ນວນສະບັບ ວ່າການເລຂາພັກເມືອງ ວ່າການເຈົ້າເມືອງ ແກ່ນທ້າວ, ເປັນກຽດເຂົ້າຮ່ວມມີ ສະຫາຍ ພົງສະຫວັນ ສິດທະວົງ ກໍາມະການສູນກາງພັກ ເລຂາຄະນະບໍລິຫານງານພັກແຂວງ, ເຈົ້າແຂວງໄຊຍະບູລີ, ມີແຂກຮັບເຊີນ ແລະ ມີຜູ້ແທນສົມບູນ ທີ່ເປັນຕົວແທນໃຫ້ແກ່ສະມາຊິກພັກທັງໝົດທົ່ວເມືອງ 1.555 ສະຫາຍເຂົ້າຮ່ວມ.
ສະຫາຍ ຄໍາປຸ່ນ ນວນສະບັບ ໄດ້ກ່າວວ່າ: ກອງປະຊຸມໃຫຍ່ຜູ້ແທນຄັ້ງນີ້, ຈະໄດ້ພ້ອມກັນທົບທວນຜົນງານ ແລະ ໄຊຊະນະທີ່ຍາດມາໄດ້, ຈຸດອ່ອນ, ຂໍ້ຄົງຄ້າງ ແລະ ສະຫຼຸບຖອດຖອນບົດຮຽນໃນການຈັດຕັ້ງປະຕິບັດແນວທາງນະໂຍບາຍຂອງພັກ ແລະ ມະຕິກອງປະຊຸມໃຫຍ່ຜູ້ແທນອົງຄະນະພັກເມືອງຄັ້ງທີ VII, ພ້ອມກັນກໍານົດທິດທາງຄາດໝາຍຍຸດທະສາດແຕ່ລະດ້ານໃນການປົກປັກຮັກສາ ແລະ ພັດທະນາເມືອງແກ່ນທ້າວແຕ່ນີ້ຮອດປີ 2029, ພ້ອມດຽວກັນກໍໄດ້ຜ່ານຮ່າງບົດລາຍງານການເມືອງທັງສອງພາກ. ຈາກນັ້ນ, ສະຫາຍ ສີຄານ ແກ່ນມະນີ ຮອງເລຂາພັກເມືອງ ກໍໄດ້ຂຶ້ນຜ່ານຮ່າງແຜນພັດທະນາເສດຖະກິດ-ສັງຄົມ, ຊຶ່ງເສດຖະກິດຂອງເມືອງບັນລຸສະເລ່ຍ 6.5% ຕໍ່ປີ. ໃນນີ້, ຂະແໜງກະສິກຳເພີ່ມຂຶ້ນ 3% ກວມເອົາ 39.35%; ຂະແໜງອຸດສາຫະກຳເພີ່ມຂຶ້ນ 10.5% ກວມເອົາ 28.01% ແລະ ຂະແໜງບໍລິການເພີ່ມຂຶ້ນ 9% ກວມເອົາ 32,64%, ລວມຍອດມູນຄ່າຜົນຜະລິດພາຍໃນ ໄດ້ທັງໝົດ 1,055.91 ຕື້ກີບ, ລາຍໄດ້ສະເລ່ຍຕໍ່ຫົວຄົນ 24.22 ລ້ານກີບ, ທຽບໃສ່ແຜນການປະຕິບັດໄດ້ 71%, ການຈັດເກັບລາຍຮັບງົບປະມານປະຕິບັດໄດ້ 36.17 ຕື້ກີບ ເທົ່າກັບ117.47% ຂອງແຜນການ, ການຄຸ້ມຄອງລາຍຈ່າຍປະຕິບັດໄດ້ 12.01 ຕື້ກີບ ເທົ່າກັບ 97.91%, ສາມາດຜະລິດເຂົ້າໄດ້ທັງໝົດ 31.367,45ໂຕນ, ສະເລ່ຍໃສ່ຫົວຄົນໜຶ່ງໄດ້ 761 ກິໂລ/ຄົນ, ການປູກພືດສະບຽງອາຫານສາມາດຜະລິດໄດ້ 831.97 ເຮັກຕາ, ຜົນຜະລິດ 6,556.43ໂຕນ, ການຜະລິດພືດເປັນສິນຄ້າເນື້ອທີ 20,503.43 ເຮັກຕາ, ຜົນຜະລິດໄດ້ທັງໝົດ 578,157.74 ໂຕນ, ການລ້ຽງສັດໄດ້ຫັນໄປສູ່ການລ້ຽງລັກສະນະແບບເປັນຟາມ ຕິດພັນກັບການຮັກສາສຸຂະພາບສັດເຮັດໃຫ້ອັດຕາການຂະຫຍາຍຕົວຂອງສັດເພີ່ມຂຶ້ນ 16.18% ຕໍ່ປີ; ສາມາດສະໜອງຊີ້ນ, ໄຂ່ ແລະ ປາສະເລ່ຍ 73.87 ກິໂລ/ຄົນ/ປີ. ໃນກອງປະຊຸມຜູ້ແທນຍັງຈະໄດ້ພ້ອມກັນຄົ້ນຄົ້ວ ແລະ ຮັບຮອງເອົາບັນດາເອກະສານສຳຄັນທີ່ເປັນຍຸດທະສາດຂອງຄະນະບໍລິຫານງານພັກຄັ້ງທີ VIII, ຄັດເລືອກເອົາຄະນະບໍລິຫານງານພັກເມືອງຊຸດໃໝ່, ຮັບຟັງການປະກອບຄໍາຄິດ ຄໍາເຫັນຂອງບັນດາຫ້ອງການ, ກົມກອງ ແລະ ຕົວແບບດ້ານຕ່າງໆ, ກອງປະຊຸມຍັງຈະໄດ້ຮັບຟັງການໂອ້ລົມຂອງ ສະຫາຍ ເລຂາພັກແຂວງ.
(ຂ່າວ-ພາບໂດຍ: ອຸ່ນເຮືອນ ໂພທິລັກ)
ຄໍາເຫັນ