ກຳມະການສູນກາງຊາວຫນຸ່ມ ປປລາວ ເລຂາຄະນະບໍລິຫານງານຊາວຫນຸ່ມແຂວງອຸດົມໄຊ, ເຂົ້າຮ໋ວມເປັນກຽດມີ ສະຫາຍ ບຸນຄົງ ຫຼ້າຈຽມພອນ ກຳມະການສໍາຮອງສູນກາງພັກ ເລຂາຄະນະບໍລິ ຫານງານພັກແຂວງ ເຈົ້າແຂວງອຸດົມໄຊ, ສະຫາຍ ມອນໄຊ ລາວມົວຊົງ ກໍາມະການສໍາຮອງສູນກາງພັກ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ມີບັນດາແຂກເຊີນ ທີ່ມາຈາກຄະນະບໍລິຫານງານຊາວໜຸ່ມແຂວງຫຼວງນໍ້າທາ, ບໍ່ແກ້ວ, ຜົ້ງສາລີ, ກອງພົນທະຫານຮາບທີ 3, ຄະນະຈັດຕັ້ງສູນກາງພັກ, ກະຊວງກະສິກໍາ-ປ່າໄມ້, ທະນາຄານແຫ່ງ ສປປ ລາວ, ບັນດາສະຫາຍຕາງໜ້າຈາກ ອົງການແນວລາວສ້າງຊາດແຂວງ, ສະຫະພັນນັກຮົບເກົ່າແຂວງ, ສະຫະພັນກໍາມະບານແຂວງ, ສະຫະພັນແມ່ຍິງແຂວງ, ບັນດາສະຫາຍອາດີດເລຂາຄະນະບໍລິຫານງານຊາວໜຸ່ມແຂວງ, ຄອບຄົວຕົວແບບ ພ້ອມດ້ວຍບັນດາສະຫາຍ ຜູ້ແທນກອງປະຊຸມໃຫຍ່ທົ່ວແຂວງ.
ສະຫາຍ ຄໍາຈັນ ວ່າບົວແສງ ກ່າວເປີດກອງປະຊຸມວ່າ: ກອງປະຊຸມໃຫຍ່ຜູ້ແທນຊາວໜຸ່ມແຂວງອຸດົມໄຊ ຄັ້ງທີ IX ຈະໄດ້ດຳເນີນເປັນເວລາ 2 ວັນ ຊຶ່ງໃນໄລຍະການດໍາເນີນກອງປະຊຸມ ຜູ້ແທນທີ່ເຂົ້າຮ່ວມຈະໄດ້ພ້ອມກັນຕີລາຄາຄືນຢ່າງພາວະວິໄສ, ຮອບດ້ານ ເລິກເຊິ່ງ ຕໍ່ກັບໝາກຜົນ ຂອງການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນຊາວໜຸ່ມແຂວງອຸດົມໄຊ ຄັ້ງທີ VIII (ແຕ່ປີ 2020-2024), ພ້ອມນັ້ນ ຍັງໄດ້ວາງທິດທາງໜ້າທີ່, ຄາດໝາຍສູ້ຊົນ ແລະ ວຽກງານຈຸດສຸມ ໃນໄລຍະ 5 ປີຕໍ່ໜ້າ (ແຕ່ປີ 2025-2029) ແນໃສ່ເພື່ອສຶກສາອົບຮົມຊາວໜຸ່ມ-ເຍົາວະຊົນ ໃຫ້ກາຍເປັນລູກທີ່ດີຂອງພໍ່ແມ່, ເປັນພົນລະເມືອງດີຂອງຊາດ, ເປັນຜູ້ສືບທອດທີ່ດີຂອງພັກ, ເປັນຜູ້ປົກປັກຮັກສາ ແລະ ສ້າງສາພັດທະນາປະເທດຊາດຢ່າງແທ້ຈິງ; ປຸກລະດົມຂະບວນການຊາວໜຸ່ມ-ເຍົາວະຊົນ ໃຫ້ເປັນຂະບວນຟົດຟື້ນກ່ວາເກົ່າ ເປັນການປະກອບສ່ວນຢ່າງຕັ້ງໜ້າ ເຂົ້າໃນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງອົງຄະນະພັກແຂວງ ແລະ ແຜນພັດທະນາເສດຖະກິດ-ສັງຄົມ ຄັ້ງທີ X ຂອງແຂວງ ທີ່ຈະມາເຖິງໃນມໍ່ໆນີ້ ໃຫ້ປະກົດຜົນເປັນຈິງ; ທີ່ສຳຄັນຜູ້ແທນຈະໄດ້ໃຊ້ສິດປະຊາທິປະໄຕຂອງຕົນ ເຂົ້າໃນການເລືອກຕັ້ງເອົາ ຄະນະບໍລິຫານງານຊາວໜຸ່ມແຂວງ ຊຸດທີ IX ເພື່ອນຳພາຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງນີ້ ໃຫ້ປະກົດຜົນເປັນຈິງ.
ພ້ອມນີ້ ກອງປະຊຸມ ຈະໄດ້ຮັບຟັງການປະກອບຄໍາເຫັນ ຕາງໜ້າຈາກ 3 ຄະນະຊາວໜຸ່ມແຮກສ່ຽວຂັ້ນສູນກາງ, ບັນດາແຂວງໃກ້ຄຽງ, ບັນດາເມືອງ, ຕາງໜ້າແຕ່ລະຂົງເຂດວຽກງານ ແລະ ຄອບຄົວຕົວແບບຈຳນວນໜຶ່ງ.
(ຂ່າວ: ໄມພອນ)
ຄໍາເຫັນ