 |
ໃນກອງປະຊຸມ ໄດ້ຮັບຟັງການຜ່ານຮ່າງລາຍງານການເມືອງທັງ 2 ພາກ ແລະ ຮ່າງບົດສໍາຫຼວດ ການນຳພາລວມຂອງຄະນະໜ່ວຍພັກຮາກຖານ ໃນໄລຍະ 5 ປີຜ່ານມາ, ຊຶ່ງສາມາດຍາດໄດ້ຜົນງານຫຼາຍດ້ານ ແລະ ໄດ້ຖືສໍາຄັນ ການສຶກສາອົບຮົມການເມືອງແນວຄິດ ໃຫ້ແກ່ບັນດາສະຫາຍສະມາຊິກພັກ-ພະນັກງານ ໃນຄວາມຮັບຜິດຊອບຂອງຕົນ ເປັນຕົ້ນແມ່ນໄດ້ນໍາເອົາເນື້ອໃນເອກະສານສໍາຄັນຕ່າງໆ ຂອງພັກ-ລັດ ມາຈັດຕັ້ງເຜີຍແຜ່ເຊື່ອມຊຶມ ໃຫ້ສະມາຊິກພັກ-ພະນັກງານຂັ້ນຕົນ ແລະ ພະນັກງານກວດກາອາຊີບໃນທົ່ວແຂວງ ໄດ້ຮັບຮູ້ເຂົ້າໃຈຕໍ່ແນວທາງນະໂຍບາຍຂອງພັກ, ລະບຽບ, ກົດໝາຍຂອງລັດ ແລະ ວຽກງານທີ່ກ່ຽວພັນກັບການກວດກາ, ໄດ້ກວດກາການນໍາພາຮອບດ້ານ ພະແນກ-ຂະແໜງການຈໍານວນໜຶ່ງ, ຕິດຕາມການ ດໍາເນີນຊີວິດການເມືອງຕາມຄໍາສັ່ງຂອງຂັ້ນເທິງ; ຕິດຕາມການດໍາເນີນຊີວິດການເມືອງກາງສະໄໝ ແລະ ທ້າຍສະໄໝຂອງບັນດາໜ່ວຍພັກ, ຮາກຖານພັກ, ອົງຄະນະພັກເມືອງ, ອົງຄະນະພັກ ປກຊ- ປກສ ແຂວງ, ຕິດຕາມ, ກວດກາຕາມມະຕິຂອງສະພາປະຊາຊົນແຂວງ, ມະຕິຂອງຄະນະປະຈໍາພັກ ແຂວງ, ຕາມແຈ້ງການຂອງອົງການກວດກາແຫ່ງລັດ, ຕາມອົງການກວດສອບປະຈຳພາກກາງ, ເປັນເຈົ້າການໃນການຈັດຕັ້ງປະຕິບັດວຽກງານແຈ້ງຊັບສິນ ແລະ ລາຍຮັບຂອງພະນັກງານ, ສາມາດ ແກ້ໄຂຄໍາຮ້ອງ ແລະ ຄໍາສະເໜີໄດ້ຫຼາຍບັນຫາ, ເຮັດໃຫ້ຄູ່ກໍລະນີມີຄວາມພໍໃຈ ແລະ ສັງຄົມມີຄວາມສະຫງົບໂດຍພື້ນຖານ.
 |
ໃນກອງປະຊຸມ, ໄດ້ສະເໜີມາດຖານ ແລະ ເງື່ອນໄຂຜູ້ສະໝັກ ແລະ ມະຕິຕົກລົງຂອງຄະນະປະຈຳພັກແຂວງວ່າດ້ວຍການຮັບຮອງເອົາລາຍຊື່ບຸກຄະລາກອນທີ່ຈະອອກສະໝັກຮັບເລືອກຕັ້ງຄະນະໜ່ວຍພັກຮາກຖານຊຸດໃໝ່. ຜ່ານການປ່ອນບັດ ແລະ ກອງປະຊຸມຄັ້ງປະຖົມມະລຶກ ເຫັນດີເປັນເອກະພາບເລືອກເອົາ ສະຫາຍ ພິມພອນ ສຸລິວົງສາ ເປັນເລຂາໜ່ວຍພັກ, ສະຫາຍ ວິໄລມອນ ອິນທະວົງ ເປັນຮອງເລຂາ ທັງເປັນຜູ້ກວດກາໜ່ວຍພັກ ແລະ ສະຫາຍ ວົງພະຈັນ ສູນທະລາ ເປັນກຳມະການໜ່ວຍພັກຮາກຖານ.
(ຂ່າວ-ພາບ: ກອງຄໍາ)
ຄໍາເຫັນ