ຄະນະພັກຮາກຖານ ຫ້ອງການເມືອງ ກອງພົນທີ 5 ສຳເລັດກອງປະຊຸມໃຫຍ່ ຄັ້ງທີ ⅠⅩ

ກອງປະຊຸມໃຫຍ່ສະມາຊິກພັກ ຄັ້ງທີ ⅠⅩຂອງຄະນະພັກຮາກຖານ ຫ້ອງການເມືອງ ກອງພົນທີ 5 ໄດ້ເປີດຂຶ້ນ ແລະ ປິດລົງດ້ວຍຜົນສຳເລັດອັນຈົບງາມ ເມື່ອບໍ່ດົນມານີ້ ທີ່ສະໂມສອນກອງພົນທີ 5,  ໂດຍການເປັນປະທານຂອງ ສະຫາຍ ພົນຈັດຕະວາ ສີປະເສີດ ເຜີຍຄໍາສີງ  ເລຂາຄະນະພັກ ຫົວໜ້າການເມືອງກອງພົນທີ 5, ມີສະຫາຍ ພັນເອກ ຄໍາກົດ ອິນສີນາ ເລຂາຄະນະພັກຮາກຖານ ຫົວໜ້າຫ້ອງການເມືອງ ກອງພົນທີ5 ,ມີຮອງເລຂາຄະນະພັກຮາກຖານ, ແຂກຖືກເຊີນອົງການ 5 ຫ້ອງ ຕະຫຼອດຮອດຄະນະໜ່ວຍພັກ ແລະ ສະມາຊິກພັກ ສົມບູນ ແລະ ສໍາຮອງ ໃນ 5 ໜ່ວຍພັກທີ່ຂຶ້ນກັບເຂົ້າຮ່ວມ.
 ສະຫາຍ ພັນເອກ ຄໍາກົດ ອິນສີນາ  ໄດ້ຂຶ້ນຜ່ານບົດລາຍງານການເມືອງທັງສອງພາກ. ຈາກນັ້ນ, ສະຫາຍ ພັນໂທ ສົມເພັດ ສີງຫາວົງ ຮອງເລຂາຄະນະພັກຮາກຖານ ຮອງຫົວໜ້າຫ້ອງການເມືອງກອງພົນທີ 5 ກໍໄດ້ຂຶ້ນຜ່ານບົດສຳຫຼວດການຈັດຕັ້ງນໍາພາຂອງຄະນະພັກຮາກຖານຫ້ອງການເມືອງ ແຕ່ປີ 2018 - 2023 ຊຶ່ງໄລຍະຜ່ານມາ ຄະນະພັກຮາກຖານຫ້ອງການເມືອງ ໄດ້ຖືເອົາວຽກງານການສຶກສາອົບຮົມການເມືອງ-ແນວຄິດ ໃຫ້ສະມາຊິກພັກພາຍໃນກົມກອງຂອງຕົນ ໂດຍສອດຫ້ອຍເຂົ້າໃນທຸກຂົງເຂດວຽກງານຂອງກົມກອງໄດ້ເປັນເຈົ້າການນຳພາ-ບັນຊາ, ປະຕິບັດຫຼັກການລວມສູນປະຊາທິປະໄຕ, ເຮັດວຽກເປັນໝູ່ຄະນະ, ປັບປຸງກໍ່ສ້າງພັກ ໂດຍຖືເອົາການສຶກສາອົບຮົມການເມືອງແນວຄິດ, ການດຳເນີນຊີວິດການເມືອງຕຳນິກໍ່ສ້າງຊຶ່ງກັນ ແລະ ກັນຢ່າງເປັນປົກກະຕິເຮັດໃຫ້ພະນັກງານສະມາຊິກພັກມີແນວຄິດໜັກແໜ້ນອຸ່ນອ່ຽນທຸ່ນທ່ຽງຕໍ່ໜ້າທີ່ວຽກງານກໍ່ສ້າງໜ່ວຍພັກ ແລະ ສະມາຊິກພັກ ຕາມ 5 ຫຼັກການ 3 ທິດນໍາໃນການກໍ່ສ້າງພັກ, ຖືເອົາຄຸນນະພາບເປັນບັນຫາຕົ້ນຕໍ, ປະລິມານເປັນບັນຫາສໍາຄັນ, ຄຽງຄູກັບການປະຕິບັດໜ້າທີ່ວິຊາສະເພາະໄດ້ເປັນຢ່າງດີ.ຄະນະພັກຮາກຖານຫ້ອງການເມືອງ ປະກອບມີ 5 ໜ່ວຍພັກທີ່ຂຶ້ນກັບໃນນີ້ໄດ້ຄັດເລືອກເອົາພະນັກງານ - ນັກຮົບ ໄປຮໍ່າຮຽນທັງພາຍໃນ ແລະ ຕ່າງປະເທດ ຈໍານວນໜຶ່ງ, ຈາກນັ້ນ ຍັງໄດ້ປະຕິບັດນະໂບບາຍຕໍ່ຜູ້ທີ່ມີຜົນງານໄດ້ເປັນຢ່າງດີ, ເອົາໃຈໃສ່ນຳພາ - ຊີ້ນໍາ ສະມາຊິກພາຍໃນໜ່ວຍສ້າງຜົນງານເພີ່ມພູນຜະລິດຜົນແກ້ໄຂຊີວິດການເປັນຢູ່ດ້ວຍການປູກຝັງ - ລ້ຽງສັດ ແລະ ການບໍລິການອື່ນໆ ຕິດພັນກັບຂະບວນການຕ່າງໆໄດ້ເປັນຢ່າງດີ ຈົນສາມາດໄດ້ຮັບທຸງໄຊນຳໜ້າຊາວໜຸ່ມ 4 ບຸກ ແລະ ໃບຢັ້ງຢືນຊາວໜຸ່ມ 4 ບຸກຢ່າງສົມກຽດ ພ້ອມດຽວກັນນັ້ນ ຍັງໄດ້ຮ່ວມມືກັບ ບໍລິສັດມິດຕະພາບ 206 ເຂດ 5 ກອງທັບປະະຊາຊົນຫວຽດນາມເປີດກອງປະຊຸມແລກປ່ຽນສະພາບການດ້ານຕ່າງໆ ຊຶ່ງກັນ ແລະ ກັນ ຜັດປ່ຽນກັນຈັດກອງກອງປະຊຸມປີລະຄັ້ງ, ໃນວາລະດຳເນີນກອງປະຊຸມບັນດາຜູ້ແທນກໍໄດ້ປະກອບຄຳຄິດຄຳເຫັນຕໍ່ບົດລາຍງານການເມືອງທັງສອງພາກ ໃຫ້ມີເນື້ອໃນຄົບຖ້ວນສົມບູນ, ຈາກນັ້ນ ສະມາຊິກພັກກໍໄດ້ໃຊ້ສິດປະຊາທິປະໄຕຂອງຕົນປ່ອນບັດຄັດເລືອກເອົາຄະນະພັກຮາກຖານຊຸດໃໝ່ໄດ້ຕາມລະດັບຄາດໝາຍ, ກອງປະຊຸມຄັ້ງປະຖົມມະລືກໄດ້ເລືອກເອົາ ສະຫາຍ ພັນເອກ ຄຳກົດ ອິນສີນາ ເປັນເລຂາຄະນະພັກຮາກຖານ, ສະຫາຍ ພັນໂທ ສົມເພັດ ສີງຫາວົງ ເປັນຮອງເລຂາ,ສະຫາຍ ພັນໂທ ເພັດລວງຄໍາ ວີໄລທອນ ເປັນປະທານກວດກາຄະນະພັກ, ສະຫາຍ ພັນໂທ ທອງດີ ໂລຫາຊາດ  ເປັນກຳມະການຄະນະພັກຮາກຖານ.
ໂອກາດນີ້, ສະຫາຍ ພົນຈັດຕະວາ ສີປະເສີດ ເຜີຍຄໍາສີງ ກໍໄດ້ໂອ້ລົມ ແລະ ຕີລາຄາສູງຕໍ່ຜົນສໍາເລັດອັນຈົບງາມຂອງກອງປະຊຸມໃຫຍ່ຄັ້ງທີ ⅠⅩຂອງຄະນະພັກຮາກຖານຫ້ອງການເມືອງໃນຄັ້ງນີ້ ແລະພ້ອມທັງເນັ້ນໜັກໃຫ້ຄະນະພັກຊຸດໃໝ່ ຈົ່ງສືບຕໍ່ຍົກສູງຄວາມຮັບຜິດຊອບ,ເປັນເຈົ້າການໃນການສຶກສາອົບຮົມການເມືອງ-ແນວຄິດໃຫ້ຖັນແຖວພະນັກງານສະມາຊິກພັກແຕ່ລະຂັ້ນ, ເພີ່ມທະວີຄວາມສາມັກຄີພາຍໃນໃຫ້ໜັກແໜ້ນ, ເຮັດວຽກເປັນໝູ່ຄະນະ ປະຕິບັດຫຼັກການລວມສູນປະຊາທິປະໄຕ, ມີແບບແຜນວິທີເຮັດວຽກທີ່ທັນສະໄໝ, ຖືເອົາການດຳເນີນຊີວິດການເມືອງປົວແປງພັກໃນການຕຳນິກໍ່ສ້າງຊຶ່ງກັນ ແລະ ກັນ ເຮັດໃຫ້ພະນັກງານສະມາຊິກພັກມີຄວາມເຂັ້ມແຂງ ປະຕິບັດໜ້າທີ່ວິຊາສະເພາະຂອງຕົນ, ຕັ້ງໜ້າອອກແຮງສ້າງຂະບວນການຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວຄົບຮອບ 75 ປີ, ວັນສ້າງຕັ້ງກອງພົນທີ 5 ຄົບຮອບ 42ປີ ທີ່ຈະມາເຖິງໃຫ້ເປັນຂະບວນຟົດຟື້ນ ແລະ ກວ້າງຂວາງ.
ຂ່າວ-ພາບ: ທອງປານ ສີດາໄລ