ວິທະຍຸກະຈາຍສຽງຫວຽດນາມລາຍງານວ່າ: ລະດັບເຕີບໂຕ GDP ຂອງ ຫວຽດນາມ ອາດຈະບັນລຸປະມານ 4,7% ໃນປີ 2023. ເຖິງຢ່າງໃດກໍຕາມ, ການເຕີບໂຕ GDP ຂອງ ຫວຽດນາມ ຈະຟື້ນຟູຂຶ້ນລະດັບ 6,5% ໃນປີ 2024, ຍ້ອນການຟື້ນຟູກ່ຽວກັບການສົ່ງອອກ ແລະ ການຜະລິດ. ສິ່ງດັ່ງກ່າວຈະໄປຄຽງຄູ່ກັບການຟື້ນຟູປະລິມານການຜະລິດຂອງຂະແໜງຜະລິດຂອງຫວຽດນາມ ຈາກລະດັບບໍ່ມີການເຕີບໂຕໃນປີນີ້, ຂຶ້ນລະດັບເຕີບໂຕ 8-9% ໃນປີ 2024. ນີ້ແມ່ນເນື້ອໃນທີ່ພົ້ນເດັ່ນໃນບົດລາຍງານກ່ຽວກັບບັນດາຈຸດເດັ່ນເສດຖະກິດ ຫວຽດນາມ ຂອງທ່ານ ມິດເຊວ ໂກກາລາຣີ ຫົວໜ້າພະແນກໄຈ້ແຍກເສດຖະກິດມະຫາພາກ ແລະ ຄົ້ນຄວ້າຕະຫຼາດຂອງ VinaCapital (ບໍລິສັດດ້ານການລົງທຶນໃຫຍ່ທີ່ສຸດໃນຫວຽດນາມ) ທີ່ຫາກໍປະກາດ.
ຕາມການໄຈ້ແຍກຂອງ VinaCapital, ການເຕີບໂຕໃນຂົງເຂດບໍລິໂພກພາຍໃນປະເທດປີ 2023 ແມ່ນເກືອບວ່າບໍ່ມີການປ່ຽນແປງເມື່ອທຽບກັບໄລຍະດຽວກັນຂອງປີ 2022. ຕະຫຼາດໄດ້ຮັບຜົນກະທົບ ຍ້ອນສິ່ງທ້າທາຍພວມເກີດຂຶ້ນໃນຕະຫຼາດອະສັງຫາລິມະຊັບ ແລະ ຍ້ອນການສົ່ງອອກຂອງ ຫວຽດນາມ ຫຼຸດລົງ. ກົງກັນຂ້າມ, ຈຳນວນແຂກທ່ອງທ່ຽວຕ່າງປະເທດໄດ້ຟື້ນຟູຂຶ້ນເກືອບ 70% ເມື່ອທຽບໃສ່ລະດັບກ່ອນເກີດ ໂຄວິດ-19 ໃນປີ 2023. ສິ່ງດັ່ງກ່າວໄດ້ຊຸກຍູ້ການເຕີບໂຕ GDP ຂອງຫວຽດນາມ ໃນປີ 2023.
ຄໍາເຫັນ