 |
ໃນໄລຍະຜ່ານມາ ຫຼັກສູດພະຍາບານ ແລະ ຫຼັກສູດຜະດຸງຄັນ. ໃນນັ້ນ, ມີນັກສຶກສາພະຍາບານ 50 ກວ່າຄົນ, ຜະດຸງຄັນມີ 30 ຄົນ/ຫ້ອງ, ມາຮອດປີ 2018-2019 ມີນັກຮຽນມາຮຽນ 2 ຫຼັກສູດດັ່ງກ່າວມີຈຳນວນ 17 ຄົນ, ມາສົກຮຽນປີ 2023- 2024 ບໍ່ມີນັກສຶກສາມາຮຽນສາຍຜະດຸງຄັນ. ມີແຕ່ນັກຮຽນພະຍາບານ ຊຶ່ງເກີດມາຈາກຫຼາຍປັດໃຈຍ້ອນເສດຖະກິດປັດຈຸບັນ, ໂກຕ້າລັດຖະກອນມີໜ້ອຍ, ເງິນເດືອນໜ້ອຍ ແລະ ອື່ນໆ. ຜ່ານມາມີຫຼາຍໂຄງການເຂົ້າມາຊ່ວຍເຫຼືອໃນດ້ານຕ່າງໆ ເຮັດໃຫ້ມີນັກສຶກສາເຂົ້າມາຮຽນໂດຍໄດ້ຮັບທຶນຈາກໂຄງການ. ເມື່ອຮຽນຈົບຈາກຫຼັກສູດດັ່ງກ່າວກໍມີຜົນດີສາມາດເຮັດວຽກນໍາພາກເອກະຊົນໄດ້, ເຮັດວຽກໄດ້ຫຼາຍບ່ອນເຊັ່ນ: ສຸກສາລາ, ໂຮງໝໍເມືອງ, ໂຮງໝໍແຂວງ, ໂຮງໝໍສູນກາງ ທັງເຮັດວຽກຢູ່ຕ່າງປະເທດໄດ້ ແລະ ອື່ນໆ. ພ້ອມນັ້ນ, ຜູ້ທີ່ຮຽນພະຍາບານ ແລະ ຜະດຸງຄັນ ຕ້ອງມີຈິດໃຈຮັກມັກແທ້ໆຈຶ່ງສາມາດມາຮຽນໄດ້. ປັດຈຸບັນໂຮງຮຽນຂອງພວກເຮົາມີຄວາມຕ້ອງການນັກຮຽນເຂົ້າມາຮຽນເປັນຈໍານວນຫຼາຍແຕ່ນັກຮຽນທີ່ຈະມາຮຽນມີຈຳນວນໜ້ອຍ. ສະນັ້ນ, ພາຍໃນໂຮງຮຽນກໍຍັງມີແພດໄປລົງໂຄສະນາຕໍ່ບັນຫາດັ່ງກ່າວ ໂດຍສະເພາະ ປີ 2025 ໄດ້ໄປລົງໂຄສະນາ 2 ຄັ້ງ ຄັ້ງທີ 1 ລົງໄປໂຄສະນາຢູ່ເຂດໃກ້ຄຽງ ແລະ ຄັ້ງທີ 2 ລົງໂຄສະນາຕິດປ້າຍແຕ່ລະໂຮງຮຽນ, ແຕ່ລະສູນສອບເສັງ ມ7 ຂອງແຂວງວຽງຈັນ ເພື່ອໃຫ້ນັກຮຽນສົນໃຈມາຮຽນ. ໃນນັ້ນ, ຍັງມີບາງຄົນຍັງບໍ່ເຂົ້າໃຈ ແລະ ເກີດແນວຄິດບໍ່ຢາກມາຮຽນ ຄິດວ່າຈົບມາແລ້ວບໍ່ມີວຽກເຮັດງານທໍາ, ເງິນເດືອນໜ້ອຍ, ຜູ້ປົກຄອງບໍ່ມີທຶນສົ່ງເສີມໃຫ້ລູກຮຽນ. ສະນັ້ນ, ສະເໜີຝາກເຖິງຂັ້ນເທິງ ຖ້າມີໂຄງການໃດທີ່ສາມາດຊ່ວຍເຫຼືອສະໜັບສະໜູນ ເພື່ອໃຫ້ມີນັກຮຽນນັກສຶກສາ ເພື່ອສ້າງນັກຮຽນພະຍາບານ, ຜະດຸງຄັນເພີ່ມຕື່ມກໍສະເໜີໃຫ້ຊ່ວຍຕື່ມອີກ ເພາະທາງ ສປປ ລາວ ກໍຄືໂຮງໝໍຍັງມີຄວາມຕ້ອງການຫຼາຍວຽກງານການດູແລສຸຂະພາບ, ວຽກງານສຸຂະພາບຈະເລີນພັນເຊັ່ນ: ການດູແລແມ່ໄລຍະຖືພາ, ເກີດລູກ, ຫຼັງເກີດລູກ, ການວາງແຜນຄອບຄົວ ລວມທັງໄວຈະເລີນພັນ.
 |
ທ່ານ ນາງ ແຜວຄໍາ ອິນທະວົງ ຍັງສະເໜີຕໍ່ວຽກງານສຸຂະພາບຈະເລີນພັນ ກໍຢາກໃຫ້ມີປຶ້ມຄູ່ມືການສອນ ແລະ ຄູ່ມືການອົບຮົມໃຫ້ມີເນື້ອໃນຄົບຖ້ວນຕາມລາຍວິຊາ ແລະ ອັບເດດຕາມລາຍລະອຽດວິຊາເພີ່ມເຕີມໃນຫົວຂໍ້ທີ່ຍັງບໍ່ຄົບຖ້ວນເຊັ່ນ: ທັກສະຊີວິດ; ໃຫ້ມີການອົບຮົມເພີ່ມຕື່ມເພື່ອເພີ່ມພູນຄວາມຮູ້; ໃຫ້ຜູ້ທີ່ເຮັດວຽກກ່ຽວກັບກຸ່ມຫຼາກຫຼາຍທາງເພດໄດ້ມີສ່ວນຮ່ວມໃນການບັນຍາຍຫົວຂໍ້ດັ່ງກ່າວນີ້ເພີ່ມຕື່ມ ເພາະການເວົ້າ, ອະທິບາຍ ຫຼື ປະສົບການຂອງເຂົາເຈົ້າມີໃນຕົວ ແລະ ຈະມີຄວາມຊັດເຈນຂຶ້ນ.
ຄໍາເຫັນ