 |
ສະຫາຍ ທ່ານ ສຸກກະເສີມ ສີຫານຸວົງ ກຳມະການພັກແຂວງ ຮັກສາການເລຂາຄະນະພັກຮາກຖານ ຫົວໜ້າຫ້ອງວ່າການແຂວງກ່າວວ່າ: ກອງປະຊຸມຄັ້ງນີ້ ໄດ້ຕີລາຄາຄືນການຈັດຕັ້ງປະຕິບັດວຽກງານໃນ 5 ປີຜ່ານມາ ແລະ ທິດທາງແຜນການ 5 ປີຕໍ່ໜ້າ. ຜ່ານບົດລາຍງານການເມືອງທັງສອງພາກ ໃນການຈັດຕັ້ງປະຕິບັດວຽກງານຮອບດ້ານ ໃນໄລຍະ 5 ປີຜ່ານມາ (2020-2024) ໂດຍປະຕິບັດຕາມເນື້ອໃນຈິດໃຈມະຕິ ກອງປະຊຸມໃຫຍ່ຄັ້ງທີ XI ຂອງ ສູນກາງພັກ ກໍຄື ມະຕິກອງປະຊຸມ ໃຫຍ່ຄັ້ງທີ VIII ຂອງອົງຄະນະພັກແຂວງ ແລະ ມະຕິກອງປະຊຸມໃຫ່ຍ ຄັ້ງທີ VIII ຂອງ ຄະນະພັກຮາກຖານຫ້ອງວ່າການແຂວງໃຫ້ປະກົດຜົນເປັນຈິງ, ຄະນະພັກຮາກຖານຫ້ອງວ່າການແຂວງ ໄດ້ເລັງໃສ່ ຜັນຂະຫຍາຍບັນດາມະຕິຄໍາສັ່ງ ລະບຽບການ, ນິຕິກຳຕ່າງໆ ທີ່ຂັ້ນເທິງວາງອອກຢ່າງຕັ້ງໜ້າ ເວົ້າລວມ ເວົ້າສະເພາະແມ່ນໄດ້ເອົາໃຈໃສ່ຈັດຕັ້ງປະຕິບັດວຽກງານຕາມພາລະບົດບາດ ເປັນຕົ້ນ: ແມ່ນເປັນເສນາທິການໃຫ້ແກ່ການນຳແຂວງ, ການຄົ້ນຄ້ວາສັງລວມວຽກງານຕ່າງໆ, ການປະສານງານດ້ານຕ່າງໆຢ່າງມີປະສິດທິຜົນ ແລະ ບັນລຸຕາມລະດັບຄາດ ໜາຍ ແລະ ບາງດ້ານກໍລື່ນຄາດໝາຍ, ໄດ້ຍົກໃຫ້ເຫັນຈຸດດີ, ຈຸດອ່ອນ, ບົດຮຽນທີ່ຖອດຖອນໄດ້ ແລະ ບາງບັນຫາຄົງຄ້າງຕ່າງໆ. ຈາກນັ້ນ, ສະຫາຍຫົວໜ້າຫ້ອງວ່າການແຂວງຍັງໄດ້ຜ່ານທິດທາງແຜນການ 5 ປີ ຕໍ່ໜ້າອີກດ້ວຍ.
 |
ສະຫາຍຄະນະພັກຮາກຖານຫ້ອງວ່າການແຂວງ ໄດ້ຜ່ານບົດສຳຫຼວດການນຳພາລວມຂອງຄະນະພັກຮາກຖານ. ຊຶ່ງຄະນະພັກຮາກຖານຫ້ອງວ່າການແຂວງ ມີໜ່ວຍພັກທີ່ຂຶ້ນກັບທັງໝົດ 7 ໜ່ວຍພັກ. ໃນກອງປະຊຸມ, ຜູ້ແທນກອງປະຊຸມໄດ້ພ້ອມກັນໃຊ້ສິດ ປະຊາທິປະໄຕຂອງຕົນ ປ່ອນບັດຄັດເລືອກ ເອົາຄະນະພັກຮາກຖານຊຸດໃໝ່ ບົນພື້ນຖານຄວາມຖືກຕ້ອງ ສອດຄ່ອງກັບມາດຖານເງື່ອນໄຂທີ່ກຳນົດໄວ້ ມີຜູ້ອອກສະໝັກ ທັງໝົດ 7 ສະຫາຍ, ເລືອກເອົາ 5 ສະຫາຍ.
ກອງປະຊຸມຄັ້ງປະຖົມມະລຶກໄດ້ຮັບຮອງເອົາເລຂາ, ຮອງເລຂາ, ປະທານກວດກາຄະນະພັກຮາກຖານ ຄື: ເລືອກເອົາ ສະຫາຍ ສຸກກະເສີມ ສີຫານຸວັງ.ເປັນເລຂາຄະນະພັກຮາກຖານຫ້ອງວ່າການແຂວງ, ເລືອກເອົາສະຫາຍ ທຳມະວົງ ສຸລິຍະວົງ. ຮອງເລຂາ, ສະຫາຍ ນາງ ໄຊຍະລິດ ວົງສາລະວັນ ປະທານກວດກາ ຄະນະພັກຮາກຖານ.
(ແຫຼ່ງຂ່າວ: ແຂວງຈໍາປາສັກ)
ຄໍາເຫັນ