 |
ສະຫາຍ ສອນໄຊ ລາດຊະວົງ ກ່າວວ່າ: ໂຮງໝໍມິດຕະພາບປະກອບດ້ວຍ 12 ໜ່ວຍພັກ, ຄະນະພັກຮາກຖານມີ 9 ສະຫາຍ ຍິງ 3 ສະຫາຍ, ມີສະມາຊິກພັກທັງໝົດ 241 ສະຫາຍ ຍິງ 149 ສະຫາຍ, ຄະນະພັກຮາກຖານໄດ້ເອົາໃຈໃສ່ດ້ານວຽກງານການເມືອງ-ແນວຄິດສອດຫ້ອຍເຂົ້າໃນທຸກໜ້າທີ່ວຽກງານ ແລະ ຂະບວນການເຄື່ອນໄຫວວຽກງານດ້ານຕ່າງໆ, ເຜີຍແຜ່ເຊື່ອມຊຶມເອກະສານຕ່າງໆຂອງພັກ, ຂອງຊາດ, ດ້ານວິຊາສະເພາະພະນັກງານສະມາ ຊິກພັກ, ແພດ-ໝໍໄດ້ຮັບການຍົກລະດັບຄວາມຮູ້-ຄວາມສາມາດສູງຂຶ້ນ. ໃນ 6 ເດືອນຜ່ານມາ, ຄະນະພັກ, ຄະນະນໍາໄດ້ເຜີຍແຜ່ເຊື່ອມຊຶມວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 70 ປີ ແລະ ວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ຄົບຮອບ 79 ປີ, ເອົາໃຈໃສ່ຊີ້ນໍາ-ນໍາພາການບໍລິການຄົນເຈັບຕາມພາລະບົດບາດ ແລະ ໜ້າທີ່ພາຍໃຕ້ຄໍາຂວັນ 5 ດີ 1 ພໍໃຈ ຊຶ່ງໄດ້ສະແດງອອກທາງດ້ານສະຖິຕິຄົນເຈັບມາຮັບບໍລິການຄື: ກວດເຂດນອກ 95,806 ເທື່ອຄົນ (ໃນນີ້ໂຮງໝໍພາກຂະຫຍາຍ 32,583 ເທື່ອຄົນ, ກວດເຂດນອກ VIP 1,525 ເທື່ອຄົນ), ກວດສຸກເສີນ 24,691 ຄົນ, ອຸບັດເຫດທ້ອງຖະໜົນ 5,724 ກໍລະນີ, ເຂົ້ານອນໂຮງໝໍ 12,423 ຄົນ, ຜ່າຕັດທັງໝົດ 4,511 ກໍລະນີ (ຜ່າຕັດໄວ 197 ກໍລະນີ).
ໂອກາດນີ້, ສະຫາຍ ສອນໄຊ ລາດຊະວົງ ໄດ້ຫວນຄືນຄວາມເປັນມາວັນແພດລາວ ຍົກໃຫ້ເຫັນການກໍາເນີດເຕີບໃຫຍ່ຂະຫຍາຍຕົວຂອງວັນດັ່ງກ່າວນັບແຕ່ອະດີດເຖິງປັດຈຸບັນ ເພື່ອລະນຶກເຖິງຄຸນງາມຄວາມດີຂອງແພດໝໍ ແລະ ພະນັກງານສາທາລະນະສຸກທຸກທົ່ວໜ້າ ທີ່ໄດ້ປະກອບສ່ວນເສຍສະຫຼະອຸທິດສະຕິປັນຍາເຫື່ອແຮງ ເປັນເຈົ້າການໃນການປະຕິບັດໜ້າທີ່ໃນແຕ່ລະໄລຍະ. ພ້ອມທັງເນັ້ນໜັກໃຫ້ທ່ານໝໍ, ພະຍາບານເອົາໃຈໃສ່ວຽກງານການບໍລິການໃຫ້ມີຄຸນສົມບັດ ສິນທໍາປະຕິວັດ, ມີຈັນຍາທໍາ, ຈັນຍາບັນ, ມີມາລະຍາດ ທ່າທີການຮັບໃຊ້ໃຫ້ສົມເປັນແພດປະຕິວັດໃນຍຸກປ່ຽນແປງໃໝ່. ໃນພິທີໄດ້ມອບຂໍ້ຕົກລົງໃຫ້ພະນັກງານຮັບອຸດໜູນບໍານານຈໍານວນ 5 ທ່ານ; ປະກາດການຈັດຕັ້ງຫົວໜ້າ-ຮອງຫົວໜ້າພະແນກ ແລະ ຊົມເຊີຍທີມນັກກິລາເຕະບານຊາຍ-ຍິງທີ່ໄດ້ຮັບລາງວັນຊະນະເລີດ ແລະ ຮອງຊະນະເລີດຕື່ມອີກ.
 |
ຂ່າວ-ພາບ: ຍຸພິນທອງ+ບຸນອູ້ມ
ຄໍາເຫັນ