 |
ທ່ານ ສີງຕັນ ໄຊລືຊົງ ກ່າວໄຂກອງປະຊຸມວ່າ: ກອງປະຊຸມຄັ້ງນີ້ ຈະດຳເນີນໄປເປັນ ເວລາ 2 ວັນ ໂດຍຈະໄດ້ຮັບຟັງການລາຍງານ, ການພິຈາລະນາ ແລະ ການຮັບຮອງເອົາ ບັນຫາສຳຄັນພື້ນຖານຂອງແຂວງ ປະຈຳ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2025 ເປັນຕົ້ນ: ຮັບຟັງບົດລາຍງານຫຍໍ້ ຂອງທ່ານເຈົ້າແຂວງ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານຂອງແຂວງ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2025; ການລາຍງານ ຂອງພະແນກແຜນການ ແລະ ການລົງທືນ ແຂວງກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຂອງແຂວງ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2025; ການລາຍງານ ຂອງພະແນກການເງິນ ແຂວງກ່ຽວກັບການຈັດຕັ້ງປະຕິບັດແຜນງົບປະມານຂອງແຂວງ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2025; ພ້ອມນັ້ນ ຈະໄດ້ຮັບຟັງການລາຍງານບັນຫາໃດໜຶ່ງທີ່ພົ້ນເດັ່ນ ຈາກຫົວໜ້າພະແນກ, ຫົວໜ້າອົງການລັດທຽບເທົ່າພະແນກຂັ້ນແຂວງທີ່ກ່ຽວຂ້ອງ ຕາມການສະເໜີຂອງ ຄະນະປະຈຳສະພາປະຊາຊົນແຂວງ, ພ້ອມນີ້ ຈະຮັບຟັງບົດລາຍງານ ຂອງອົງການໄອຍະການປະຊາຊົນ ແຂວງ-ສານປະຊາຊົນແຂວງ ກ່ຽວກັບການຈັດຕັ້ງປະຕິບັດວຽກງານ ປະຈຳ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍ ປີ 2025; ຮັບຟັງບົດລາຍງານ ຂອງສະພາປະຊາຊົນແຂວງ ກ່ຽວກັບການຈັດຕັ້ງປະຕິບັດວຽກງານ ປະຈຳ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍ ປີ 2025 ແລະ ຮັບຟັງການປະກອບຄໍາຄິດຄໍາເຫັນ ຈາກຄະນະປະຈໍາສະພາປະຊາຊົນແຂວງ ຕໍ່ວຽກງານຕ່າງໆ ຂອງອົງການປົກຄອງແຂວງ, ອົງການຕຸລາການ ທີ່ໄດ້ລາຍງານ ຢູ່ໃນກອງປະຊຸມ. ທ່ານກ່າວຕື່ມວ່າ: ໃນໄລຍະກະກຽມ ແລະ ດຳເນີນກອງປະຊຸມ, ຄະນະປະຈຳສະພາປະຊາຊົນແຂວງ ໄດ້ແຕ່ງຕັ້ງໜ່ວຍງານຮັບຜິດຊອບໂທລະສັບສາຍດ່ວນ ເບີໂທ 071 156 ເພື່ອຮັບເອົາຄໍາສະເໜີ ແລະ ການສະແດງຄວາມຄິດເຫັນ ໂດຍກົງຈາກປະຊາຊົນ ທີ່ຈະນຳສົ່ງໄປຍັງຫ້ອງປະຊຸມ. ດັ່ງນັ້ນ, ຈື່ງຮຽກຮ້ອງໃຫ້ທຸກພາກສ່ວນໃນທົ່ວແຂວງຫຼວງພະບາງ ຈົ່ງຮ່ວມກັນຕິດຕາມຮັບຊົມ ແລະ ຮັບຟັງ ການດຳເນີນກອງປະຊຸມ ໃນຄັ້ງນີ້.
 |
(ແຫຼ່ງຂ່າວ: ແຂວງຫຼວງພະບາງ)
ຄໍາເຫັນ