ທາງລົດໄຟລາວ-ຈີນ ເປັນໂຄງການສັນຍາລັກໃນການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ”, ນັບແຕ່ເປີດນໍາໃຊ້ໃນວັນທີ 3 ທັນວາ 2021 ເປັນຕົ້ນມາ, ມີ 25 ກວ່າແຂວງ (ເຂດປົກຄອງຕົນເອງ, ກຳແພງນະຄອນ) ຂອງຈີນ ໄດ້ເປີດຂະບວນລົດໄຟຂົນສົ່ງສິນຄ້າສາກົນຕາມທາງລົດໄຟລາວ-ຈີນແລ້ວ. ນັບມາຮອດ ວັນທີ 3 ຕຸລານີ້, ທາງລົດໄຟລາວ-ຈີນ ໄດ້ຂົນສົ່ງສິນຄ້າທັງໝົດຫຼາຍກວ່າ 26,8 ລ້ານໂຕນ, ໂດຍມີສິນຄ້າຫຼາຍກວ່າ 2.700 ກວ່າຊະນິດ, ໄດ້ຂົນສົ່ງສິນຄ້າໄປເຖິງ 12 ປະເທດທີ່ຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ເຊັ່ນ: ລາວ, ໄທ, ຫວຽດນາມ ແລະ ມຽນມາເປັນຕົ້ນ.
ພາຍຫຼັງເປີດນໍາໃຊ້ທາງລົດໄຟລາວ-ຈີນບໍ່ດົນ, ໃນເດືອນມັງກອນ 2022, ຂະບວນລົດໄຟຂົນສົ່ງສິນຄ້າສາກົນສາຍດ່ວນ “ແມ່ນ້ຳລ້ານຊ້າງ-ແມ່ນໍ້າຂອງ” ທີ່ແລ່ນຕາມທາງລົດໄຟລາວ-ຈີນ ຂະບວນທໍາອິດ ໄດ້ອອກເດີນທາງຈາກນະຄອນຄຸນໝິງແຂວງຢູນນານ ໄປຮອດນະຄອນຫຼວງວຽງຈັນ ສປປ ລາວ ໂດຍກົງ, ຂະບວນລົດໄຟຂົນສົ່ງສິນຄ້າດັ່ງກ່າວໄດ້ນໍາໃຊ້ລົດໄຟທີ່ມີຄວາມໄວ 120 ກິໂລແມັດຕໍ່ຊົ່ວໂມງ, ຕະຫຼອດໄລຍະທາງໃຊ້ເວລາ 26 ຊົ່ວໂມງ. ມາຮອດທ້າຍເດືອນສີງຫາຜ່ານມາ, ຂະບວນລົດໄຟຂົນສົ່ງສິນຄ້າສາກົນສາຍດ່ວນ “ແມ່ນ້ຳລ້ານຊ້າງ-ແມ່ນໍ້າຂອງ” ໄດ້ເປີດບໍລິການ 316 ຖ້ຽວ, ພ້ອມທັງໄດ້ເຊື່ອມຕໍ່ກັບຂະບວນລົດໄຟຈີນ-ເອີຣົບ ຊຶ່ງໄດ້ຂົນສົ່ງສິນຄ້າຈາກປະເທດໄທ ແລະ ປະເທດລ້ອງແມ່ນໍ້າຂອງໄປເຖິງເອີຣົບ.
ພາຍຫຼັງເປີດນໍາໃຊ້ທາງລົດໄຟລາວ-ຈີນບໍ່ດົນ, ໃນເດືອນມັງກອນ 2022, ຂະບວນລົດໄຟຂົນສົ່ງສິນຄ້າສາກົນສາຍດ່ວນ “ແມ່ນ້ຳລ້ານຊ້າງ-ແມ່ນໍ້າຂອງ” ທີ່ແລ່ນຕາມທາງລົດໄຟລາວ-ຈີນ ຂະບວນທໍາອິດ ໄດ້ອອກເດີນທາງຈາກນະຄອນຄຸນໝິງແຂວງຢູນນານ ໄປຮອດນະຄອນຫຼວງວຽງຈັນ ສປປ ລາວ ໂດຍກົງ, ຂະບວນລົດໄຟຂົນສົ່ງສິນຄ້າດັ່ງກ່າວໄດ້ນໍາໃຊ້ລົດໄຟທີ່ມີຄວາມໄວ 120 ກິໂລແມັດຕໍ່ຊົ່ວໂມງ, ຕະຫຼອດໄລຍະທາງໃຊ້ເວລາ 26 ຊົ່ວໂມງ. ມາຮອດທ້າຍເດືອນສີງຫາຜ່ານມາ, ຂະບວນລົດໄຟຂົນສົ່ງສິນຄ້າສາກົນສາຍດ່ວນ “ແມ່ນ້ຳລ້ານຊ້າງ-ແມ່ນໍ້າຂອງ” ໄດ້ເປີດບໍລິການ 316 ຖ້ຽວ, ພ້ອມທັງໄດ້ເຊື່ອມຕໍ່ກັບຂະບວນລົດໄຟຈີນ-ເອີຣົບ ຊຶ່ງໄດ້ຂົນສົ່ງສິນຄ້າຈາກປະເທດໄທ ແລະ ປະເທດລ້ອງແມ່ນໍ້າຂອງໄປເຖິງເອີຣົບ.
ຄໍາເຫັນ