ຄະນະສົງວັດຊ້າງຄູ້ ຮ່ວມກັບອົງການຈັດຕັ້ງບ້ານຊ້າງຄູ້ ສ້າງທາງເຂົ້າວັດ

ເພື່ອເປັນການສ້າງສາແລະພັດທະນາບ້ານ-ເມືອງໃຫ້ມີຄວາມຈະເລີນຮຸ່ງເຮືອງແລະການໄປມາໃຫ້ສະດວກຂຶ້ນ. ດັ່ງນັ້ນ, ພະອາຈານ ພົມສະຫວັນ ໄຊຍະລາດ ເຈົ້າອະທິການວັດຊ້າງຄູ້ສຸຂາຣາມ, ທ່ານ ວັນທອງ ພົງສະຫວັນທອງ ເລຂາພັກບ້ານ ນາຍບ້ານຊ້າງຄູ້ແລະ ຫົວໜ້າໜ່ວຍ ll, ໜ່ວຍ lll ແລະ ລູກໜ່ວຍຈຳນວນໜຶ່ງໄດ້ຕົກລົງເຫັນດີກັນສ້ອມແປງເສັ້ນທາງເຂົ້າວັດຊ້າງຄູ້ຮ່ອມ 4/9 ທີ່ເປ່ເພ, ການໄປ-ມາບໍ່ສະດວກ, ມາຮອດວັນທີ 11 ພະຈິກ 2023 ຜ່ານມາ, ກໍໄດ້ເຂົ້າປະຊຸມປຶກສາຫາລືກັນ ແລະຕົກລົງເຫັນດີກັນກໍ່ສ້າງແລະສ້ອມແປງເສັ້ນທາງເປຕົງເສີມເຫຼັກຊຶ່ງມີຄວາມຍາວ 170 ແມັດ, ກວ້າງ 3 ແມັດ, ໜາ 15 ຊັງຕີແມັດ, ໂດຍເລີ່ມລົງມືກໍ່ສ້າງໃນວັນທີ 26 ທັນວາ 2023 ແລະ ສໍາເລັດໃນວັນ 14 ກຸມພາ 2024, ລວມມູນຄ່າທັງໝົດ 63.655.000 ກີບ, ເງິນຈໍານວນດັ່ງກ່າວທີ່ນໍາມາກໍ່ສ້າງໃນຄັ້ງນີ້, ເງິນກອງທຶນວັດ 16.838.000 ກີບ, ເງິນອອກຕົນຍາດໂຍມໜ່ວຍll,ໜ່ວຍ lllມູນຄ່າ 45.817.000 ກີບ ແລະ ໜ່ວຍl, 1.000.000 ກີບ.
ນອກຈາກນີ້, ຍັງໄດ້ກໍ່ສ້າງທາງເບຕົງເສີມເຫຼັກພາຍໃນວັດຊ້າງຄູ້ສຸຂະຣາມ ຄວາມຍາວ 114 ແມັດ ກວ້າງ 6 ແມັດ, ໜາ 15 ເຊັນ ລວມມູນຄ່າ 50.940.000 ກີບຕື່ມອີກຊຶ່ງລາຍຮັບແມ່ນໄດ້ຈາກງານບຸນພຸດທາພິເສກ, ງານບຸນ ພະເຫວດ ແລະສັດທາຍາດໂຍມຈຳນວນໜຶ່ງ.
ຂ່າວ-ພາບ: ພາບ: ອານຸສອນ