽກມີ 59 ພະແນກ ແລະ ທຽບເທົ່າ; ຂະແໜງທີ່ຂຶ້ນກັບສະຖາບັນຍຸຕິທຳແຫ່ງຊາດບັນດາສາຂາມີ 26 ຂະແໜງ. ສໍາເລັດການປັບປຸງ ແລະ ສໍາເລັດການປະກາດການສ້າງກອງປະຕິບັດຄໍາຕັດສິນຂອງສານຢູ່ 5 ແຂວງ (ນະຄອນຫຼວງວຽງຈັນ, ແຂວງຫຼວງພະບາງ, ແຂວງວຽງຈັນ, ແຂວງສະຫວັນນະເຂດ ແລະ ແຂວງຈຳປາສັກ) ແລະ ຫ້ອງປະຕິບັດປະຈຳເມືອງຢູ່ 11 ເມືອງໃຫ້ຂຶ້ນກັບການຄຸ້ມຄອງຂອງກະຊວງຍຸຕິທຳ.
ຂ່າວ-ພາບ:ບຸນຕອມ
ຄໍາເຫັນ