 |
ຂະບວນແຫ່ສົງການຕາມຕໍານານບູຮານລາວຄັ້ງນີ້, ຈັດຂຶ້ນເປັນຄັ້ງທໍາອິດ ຊຶ່ງມີບັນຍາກາດ ຄຶກຄື້ນເບີກບານມ່ວນຊື່ນ ຕະຫຼອດໄລຍະທີ່ຂະບວນແຫ່ຜ່ານໄດ້ມີ ພໍ່ແມ່ປະຊາຊົນ ຜູ້ທີມີຈິດໃຈໃສສັດທາຮ່ວມຕ້ອນຮັບ ບໍລິການນໍ້າດື່ມປະເພດຕ່າງໆ ພ້ອມທັງມີການຫົດນໍ້າສ້າງຄວາມຊຸມເຢັນແກ່ຜູ້ເຂົ້າຮ່ວມຂະບວນ.
 |
ຂະບວນແຫ່ຄັ້ງນີ້, ປະກອບມີ ຂະບວນທຸງຊາດ ແລະ ທຸງສາສະໜາ, ຂະບວນລັ່ນກອງໄຊນໍາເລີກ, ຂະບວນເຖົ້າຂຸນ ວຸດທິ, ຂະບວນພະສົງ-ເຈົ້າຄາຕັນ ແລະ ຕຸຣິຍະ ດົນຕີພື້ນເມືອງລາວ, ຂະບວນການນໍາ, ຂະບວນພະພຸດທະຮູບ-ຂັນໜາກເບັງໃຫຍ່ຈາກວັດຈອມທອງ, ວັດໂພນພິນ, ວັດກາງ, ວັດຫ້ວຍນາງລີ້, ວັດສີໂຄດ, ວັດນາເມືອງ, ວັດຈອມແຈ້ງ, ວັດທ່າແຂກໃຕ້, ວັດປາກດົງ,
 |
ພ້ອມດ້ວຍຂະບວນຟ້ອນຂອງນ້ອງນັກຮຽນ-ແມ່ສາຍບຸນ ແລະ ຂະບວນລົດເຄື່ອງສຽງໂປງລ່າງ. ໂດຍໄດ້ເຕົ້າໂຮມ ຢູ່ວົງວຽນຫຼັກ 2, ຈາກນັ້ນກໍ່ໄດ້ເຄື່ອນຂະບວນແຫ່ໄປຕາມເສັ້ນທາງກຸວໍລະວົງຮອດຫໍຈາລຶກ 21 ມີນາ (ນໍ້າພຸ) ແລ້ວລ້ຽວຂວາເຂົ້າສູ່ວັດນາໂບ ສີພັດທະນາຣາມ.
 |
ພາຍຫຼັງສໍາເລັດຂະບວນແຮ່, ທ່ານ ໄຊຊະນະ ໂຄດພູທອນ ໄດ້ຫົດສົງ, ປ່ຽນຜ້າ 7 ສີ ເສົາຫຼັກເມືອງ, ຕົບພະຊາຍ, ຫົດພະສົງສາມະເນນ ແລະ ສົງພະພຸດທະຮູບ ເພື່ອຄວາມເປັນສິຣິມຸງຄຸນ, ທັງນີ້ເພື່ອເປັນການຟື້ນຟູປົກປັກຮັກສາຮີດຄອງປະເພນີລາວ ກໍຄືວັດທະນະທໍາອັນດີງາມທ້ອງຖິ່ນໃຫ້ຄົງຢູ່ກັບລູກຫຼານຕະຫຼອດໄປ.
 |
(ຂ່າວ: ມະນີວັນ)
ຄໍາເຫັນ