ກະຊວງສາທາລະນະສຸກຮ່ວມກັບກະຊວງໂຍທາທິການ ແລະ ຂົນສົ່ງ (ຍທຂ) ໄດ້ຈັດງານເວທີຕົວເມືອງແຫ່ງຊາດ ຄັ້ງທີ II ຂຶ້ນໃນລະຫວ່າງວັນທີ 3-8 ຕຸລາ ນີ້ ທີ່ສູນການຄ້າລາວ-ໄອເຕັກ ນະຄອນຫຼວງວຽງຈັນ ໂດຍມີ ທ່ານ ພອນປະເສີດ ອຸນາພົມ ຫົວໜ້າກົມອະນາໄມ ແລະ ສົ່ງເສີມສຸຂະພາບ ກະຊວງສາທາລະນະສຸກ, ມີທ່ານ ໂລຍິງ-ຣູແຈັກກະລິນ ຜູ້ຕາງໜ້າອົງການອະນາໄມໂລກປະຈໍາລາວ, ມີອົງການຈັດຕັ້ງສາກົນ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ພອນປະເສີດ ອຸນາພົມ ກ່າວວ່າ: ການຈັດງານໃນຄັ້ງນີ້, ຖືວ່າເປັນເວທີໜຶ່ງທີ່ສໍາຄັນໃນການສົນທະນາ ແລະ ຈັດຕັ້ງປະຕິບັດນິຕິກຳປອດຄວັນຢາສູບ ເພື່ອເຮັດໃຫ້ທຸກສະຖານທີ່ປອດຄວັນຢາສູບທີ່ແທ້ຈິງ ໂດຍການປະຕິບັດຕາມກົດໝາຍ ແລະ ນິຕິກຳ ວ່າດ້ວຍການຄວບຄຸມຢາສູບ; ການສ້າງສະຖານທີ່ປອດຄວັນຢາສູບ ສາມາດຊ່ວຍຫຼຸດຜ່ອນປັດໄຈສ່ຽງຂອງການເກີດພະຍາດບໍ່ຕິດຕໍ່, ສົ່ງເສີມການດຳລົງຊີວິດທີ່ປາ ສະຈາກຄວັນຢາສູບ ເຮັດໃຫ້ທຸກຄົນມີສຸຂະພາບແຂງແຮງ. ກົມອະນາໄມ ແລະ ສົ່ງເສີມສຸຂະພາບກະຊວງສາທາລະນະສຸກ ໃນນາມກອງເລຂາ ຄະນະກຳມະການແຫ່ງຊາດ ເພື່ອການຄວບຄຸມຢາສູບ ຈະສືບຕໍ່ໃຫ້ ການຮ່ວມມືກັບບັນດາຂະແໜງການ ແລະ ທຸກພາກສ່ວນໃນສັງຄົມ ໃນການຈັດຕັ້ງປະຕິບັດກົດໝາຍ ແລະນິຕິກຳກ່ຽວກັບການສ້າງສະຖານທີ່ປອດຄວັນຢາສູບໃຫ້ທົ່ວເຖິງ ແລະ ກວ້າງຂວາງ, ສືບຕໍ່ຮ່ວມມືກັບສາກົນແລະ ຄູຮ່ວມພັດທະນາໃນຂົງເຂດວຽກງານຄວບຄຸມຢາສູບ ແລະ ສ້າງສະຖານທີ່ປອດຄວັນຢາສູບ ເພື່ອປົກປ້ອງທຸກຄົນຈາກການໄດ້ຮັບຄວັນຢາສູບມືສອງ ເຮັດໃຫ້ການບໍ່ສູບຢາເປັນບັນທັດຖານໃນສັງຄົມລາວ.
ທ່ານ ພອນປະເສີດ ອຸນາພົມ ກ່າວຕື່ມວ່າ: ສໍາລັບປັດໄຈສ່ຽງຫຼັກທີ່ພາໃຫ້ເກີດພະຍາດບໍ່ຕິດຕໍ່ ແມ່ນການສູບຢາ ລວມທັງຢາສູບໄຟຟ້າ ຊຶ່ງໃນແຕ່ລະປີມີຄົນເສຍຊີວິດຍ້ອນພະຍາດທີ່ເກີດຈາກຢາສູບສູງເຖິງ 6.700 ຄົນ ເທົ່າກັບ 17 ຄົນຕໍ່ມື້. ນອກຈາກການສູນເສຍດ້ານບຸກຄະລາກອນແລ້ວ ຍັງເຮັດໃຫ້ສູນເສຍທາງດ້ານເສດຖະກິດສູງເຖິງ 3,6 ລ້ານໆກີບໃນແຕ່ລະປີ; ການສູບຢາ ແລະ ການໄດ້ຮັບຄວັນຢາສູບມືສອງເປັນປັດໄຈສ່ຽງຫຼັກຂອງການເກີດພະຍາດມະເຮັງ, ພະຍາດຫົວໃຈ, ພະຍາດປອດ ແລະ ພະຍາດເບົາຫວານ ຊຶ່ງກາຍເປັນບັນຫາທີ່ຕ້ອງໄດ້ຮັບການແກ້ໄຂຢ່າງຮີບດ່ວນ; ການສ້າງສະຖານທີ່ປອດຄວັນຢາສູບສາມາດປົກປ້ອງທຸກຄົນຈາກການໄດ້ຮັບຄວັນຢາສູບມືສອງ ແລະ ຍັງເປັນການຊ່ວຍໃຫ້ຜູ້ສູບຢາອອກຢາສູບ. ສປປ ລາວ ພົບກັບບັນຫາສິ່ງທ້າທາຍ ແລະ ທ່າອ່ຽງການເພີ່ມຂຶ້ນຂອງພະຍາດບໍ່ຕິດຕໍ່ ຊຶ່ງກວມເອົາ 65% ຂອງການເສຍຊີວິດໃນປີ 2019. ໃນນັ້ນ, ພະຍາດຫົວໃຈ ກວມເອົາ 27%, ພະຍາດມະເຮັງ ກວມເອົາປະມານ 12%, ພະຍາດປອດອັກເສບຊໍາເຮື້ອ ກວມເອົາປະມານ 5%, ພະຍາດເບົາຫວານ ກວມເອົາປະມານ 4% ແລະ ພະຍາດບໍ່ຕິດຕໍ່ອື່ນໆກວມເອົາ 12%.
(ຂ່າວ-ພາບ: ວັນເພັງ)
ທ່ານ ພອນປະເສີດ ອຸນາພົມ ກ່າວວ່າ: ການຈັດງານໃນຄັ້ງນີ້, ຖືວ່າເປັນເວທີໜຶ່ງທີ່ສໍາຄັນໃນການສົນທະນາ ແລະ ຈັດຕັ້ງປະຕິບັດນິຕິກຳປອດຄວັນຢາສູບ ເພື່ອເຮັດໃຫ້ທຸກສະຖານທີ່ປອດຄວັນຢາສູບທີ່ແທ້ຈິງ ໂດຍການປະຕິບັດຕາມກົດໝາຍ ແລະ ນິຕິກຳ ວ່າດ້ວຍການຄວບຄຸມຢາສູບ; ການສ້າງສະຖານທີ່ປອດຄວັນຢາສູບ ສາມາດຊ່ວຍຫຼຸດຜ່ອນປັດໄຈສ່ຽງຂອງການເກີດພະຍາດບໍ່ຕິດຕໍ່, ສົ່ງເສີມການດຳລົງຊີວິດທີ່ປາ ສະຈາກຄວັນຢາສູບ ເຮັດໃຫ້ທຸກຄົນມີສຸຂະພາບແຂງແຮງ. ກົມອະນາໄມ ແລະ ສົ່ງເສີມສຸຂະພາບກະຊວງສາທາລະນະສຸກ ໃນນາມກອງເລຂາ ຄະນະກຳມະການແຫ່ງຊາດ ເພື່ອການຄວບຄຸມຢາສູບ ຈະສືບຕໍ່ໃຫ້ ການຮ່ວມມືກັບບັນດາຂະແໜງການ ແລະ ທຸກພາກສ່ວນໃນສັງຄົມ ໃນການຈັດຕັ້ງປະຕິບັດກົດໝາຍ ແລະນິຕິກຳກ່ຽວກັບການສ້າງສະຖານທີ່ປອດຄວັນຢາສູບໃຫ້ທົ່ວເຖິງ ແລະ ກວ້າງຂວາງ, ສືບຕໍ່ຮ່ວມມືກັບສາກົນແລະ ຄູຮ່ວມພັດທະນາໃນຂົງເຂດວຽກງານຄວບຄຸມຢາສູບ ແລະ ສ້າງສະຖານທີ່ປອດຄວັນຢາສູບ ເພື່ອປົກປ້ອງທຸກຄົນຈາກການໄດ້ຮັບຄວັນຢາສູບມືສອງ ເຮັດໃຫ້ການບໍ່ສູບຢາເປັນບັນທັດຖານໃນສັງຄົມລາວ.
ທ່ານ ພອນປະເສີດ ອຸນາພົມ ກ່າວຕື່ມວ່າ: ສໍາລັບປັດໄຈສ່ຽງຫຼັກທີ່ພາໃຫ້ເກີດພະຍາດບໍ່ຕິດຕໍ່ ແມ່ນການສູບຢາ ລວມທັງຢາສູບໄຟຟ້າ ຊຶ່ງໃນແຕ່ລະປີມີຄົນເສຍຊີວິດຍ້ອນພະຍາດທີ່ເກີດຈາກຢາສູບສູງເຖິງ 6.700 ຄົນ ເທົ່າກັບ 17 ຄົນຕໍ່ມື້. ນອກຈາກການສູນເສຍດ້ານບຸກຄະລາກອນແລ້ວ ຍັງເຮັດໃຫ້ສູນເສຍທາງດ້ານເສດຖະກິດສູງເຖິງ 3,6 ລ້ານໆກີບໃນແຕ່ລະປີ; ການສູບຢາ ແລະ ການໄດ້ຮັບຄວັນຢາສູບມືສອງເປັນປັດໄຈສ່ຽງຫຼັກຂອງການເກີດພະຍາດມະເຮັງ, ພະຍາດຫົວໃຈ, ພະຍາດປອດ ແລະ ພະຍາດເບົາຫວານ ຊຶ່ງກາຍເປັນບັນຫາທີ່ຕ້ອງໄດ້ຮັບການແກ້ໄຂຢ່າງຮີບດ່ວນ; ການສ້າງສະຖານທີ່ປອດຄວັນຢາສູບສາມາດປົກປ້ອງທຸກຄົນຈາກການໄດ້ຮັບຄວັນຢາສູບມືສອງ ແລະ ຍັງເປັນການຊ່ວຍໃຫ້ຜູ້ສູບຢາອອກຢາສູບ. ສປປ ລາວ ພົບກັບບັນຫາສິ່ງທ້າທາຍ ແລະ ທ່າອ່ຽງການເພີ່ມຂຶ້ນຂອງພະຍາດບໍ່ຕິດຕໍ່ ຊຶ່ງກວມເອົາ 65% ຂອງການເສຍຊີວິດໃນປີ 2019. ໃນນັ້ນ, ພະຍາດຫົວໃຈ ກວມເອົາ 27%, ພະຍາດມະເຮັງ ກວມເອົາປະມານ 12%, ພະຍາດປອດອັກເສບຊໍາເຮື້ອ ກວມເອົາປະມານ 5%, ພະຍາດເບົາຫວານ ກວມເອົາປະມານ 4% ແລະ ພະຍາດບໍ່ຕິດຕໍ່ອື່ນໆກວມເອົາ 12%.
(ຂ່າວ-ພາບ: ວັນເພັງ)
ຄໍາເຫັນ