ສົ່ງມອບໃຫ້ກັບຊາວໜຸ່ມ-ເຍົາວະຊົນ ທີ່ທຸກຍາກ ຢູ່ໃນເຂດຫ່າງໄກສອກຫຼີກ.
ຂະບວນດັ່ງກ່າວ ໂດຍການເຂົ້າຮ່ວມ ຂອງທ່ານ ບຸນຄົງ ຫລ້າຈຽມພອນ ເຈົ້າແຂວງອຸດົມໄຊ, ມີທ່ານ ຄຳຈັນ ວ່າບົວແສງ ເລຂາຄະນະບໍລິຫານງານຊາວໜຸ່ມແຂວງ, ພ້ອມດ້ວຍອົງການພາກລັດ, ບໍລິສັດມະຫາຊົນ, ເຍົາວະຊົນ-ຊາວໜຸ່ມຈາກ ມສ ເມືອງໄຊ, ມສ ແຂວງ ເຂົ້າຮ່ວມ. ພາຍໃນງານຍັງມີການຈັດກິດຈະກຳການບໍລິຈາກເຄື່ອງນຸ່ງຮົ່ມ ແລະ ວັດຖຸປັດໃຈ ເພື່ອສົ່ງໄປຊ່ວຍນ້ອງໆເຍົາວະຊົນ ຊາວໜຸ່ມ ທີ່ຢູ່ຫ່າງໄກສອກຫຼີກ.
ທ່ານ ບຸນຄົງ ຫລ້າຈຽມພອນ ໄດ້ກ່າວວ່າ: ຂະບວນການດັ່ງກ່າວເປັນການສ້າງຄວາມອົບອຸ່ນ ແລະ ສົ່ງຄວາມຫ່ວງໃຍໄປສູ່ຄົນທີ່ຂາດແຄນ ເປັນການສືບສານວັດທະນະທຳຂອງການແບ່ງປັນໃນສັງຄົມລາວ, ທັງເປັນການສ້າງຂະບວນການຂັບນັບຮັບຕ້ອນກອງປະຊຸມໃຫຍ່ 3 ຂັ້ນຂອງພັກ, ກອງປະຊຸມໃຫຍ່ ຂອງຄະນະບໍລິຫານງານຊາວໜຸ່ມແຂວງອຸດົມໄຊ ແລະ ວັນສຳຄັນຕ່າງໆຂອງຊາດໃຫ້ມີບັນຍາກາດຟົດຟື້ນ, ພ້ອມທັງຮຽກຮ້ອງໃຫ້ທຸກຄົນ ຮ່ວມໃຈບໍລິຈາກວັດຖຸປັດໃຈຂອງຕົນເພື່ອຊ່ວຍເຫຼືອເດັກນ້ອຍຜູ້ທຸກຍາກຢູ່ເຂດຫ່າງໄກສອກຫຼີກ ໄດ້ຮັບຄວາມອົບອຸ່ນ.
ຂະບວນຢ່າງມາລາທອນຄັ້ງນີ້, ແມ່ນໄດ້ເລີ້ມຕົ້ນຈາກສະໜາມກິລາແຂວງ ຍ່າງໄປທາງບ້ານໜອງແມງດາ - ນາເລົາ - ບ້ານເຈງ ສູ່ໄຟແດງສິງທອງ ແລ້ວຢ່າງໄປຕາມເສັ້ນທາງ ຫ້ອງວ່າການ ຜ່ານຂົວນ້ຳກໍສອງ ແລະ ກັບເຂົ້າສູ່ສະໜາມກິລາແຂວງ.
(ຂ່າວ: ແສງອາທິດ)
ຄໍາເຫັນ