ທີ່ເຄີຍປະຕິບັດສືບທອດກັນມາແດ່ດົນນານ ປີນີ້ຈັດຂຶ້ນຢ່າງຍິ່ງໃຫຍ່ເປັນເວລາ 5 ວັນ ນັບແຕ່ວັນທີ 11-15 ພະຈິກນີ້, ໜຶ່ງໃນເອກະລັກຂອງງານບຸນທີ່ຂາດບໍ່ໄດ້ແມ່ນເຂົ້າຫຼາມ-ປີ້ງໄກ່ໄດ້ກາຍເປັນວັດທະນະທຳອັນດີງາມຂອງຊາດລາວ ແລະ ໄດ້ຮັບຄວາມນິຍົມຊົມຊອບຂອງປະຊາຊົນລາວເປັນຢ່າງດີ.
ທ່ານ ຄຳຕາ ພົມມະຫາ ປະຊາຊົນບ້ານບໍ່ ເມືອງທຸລະຄົມ ແຂວງວຽງຈັນ ໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນເມື່ອບໍ່ດົນມານີ້ວ່າ: ຕົນເອງ ແລະ ຄອບຄົວໄດ້ມາຂາຍເຂົ້າຫຼາມ-ປີ້ງໄກ່ໃນງານບຸນນະມັດສະການພະທາດຫຼວງວຽງຈັນທຸກໆປີ, ເຂົ້າຫຼາມ-ປີ້ງໄກ່ຖືເປັນເອກະລັກໃນງານບຸນທີ່ຂາດບໍ່ໄດ້ ປະຊາຊົນສ່ວນໃຫຍ່ນິຍົມຮັບປະທານ ແລະ ຊື້ກັບບ້ານເພື່ອເປັນຂອງຕ້ອນຂອງຝາກໃນຍາມບຸນ ລາຄາປີ້ງໄກ່ເລີ່ມຕົ້ນ 50,000 ກີບຂຶ້ນໄປ, ເຂົ້າຫຼາມເລີ່ມຕົ້ນ 20,000 ກີບຕໍ່ບັ້ງຂຶ້ນໄປ.
ແມ່ແໜ ວົງໄຊປະຊາຊົນບ້ານໂພນສະຫວ່າງ ເມືອງທຸລະຄົມ ແຂວງວຽງຈັນໄດ້ນຳເອົາເຂົ້າຫຼາມ-ປີ້ງໄກ່ມາຂາຍໃນງານບຸນທຸກໆປີ ເປັນເວລາ 10 ກວ່າປີແລ້ວທີ່ຢຶດຖືອາຊີບຂາຍເຂົ້າຫຼາມປີ້ງ-ໄກ່ຊຶ່ງປີນີ້ເຫັນວ່າໄດ້ຂາຍດີກວ່າປີຜ່ານມາ ຊຶ່ງເຂົ້າຫຼາມມີລາຄາ 10,000 ກີບ-50,000 ກີບ; ປີ້ງໄກ່ລາຄາ 50,000 ກີບຂຶ້ນໄປ, ປີນີ້ເຫັນວ່າໄດ້ຂາຍດີກວ່າທຸກໆປີ ເຮັດໃຫ້ງານບຸນມີບັນຍາກາດຄຶກຄື້ນມ່ວນຊື່ນເພື່ອສົ່ງເສີມວັດທະນະທຳອັນດີງາມຂອງຊາດໄວ້ໃຫ້ຄົງຢູ່ຕະຫຼອດໄປ.
ຂ່າວ: ພູວັນ
ຄໍາເຫັນ