 |
ໃນພິທີ, ໄດ້ຮັບຟັງການລາຍງານ ສະພາບການຈັດຕັ້ງປະຕິບັດວຽກງານໃນໄລຍະຜ່ານມາ, ຊຶ່ງຄະນະຮັບ ຜິດຊອບຂອງສ່ວຍສາອາກອນປະຈໍາແຂວງ ໄດ້ລົງເກັບກຳຂໍ້ມູນການຕິດຕັ້ງ ແລະ ເຊື່ອມຕໍ່ໃບເກັບເງິນຂາຍສິນ ຄ້າ ແລະ ການບໍລິການອີແທັກອິນວອຍ (E-Tax Invoice), ໃນໄລຍະທີ 1 ມີແຜນຕິດຕັ້ງຈໍານວນ 716 ຫົວໜ່ວຍ, ໃນນີ້ຂັ້ນແຂວງຄຸ້ມຄອງລວມມີໂຮງແຮມ-ລີສອດຈໍານວນ 165 ຫົວໜ່ວຍ ແລະ ຂັ້ນນະຄອນ-ຫຼວງພະບາງຄຸ້ມຄອງ 551 ຫົວໜ່ວຍ ລວມມີເຮືອນພັກ, ຮ້ານອາຫານ, ຮ້ານບັນເທິງ, ຮ້ານກາເຟ, ຮ້ານສະດວກຊື້, ຕົວແທນຂາຍເບຍ ແລະ ອື່ນໆ. ຜ່ານການຈັດຕັ້ງປະຕິບັດຕົວຈິງມາຮອດວັນທີ 19 ພຶດສະພາ 2026, ຕິດຕັ້ງສໍາເລັດ 496 ຫົວໜ່ວຍ, ນໍາໃຊ້ປົກກະຕິ 94 ຫົວໜ່ວຍ, ນໍາໃຊ້ບໍ່ປົກກະຕິ 107 ຫົວໜ່ວຍ, ບໍ່ນໍາໃຊ້ 295 ຫົວໜ່ວຍ.
ຜ່ານການປະຕິບັດເຫັນວ່າ: ຄະນະນໍາຈາກສູນກາງ ແລະ ທ້ອງຖິ່ນ ໄດ້ເອົາໃຈໃສ່ໃນການຕິດຕາມ ຊຸກຍູ້ການຈັດຕັ້ງປະຕິບັດວຽກງານ ຂອງຄະນະຮັບຜິດຊອບຕາມຂໍ້ຕົກລົງຢ່າງໃກ້ສິດຕິດແທດ ແລະ ເປັນປະຈຳ; ພະນັກງານສ່ວຍສາອາກອນ ແລະ ບໍລິສັດຜູ້ພັດທະນາ ໄດ້ເອົາໃຈໃສ່ໃນການລົງຕິດຕາມ-ເກັບກຳຂໍ້ມູນ, ຕິດຕັ້ງເຄື່ອງພິມຕາມແຜນການທີ່ກຳນົດໄວ້; ຫົວໜ່ວຍທຸລະກິດສ່ວນຫຼາຍແມ່ນເຫັນດີ ແລະ ເອກະພາບ ຕໍ່ກັບການປະຕິຮູບລະບົບໃບເກັບເງິນ, ຫັນເຂົ້າສູ່ລະບົບ ອມພ, ນໍ້າໃຊ້ໃບເກັບເງິນທີ່ສ່ວຍສາອາກອນກຳນົດ; ແຕ່ມີຫົວໜ່ວຍທຸລະກິດຈໍານວນໜຶ່ງສະຕິຕື່ນຕົວຍັງບໍ່ທັນສູງ ບໍ່ເປັນເຈົ້າການ ບໍ່ຍອມຮັບໃນການຕິດຕັ້ງ ແລະ ບໍ່ຍອມນໍາໃຊ້ໃບເກັບເງິນທີ່ສ່ວຍສາອາກອນກຳນົດ; ການເຊື່ອມຕໍ່ລະບົບເກົ່າ ແລະ ລະບົບໃໝ່ຍັງມີຫຼາຍຂຶ້ນຕອນ ແລະ ບັນຫາອື່ນໆ.
ໂອກາດນີ້, ທ່ານ ອານຸວົງ ບົວພັນ ໄດ້ນັ້ນໃຫ້ຄະນະນຳພະແນກການເງິນ ສຸມໃສ່ການແຕ່ງຕັ້ງຄະນະຮັບຜິດຊອບຂັ້ນແຂວງ-ເມືອງ ແລະ ນະຄອນ-ຫຼວງພະບາງຄັດເລືອກຫົວໜ່ວຍທຸລະກິດເປົ້າໝາຍຕິດຕັ້ງລະບົບ ຂອງສ່ວຍສາອາກອນ, ແບ່ງຈຸ ເພື່ອຄຸ້ມຄອງຫົວໜ່ວຍເປົ້າໝາຍທຸລະກິດທີ່ໄດ້ມີການຄັດເລືອກ ເພື່ອແບ່ງຄວາມຮັບຜິດຊອບຈາກຄະນະຂັ້ນແຂວງ-ເມືອງ-ນະຄອນ; ຝຶກອົບຮົມວຽກງານການຄຸ້ມຄອງລະບົບຄຸ້ມຄອງໃບເກັບເງິນແບບເອເລັກໂຕຣນິກ (E-Tax Invoice) ໃຫ້ເຈົ້າໜ້າທີ່ສ່ວຍສາອາກອນປະຈໍາແຂວງ/ເມືອງ-ນະຄອນ-ຫຼວງພະບາງ ພ້ອມກັນກວດກາການນຳໃຊ້ລະບົບໃຫ້ທົ່ວເຖິງ. ການເຄື່ອນໄຫວຄັ້ງນີ້, ທ່ານ ອານຸວົງ ບົວພັນ ໄດ້ໄປກວດກາການນຳໃຊ້ລະບົບຢູ່ບາງຫົວໜ່ວຍທຸລະກິດຕື່ມອີກ. ຂ່າວ: ອາພຸດເດດ ບຸບຜາ, ພາບ: ທະນູສີນ ອິດທິພົນ
ຄໍາເຫັນ