ຄະນະປະທານບໍລິຫານຈັດການ ບໍລິສັດ ພູເບ້ຍ ມາຍນິງ ຕ້ອນຮັບທ່ານຮອງປະທານປະເທດຢ້ຽມຢາມ ແລະ ຊຸກຍູ້ວຽກງານຢູ່ໂຄງການຂອງບໍລິສັດ ພູເບ້ຍ ມາຍນິງ

ການລົງເຄື່ອນໄຫວຢ້ຽມ ຢາມ ແລະ ຊີ້ນຳວຽກງານຂອງ ທ່ານຮອງປະທານປະເທດ ພ້ອມ ດ້ວຍຄະນະຄັ້ງນີ້ ໄດ້ຮັບຊົມພາບ ວີດີໂອ ຊຶ່ງມີຄວາມຍາວ 20 ນາທີ ສະແດງໃຫ້ເຫັນການເຄື່ອນໄຫວ ດຳເນີນງານທີ່ທັນສະໄໝລະ ດັບສາກົນ ແລະ ວິທີປະຕິບັດທີ່ດີ ທີ່ສຸດຂອງບໍລິສັດພູ ເບ້ຍ ມາຍນິງ. ທ່ານ ເດວິດ ຣີດ ຜູ້ອຳນວຍການ ໃຫຍ່ຂອງ ບໍລິສັດ ພູເບ້ຍ ມາຍນິງ ໄດ້ກ່າວຄໍາຕ້ອນຮັບຢ່າງປິຕິຍິນດີຕໍ່ທ່ານ ນາງ ວຽງທອງ ສີພັນ

ດອນ ພ້ອມຄະນະ ແລະ ນຳພາ ທ່ຽວຊົມຫ້ອງຄວບຄຸມໂຮງງານ ທີ່ທັນສະໄໝ, ຫ້ອງຫຼອມຄຳ, ຂະ

ບວນການຂຸດຄົ້ນແຮ່ ແລະ ໂຄງ ການຂຸດຄົ້ນປຸງແຕ່ງຄໍາ-ເງິນຢູ່ ບໍ່ຫ້ວຍຊາຍ ແລະ ຢູ່ໂຄງການ ຂຸດຄົ້ນປຸງແຕ່ງ ທອງ-ຄໍາ ພູຄຳ ໄດ້ຢ້ຽມຊົມໂຮງງານປຸງແຕ່ງ, ບໍ່ ແຮ່ແບບເປີດເທິງໜ້າດິນ ທີ່ມີ ມາດຕະຖານລະດັບສາກົນ ແລະ ສູນຝຶກອົບຮົມຂອງບໍລິສັດ ພູເບ້ຍ ມາຍນິງ.

ໃນລະຫວ່າງການຢ້ຽມຢາມ, ທ່ານຮອງປະທານປະເທດ ໄດ້ ກ່າວຄໍາຍ້ອງຍໍຊົມເຊີຍທ່ານປະ ທານຜູ້ບໍລິຫານງານໂຄງການ ທີ່ເຮັດໜ້າທີ່ປະຕິບັດງານໄປ ຕາມຫຼັກການມາດຕະຖານລະ ດັບສາກົນ ໄດ້ດີທີ່ສຸດ ຂອງບໍລິສັດ ພູເບ້ຍ ມາຍນິງ ໃນການຄຸ້ມຄອງ, ຟື້ນຟູສິ່ງແວດລ້ອມ, ດິນ, ນໍ້າ, ພືດ ພັນ, ດ້ານສຸຂະພາບ ແລະ ຄວາມປອດໄພຂອງພະນັກງານ ແລະ ການຝຶກອົບຮົມ, ພັດທະນາຊັບພະຍາກອນມະນຸດ ໂດຍສະເພາະຕໍ່ແຮງງານຄົນລາວ, ລວມທັງການປະກອບສ່ວນທາງດ້ານສັງຄົມ ແລະ ເສດຖະກິດໃຫ້ຊຸມຊົນທ້ອງ ຖິ່ນ. ທ່ານຮອງປະທານປະເທດ ໄດ້ແນະນໍາທິດທາງກ່ຽວກັບໂອ ກາດການລົງທຶນຈາກຕ່າງປະເທດ ໃນອຸດສາຫະກຳບໍ່ແຮ່ຂອງລາວ.

ທ່ານ ເດວິດ ຣີດ ຜູ້ອຳນວຍ ການໃຫຍ່ຂອງບໍລິສັດ ພູເບ້ຍ ມາຍນິງ ໄດ້ກ່າວຄໍາຂອບໃຈຕໍ່ ການຢ້ຽມຢາມ ແລະ ສາຍພົວພັນ ທີ່ເຂັ້ມແຂງຂອງບໍລິສັດກັບລັດ ຖະບານ ແຫ່ງ ສປປ ລາວ ວ່າ: “ຄະນະປະທານບໍລິສັດ ຮູ້ສຶກຍິນດີ ແລະ ເປັນກຽດຢ່າງສູງ ທີ່ໄດ້ ຕ້ອນຮັບທ່ານ ນາງ ວຽງທອງ ສີພັນດອນ ຄະນະເລຂາທິການສູນກາງພັກ ຮອງປະທານປະ ເທດ ແຫ່ງ ສປປ ລາວ ພ້ອມຄະນະ ແລະ ຄະນະນໍາຂອງແຂວງໄຊ ສົມບູນ ຊຶ່ງແມ່ນເປັນການຢ້ຽມ ຢາມໂຄງການຄັ້ງທຳອິດຂອງ ການນຳຂັ້ນສູງສຸດ ສປປ ລາວ. ນັບຕັ້ງແຕ່ເລີ່ມດຳ ເນີນງານໃນປີ 2008, ບໍລິສັດ ພູເບ້ຍ ມາຍນິງ ໄດ້ປະກອບສ່ວນຫຼາຍກວ່າ 1.25 ຕື້ໂດລາ ເຂົ້າໃນພັນທະອາກອນ ຕ່າງໆ, ຄ່າຊັບພະຍາກອນແຮ່ ທາດ ແລະ ເງິນປັນຜົນພ້ອມທັງສ້າງຜົນປະໂຫຍດທາງເສດຖະ ກິດທາງອ້ອມ ຜ່ານການຈັດຊື້ໃນ ທ້ອງຖິ່ນ ແລະ ອື່ນໆ ອີກປະມານ 3.8 ຕື້ໂດລາ.

ປັດຈຸບັນ ບໍລິສັດ ພູເບ້ຍ ມາຍນິງ ມີພະນັກງານຫຼາຍກວ່າ 3,600 ຄົນ ໂດຍພະນັກງານລາວ ຄິດ ເປັນອັດຕາສ່ວນຫຼາຍກວ່າ 93% ຂອງກຳລັງແຮງງານ. ພວກເຮົາ ຍັງຄົງມຸ່ງໝັ້ນທີ່ຈະພັດທະນາ ຄວາມສາມາດ, ສ້າງໂອກາດການຈ້າງງານ ໃນໄລຍະຍາວ ແລະ ຊ່ວຍໃຫ້ຂະແໜງການບໍ່ແຮ່ມີຄວາມ ເຂັ້ມແຂງ ໂດຍຜ່ານການພັດທະ ນາທັກສະ ແລະ ການຖ່າຍທອດ ຄວາມຮູ້.

ທ່ານຮອງປະທານປະເທດ ແລະ ຄະນະມີຄວາມປະທັບໃຈ ຫຼາຍຕໍ່ຜົນສຳເລັດ ແລະ ການປະກອບສ່ວນພັດທະນາຊຸມຊົນກໍ ຄືພັດທະນາປະເທດຊາດ ແລະ ປະຊາຊົນລາວບັນດາເຜົ່າ. ບໍລິ ສັດໝັ້ນໃຈວ່າ: ການຢ້ຽມຢາມເທື່ອນີ້ຈະເປັນຂໍ້ມູນທີ່ດີ ແລະ ເປັນປະໂຫຍດຕໍ່ການປະສານສົມທົບ ກັບຂະແໜງການທີ່ກ່ຽວຂ້ອງ ຂອງລັດຖະບານຂັ້ນສູນກາງ ແລະ ຂັ້ນແຂວງ ສະດວກຂຶ້ນ ເນື່ອງຈາກວ່າ ໂຄງການບໍລິສັດຍັງໄດ້ສືບຕໍ່ການລົງທຶນຂອງບໍລິສັດໃຫ້ມີການເຕີບໂຕຫຼາຍໂຄງການຢູ່ ໃນລາວ”.

1. ທ່ານ ນາງ ວຽງທອງ ສີພັນດອນ ຄະນະເລຂາທິການສູນກາງພັກ ຮອງປະທານປະເທດ ແຫ່ງ ສປປ ລາວ ຢູ່ຫ້ອງປະຊຸມຂອງ ໂຄງການຂຸດຄົ້ນ-ປຸງແຕ່ງ ຄໍາ-ເງິນ ບ້ານຫ້ວຍຊາຍ

2. ທ່ານ ນາງ ວຽງທອງ ສີພັນດອນ ພ້ອມດ້ວຍຄະນະ ແລະ ຕົວແທນຂອງບໍລິສັດ ພູເບ້ຍ ມາຍນິງ ຢູ່ໂຄງການຂຸດຄົ້ນ-ປຸງແຕ່ງ ຄໍາ-ເງິນ ບ້ານຫ້ວຍຊາຍ

3. ທ່ານ ນາງ ວຽງທອງ ສີພັນດອນ ພ້ອມດ້ວຍຄະນະ ແລະ ຕົວແທນ ຂອງບໍລິສັດ ພູເບ້ຍ ມາຍນິງ ຢູ່ໂຄງການຂຸດຄົ້ນ-ປຸງແຕ່ງ ທອງ-ຄໍາ ພູຄໍາ