ຄະນະປະຈຳສະພາແຫ່ງຊາດ ສະເໜີໃຫ້ກວດກາຄືນບັນດາໂຄງການລົງທຶນດ້ານພະລັງງານໄຟຟ້າ

ທ່ານ ນາງ ປິ່ງຄໍາລາຊະສິມມາກ່າວວ່າ: ເພືິ່ອເຮັດໃຫ້ການຈັດຕັ້ງປະຕິບັດວຽກງານພັດທະນາພະລັງງານໄຟຟ້າໃຫ້ມີປະສິດທິພາບ, ປະສິດທິຜົນ ແລະ ມີຜົນປະໂຫຍດສູງສຸດຕໍ່ປະເທດຊາດ, ຄະນະປະຈຳສະພາແຫ່ງຊາດສະເໜີມີບາງຄໍາເຫັນດັ່ງນີ້: 1. ສະເໜີໃຫ້ກວດກາຄືນບັນດາໂຄງການລົງທຶນດ້ານພະລັງງານໄຟຟ້າທີິ່ໄດ້ເຊັນສັນຍາສຳປະທານກັບລັດຖະບານ, ໂຄງການທີິ່ຢູ່ໃນຂັ້ນຕອນການຂໍອະນຸມັດເຊັນສັນຍາສໍາປະທານ ແລະ ເນື້ອໃນສັນຍາສຳປະທານໂຄງການຕ້ອງກຳນົດໃຫ້ລະອຽດຈະແຈ້ງເຖິງການແບ່ງຄວາມຮັບຜິດຊອບຂອງສູນກາງ ແລະທ້ອງຖິ່ນ ລວມທັງການມີສ່ວນຮ່ວມຂອງຂະແໜງການອືິ່ນໆທີິ່ກ່ຽວຂ້ອງ; ປະເມີນຜົນການຈັດຕັ້ງປະຕິບັດສັນຍາສຳປະທານ ແລະ ເອກະສານຊ້ອນທ້າຍໂຄງການທີິ່ພົວພັນກັບການຊົດເຊີຍທົດແທນຄ່າເສຍຫາຍ, ການຟື້ນຟູປ່າ, ການປູກໄມ້ທົດແທນ, ການຟື້ນຟູຊີວິດການເປັນຢູ່ຂອງປະຊາຊົນ ເພືິ່ອຮັບປະກັນເຮັດໃຫ້ຊີວິດການເປັນຢູ່ຂອງປະຊາຊົນໄດ້ຮັບການປັບປຸງດີຂຶ້ນກວ່າເກົ່າ; ປະຕິບັດມາດຕະການເດັດຂາດຕໍ່ໂຄງການລົງທຶນທີິ່ໄດ້ຮັບອະນຸຍາດ ແຕ່ບໍ່ມີການພັດທະນາໂຄງການ, ໂຄງການທີິ່ດຳເນີນງານບໍ່ຖືກຕ້ອງຕາມກົດໝາຍ ແລະບຽບການ; 2. ເອົາໃຈໃສ່ໃນການຄຸ້ມຄອງ, ຕິດຕາມ, ກວດກາ ແລະ ປະເມີນການມອບເງິນພັນທະຕ່າງໆ ຂອງຜູ້ພັດທະນາໂຄງການໂດຍໃຫ້ສອດຄ່ອງກັບກົດໝາຍ, ສັນຍາສຳປະທານ, ເອກະສານຊ້ອນທ້າຍຂອງໂຄງການ; ຫຼຸດຜ່ອນການສະເໜີຂໍຍົກເວັ້ນ ແລະ ຜ່ອນຜັນການປະຕິບັດບາງເນື້ອໃນບາງມາດຕາຂອງກົດໝາຍທີິ່ພົວພັບກັບການປະຕິບັດພັນທະດ້ານພາສີ, ອາກອນເພືິ່ອເພີິ່ມລາຍຮັບເຂົ້າງົບປະມານຂອງລັດ,ຄົົ້ນຄວ້າ, ປັບປຸງ ແລະ ກຳນົດອັດຕາອາກອນກຳໄລຈາກໂຄງການໄຟຟ້າພະລັງງານລົມ, ພະລັງງານແສງຕາເວັນ ແລະ ພະລັງງານໄຟຟ້າອືິ່ນໆໃຫ້ແທດເໝາະກັບໄລຍະເວລາການດຳເນີນງານຂອງໂຄງການ (ຜ່ານມາແມ່ນ 7% ຕາມກົດໝາຍອາກອນລາຍໄດ້ ທີິ່ນຳໃຊ້ໃນປັດຈຸບັນ); 3. ການພັດທະນາພະລັງງານໄຟຟ້າ ຕ້ອງເລັ່ງໃສ່ຮັບປະກັນການສະໜອງໄຟຟ້າໃຫ້ສອດຄ່ອງກັບຄວາມຕ້ອງການໃນການພັດທະນາເສດຖະກິດ-ສັງຄົມ ກໍຄືຮັບປະກັນການຕອບສະໜອງຄວາມຕ້ອງການຂອງປະຊາຊົນ ແລະ ການວາງແຜນການພັດທະນາພະລັງງານໄຟຟ້າຕ້ອງໃຫ້ສົມຄູ່, ສອດຄ່ອງ ແລະ ໄປຄຽງຄູ່ກັບການພັດທະນາຂະແໜງການອືິ່ນໆທີິ່ກ່ຽວຂ້ອງໃຫ້ທຸກພາກສ່ວນທີິ່ກ່ຽວຂ້ອງໄດ້ເຂົ້າຮ່ວມແຕ່ຫົວທີ ເພືິ່ອຮັບປະກັນຜົນປະໂຫຍດລວມຮ່ວມກັນ ແນໃສ່ຫຼຸດຜ່ອນການນຳເຂົ້າໄຟຟ້າຈາກຕ່າງປະເທດ; 4. ການເກັບກຳຂໍ້ມູນ ແລະ ການປະເມີນຜົນກະທົບຕໍ່ສິ່ງແວດລ້ອມສັງຄົມ ແລະ ທຳມະຊາດຕ້ອງລະອຽດຊັດເຈນ, ປະຊາຊົນທີິ່ຖືກຜົນກະທົບຕ້ອງມີສ່ວນຮ່ວມ ແລະ ມີການປະສານສົມທົບກັບພາກສ່ວນທີິ່ກ່ຽວຂ້ອງຢ່າງກົມກຽວຕໍ່ເນືິ່ອງ; ສະເໜີໃຫ້ມີການທົບທວນຄືນບັນດາໂຄງການໄຟຟ້າທີິ່ຢູ່ໃນແຜນພັດທະນາ ຫຼືກຳລັງດຳເນີນການສຶກສາໃຫ້ເໝາະສົມ, ຮັບປະກັນບໍ່ໃຫ້ມີການທັບຊ້ອນກັບໂຄງການພັດທະນາອືິ່ນໆ; 5. ປະເມີນຄືນ, ສ້າງ ແລະ ປັບປຸງກົດໝາຍ ແລະ ນິຕິກຳໃຕ້ກົດໝາຍໃຫ້ຈະແຈ້ງ, ຮັດກຸມ ແລະສອດຄ່ອງກັບສະພາບການຂະຫຍາຍຕົວຂອງເສດຖະກິດ-ສັງຄົມໃນແຕ່ລະໄລຍະ, ປັບປຸງຂອດປະສານງານໃຫ້ມີຄວາມກົມກຽວ ພ້ອມທັງຄົ້ນຄວ້າ ແລະ ກຳນົດເອົາພະລັງງານທົດແທນອືິ່ນໆເຊັ່ນ: ພະລັງງານ 3 ລົມ, ພະລັງງານແສງຕາເວັນ ແລະ ອືິ່ນໆເຂົ້າໃນກົດໝາຍວ່າດ້ວຍໄຟຟ້າເພືິ່ອເປັນບ່ອນອີງໃຫ້ແກ່ການຈັດຕັ້ງປະຕິບັດວຽກງານຕົວຈິງ; 6. ລົງທຶນ ແລະ ລະດົມທຶນເຂົ້າໃນການກໍ່ສ້າງສາຍສົ່ງໄຟຟ້າແຮງສູງແຕ່ເໜືອຮອດໃຕ້ໃຫ້ສາມາດຮອງຮັບເອົາກະແສໄຟຈາກເຂືິ່ອນຕ່າງໆ ເພືິ່ອສົ່ງອອກ ແລະ ຊົມໃຊ້ພາຍໃນ ແລະ ໃຫ້ພິຈາລະນາລວມເອົາສາຍສົ່ງໄຟຟ້າໄປຕ່າງປະເທດເຂົ້າໃນລະບົບດັ່ງກ່າວ, ບໍ່ຄວນອະນຸຍາດໃຫ້ບັນດາໂຄງການລົງທຶນກໍ່ສ້າງສາຍສົ່ງໄຟຟ້າເປັນຂອງຕົນເອງ ພ້ອມທັງຄົົ້ນຄວ້າສ້າງນິຕິກຳຄຸ້ມຄອງວຽກງານດັ່ງກ່າວໃຫ້ສຳເລັດ; 7. ປັບປຸງລະບົບພະລັງງານໄຟຟ້າໃຫ້ມີຄວາມໝັ້ນຄົງມີຄວາມພ້ອມໃນການສະໜອງໄຟຟ້າ ໃຫ້ພຽງພໍຕໍ່ຄວາມຕ້ອງການທັງພາຍໃນ ແລະ ສົ່ງອອກຕ່າງປະເທດ ໂດຍການພິຈາລະນາພັດທະນາໄຟຟ້າພະລັງງານຄວາມຮ້ອນ ຫຼືພະລັງງານໄຟຟ້າອື່ນໆ ເພືິ່ອຮັບປະກັນການພັດທະນາລະບົບພະລັງງານໄຟຟ້າໃຫ້ມີຄວາມສະຖຽນ, ໝັ້ນຄົງ ແລະ ຜູ້ຊົມໃຊ້ສາມາດເຂົ້າເຖິງດ້ວຍລາຄາທີິ່ເໝາະສົມ, ເປັນທຳ; 8. ໃຫ້ສືບຕໍ່ຄົົ້ນຄວ້າປັບປຸງຍຸດທະສາດການພັດທະນາພະລັງງານໄຟຟ້ານໍ້າຕົກ ຄວນສຸມໃສ່ທິດທາງໃດເປັນຕົົ້ນຕໍເພືິ່ອໃຫ້ມີການປະສານສົມທົບກັນຢ່າງກົມກຽວລະຫວ່າງເສດຖະກິດ, ສິ່ງແວດລ້ອມແລະ ສັງຄົມ; ຢຸດຕິການກໍ່ສ້າງເຂືິ່ອນໄຟຟ້າພະລັງງານນໍ້າຂະໜາດນ້ອຍ, ຫຼຸດຜ່ອນການພັດທະນາພະລັງງານໄຟຟ້າຈາກເຂືິ່ອນໄຟຟ້ານໍ້າຕົກ ແລະ ຫັນໄປສູ່ພະລັງງານໄຟຟ້າ, ພະລັງງານທົດແທນໃນຮູບແບບອືິ່ນໆ; ຄົົ້ນຄວ້າປັບປຸງໂຄງສ້າງລາຄາໄຟຟ້າຕ້ອງໃຫ້ສອດຄ່ອງກັບສະພາບການດຳລົງຊີວິດຂອງປະຊາຊົນແລະ ການດຳເນີນທຸລະກິດຂອງລັດວິສາຫະກິດໄຟຟ້າລາວ; 9. ມີການແບ່ງຂັ້ນຄຸ້ມຄອງຢ່າງຈະແຈ້ງ ຄືກະຊວງອົງການຂັ້ນສູນກາງດຳເນີນໜ້າທີິ່ຄຸ້ມຄອງມະຫາພາກ ມອບຄວາມຮັບຜິດຊອບໃນການຈັດຕັ້ງປະຕິບັດໂຄງການໃຫ້ຄະນະພັກອົງການປົກຄອງທ້ອງຖິ່ນ, ສະພາປະຊາຊົນແຂວງ ແລະ ພະແນກການທີິ່ກ່ຽວຂ້ອງ; 10. ສ້າງ ແລະ ຍົກລະດັບບຸກຄະລາກອນໃນຂະແໜງການໄຟຟ້າໃຫ້ມີຄວາມຮູ້, ຄວາມສາມາດແລະ ຊຳນານງານ ເພືິ່ອກະກຽມຄວາມພ້ອມໃນການຄຸ້ມຄອງ ແລະ ບໍລິຫານຈັດການບັນດາໂຄງການພະລັງງານໄຟຟ້ານໍ້າຕົກທີິ່ຈະສົ່ງມອບຄືນໃຫ້ລັດຖະບານ ພາຍຫຼັງສິ້ນສຸດອາຍຸສັນຍາສຳປະທານໂຄງການ.ຂ່າວ:ບຸນຕອມ, ພາບ:ສຸກສະຫວັນ