ໃນປີ 2023 ຜ່ານມາ ເສດຖະກິດຂອງເມືອງປາກລາຍຂະຫຍາຍຕົວ 7,3% ສະເລ່ຍລາຍຮັບໄດ້ 26 ລ້ານກີບຕໍ່ຄົນຕໍ່ປີ, ໃນຂະນະທີ່ປີ 2024 ນີ້ ຄາດວ່າຈະຂະຫຍາຍຕົວໃນລະດັບ 8%.
ສະຫາຍ ຄຳຝັ້ນ ວົງສະຫວັນ ກຳມະການປະຈຳພັກເມືອງ ຮອງເຈົ້າເມືອງປາກລາຍຜູ້ຊີ້ນຳວຽກງານເສດຖະກິດຂັ້ນເມືອງ ໄດ້ລາຍງານຕໍ່ກອງປະຊຸມຄົບຄະນະບໍລິຫານງານພັກເມືອງຄັ້ງທີ 12 ສະໄໝທີ VIII ຈັດຂຶ້ນໃນວັນທີ 25-26 ຜ່ານມານີ້ວ່າ: ການຈັດຕັ້ງປະຕິບັດແຜນພັດທະນາເສດຖະກິດ-ສົງຄົມຢູ່ເມືອງປາກລາຍ ແຂວງໄຊຍະບູລີ ໃນປີ 2023 ເສດຖະກິດພາຍໃນເມືອງຂະຫຍາຍຕົວໃນລະດັບ 7,3%, ທຽບໃສ່ແຜນການປີປະຕິບັດໄດ້ 91%, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 0,1%, ລວມຍອດຜະລິດຕະພັນພາຍໃນບັນລຸ 1.988 ຕື້ກີບ, ສະເລ່ຍໃສ່ຫົວຄົນໜຶ່ງໄດ້ 26 ລ້ານກີບ ເທົ່າກັບ 1.286 ໂດລາຕໍ່ຄົນຕໍ່ປີ, ທຽບໃສ່ແຜນການປີ ຫຼຸດລົງ 40,23% ທຽບໃສ່ປີຜ່ານມາຫຼຸດລົງ 14% (ຍ້ອນອັດຕາແລກປ່ຽນລະຫວ່າງເງິນກີບກັບເງິນໂດລາເພີ່ມຂຶ້ນ) ໃນນັ້ນ ກະສິກໍາຂະຫຍາຍຕົວ 11,36%, ທຽບໃສ່ປີຜ່ານມາເພີ່ມຂຶ້ນ 1,3%, ກວມເອົາ 47,06%, ອຸດສາຫະກຳຂະຫຍາຍຕົວ 3,37%, ທຽບໃສ່ປີຜ່ານມາຫຼຸດລົງ 3%, ກວມເອົາ 28,87%, ບໍລິການຂະຫຍາຍຕົວ 4,66%, ທຽບໃສ່ແຜນການປີເພີ່ມຂຶ້ນ 1,3%, ກວມເອົາ 24,07%.
ໄດ້ເອົາໃຈໃສ່ຊຸກຍູ້ ຕິດຕາມໂຄງການທີ່ຈັດຕັ້ງປະຕິບັດຢູ່ພາຍໃນເມືອງທັງໝົດ 23 ໂຄງການ, ລວມມູນຄ່າ 283 ຕື້ກີບໃນນັ້ນ, ໂຄງການທີ່ກໍາລັງຈັດຕັ້ງປະຕິບັດມີ 9 ໂຄງການ ລວມມູນຄ່າ 256 ຕື້ກີບ, ໂຄງການທີ່ປະຕິບັດ 100% ມີ 14 ໂຄງການ ລວມມູນຄ່າ 11,56 ຕື້ກີບ; ການລົງທຶນຂອງລັດທີ່ສະພາອະນຸມັດຈ່າຍປີ 2023 ມີທັງໝົດ 48 ໂຄງການ ລວມມູນຄ່າ 11 ຕື້ກີບ, ການລົງທຶນຂອງເອກະຊົນພາຍໃນ ແລະ ຕ່າງປະເທດ ຢູ່ພາຍໃນເມືອງ ມີທັງໝົດ 6 ໂຄງການ, ລວມມູນຄ່າ 16 ຕື້ກີບ; ໄດ້ປ່ອຍສິນເຊື່ອໃຫ້ບັນດາຫົວໜ່ວຍການຜະລິດ, ທຸລະກິດທັງໝົດ 117ຕື້ກີບ, ລື່ນແຜນການປີ 36,36%, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 78%; ດ້ານການປູກພືດລະດູຝົນມີເນື້ອປູກເຂົ້າແຜນການທັງໝົດ 6.900 ເຮັກຕາ ປະຕິບັດໄດ້ 99,67% ຂອງແຜນການປີ ໃນນັ້ນ, ເຂົ້ານາປີ ມີເນື້ອທີ່ 6.400 ຮຕ ຜົນຜະລິດໄດ້ 28.800 ໂຕນ, ເຂົ້າໄຮ່ ເນື້ອທີ່ 478,45 ເຮັກຕາ, ຜົນຜະລິດໄດ້ 1.674,57 ໂຕນ, ລວມການຜະລິດເຂົ້າທັງໝົດ 30.732,69 ໂຕນ ສະເລ່ຍໃສ່ຫົວຄົນໜຶ່ງໄດ້ 398 ກິໂລຕໍ່ຄົນ, ການປູກພືດລະດູແລ້ງເນື້ອທີ່ 6.100ເຮັກຕາ ທຽບໃສ່ແຜນການປີ ປະຕິບັດໄດ້96% ຜົນຜະລິດ 16.000ໂຕນ, ປູກພືດເປັນສິນຄ້າໄດ້ທັງໝົດ 34.994 ເຮັກຕາ ລື່ນແຜນການປີ 2,25%, ຜົນຜະລິດໄດ້ທັງໝົດ 860.000 ໂຕນ, ປູກພືດສະບຽງອາຫານມີເນື້ອທີ່ 382ເຮັກຕາ, ຜົນຜະລິດໄດ້ 1.922 ໂຕນ ເທົ່າກັບ 77%.
ສຳລັບແຜນການໃນປີ 2024 ນີ້ຄາດຄະເນການເຕີບໂຕເສດຖະກິດ ຈະຂະຫຍາຍຕົວຢູ່ໃນລະດັບ 8% ແລະ ສ້າງມູນຄ່າເພີ່ມໃຫ້ໄດ້ປະມານ 2.490 ຕື້ກີບ, ສະເລ່ຍຕໍ່ຫົວຄົນໃຫ້ໄດ້ 3.604 ໂດລາ, ສູ້ຊົນຊຸກຍູ້ການລົງທຶນ ເຂົ້າໃນການພັດທະນາໃຫ້ໄດ້ 488,07 ຕື້ກີບ ເທົ່າກັບ 24,55% ຂອງລວມຍອດລາຍຮັບທົ່ວເມືອງ, ຄາດຄະເນລາຍຮັບ ປີ 2024 ບໍ່ໃຫ້ຫຼຸດ 6,06 ຕື້ກີບ ໃນນີ້ ຮັບຈາກສ່ວຍສາອາກອນ 5,91 ຕື້ກີບ ແລະ ຮັບຈາກຊັບສິນ 156,25 ລ້ານກີບ, ສູ້ຊົນເຮັດໃຫ້ມູນຄ່າການສົ່ງອອກສິນຄ້າພາຍໃນໃຫ້ໄດ້ 38 ຕື້ກີບ, ສົ່ງອອກຕ່າງປະເທດໃຫ້ໄດ້ 222 ຕື້ກີບ, ຄຸ້ມຄອງການນໍາເຂົ້າສິນຄ້າໃຫ້ຢູ່ໃນລະດັບ 250ຕື້ກີບ, ມູນຄ່າການຜະລິດອຸດສາຫະກໍາໃຫ້ໄດ້ 372 ຕື້ກີບ, ມູນຄ່າການຈໍາໜ່າຍໃຫ້ໄດ້ 469 ຕື້ກີບ, ປ່ອຍສິນເຊື່ອຂອງທະນາຄານໃຫ້ບັນດາຫົວໜ່ວຍການຜະລິດ, ທຸລະກິດທັງໝົດ 208 ຕື້ກີບ, ລະດົມເງິນຝາກໄດ້ 260 ຕື້ກີບ.
ຂ່າວ-ພາບ: ທອງສະຫວັດ ໄຊຍະລາດ
ສະຫາຍ ຄຳຝັ້ນ ວົງສະຫວັນ ກຳມະການປະຈຳພັກເມືອງ ຮອງເຈົ້າເມືອງປາກລາຍຜູ້ຊີ້ນຳວຽກງານເສດຖະກິດຂັ້ນເມືອງ ໄດ້ລາຍງານຕໍ່ກອງປະຊຸມຄົບຄະນະບໍລິຫານງານພັກເມືອງຄັ້ງທີ 12 ສະໄໝທີ VIII ຈັດຂຶ້ນໃນວັນທີ 25-26 ຜ່ານມານີ້ວ່າ: ການຈັດຕັ້ງປະຕິບັດແຜນພັດທະນາເສດຖະກິດ-ສົງຄົມຢູ່ເມືອງປາກລາຍ ແຂວງໄຊຍະບູລີ ໃນປີ 2023 ເສດຖະກິດພາຍໃນເມືອງຂະຫຍາຍຕົວໃນລະດັບ 7,3%, ທຽບໃສ່ແຜນການປີປະຕິບັດໄດ້ 91%, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 0,1%, ລວມຍອດຜະລິດຕະພັນພາຍໃນບັນລຸ 1.988 ຕື້ກີບ, ສະເລ່ຍໃສ່ຫົວຄົນໜຶ່ງໄດ້ 26 ລ້ານກີບ ເທົ່າກັບ 1.286 ໂດລາຕໍ່ຄົນຕໍ່ປີ, ທຽບໃສ່ແຜນການປີ ຫຼຸດລົງ 40,23% ທຽບໃສ່ປີຜ່ານມາຫຼຸດລົງ 14% (ຍ້ອນອັດຕາແລກປ່ຽນລະຫວ່າງເງິນກີບກັບເງິນໂດລາເພີ່ມຂຶ້ນ) ໃນນັ້ນ ກະສິກໍາຂະຫຍາຍຕົວ 11,36%, ທຽບໃສ່ປີຜ່ານມາເພີ່ມຂຶ້ນ 1,3%, ກວມເອົາ 47,06%, ອຸດສາຫະກຳຂະຫຍາຍຕົວ 3,37%, ທຽບໃສ່ປີຜ່ານມາຫຼຸດລົງ 3%, ກວມເອົາ 28,87%, ບໍລິການຂະຫຍາຍຕົວ 4,66%, ທຽບໃສ່ແຜນການປີເພີ່ມຂຶ້ນ 1,3%, ກວມເອົາ 24,07%.
ໄດ້ເອົາໃຈໃສ່ຊຸກຍູ້ ຕິດຕາມໂຄງການທີ່ຈັດຕັ້ງປະຕິບັດຢູ່ພາຍໃນເມືອງທັງໝົດ 23 ໂຄງການ, ລວມມູນຄ່າ 283 ຕື້ກີບໃນນັ້ນ, ໂຄງການທີ່ກໍາລັງຈັດຕັ້ງປະຕິບັດມີ 9 ໂຄງການ ລວມມູນຄ່າ 256 ຕື້ກີບ, ໂຄງການທີ່ປະຕິບັດ 100% ມີ 14 ໂຄງການ ລວມມູນຄ່າ 11,56 ຕື້ກີບ; ການລົງທຶນຂອງລັດທີ່ສະພາອະນຸມັດຈ່າຍປີ 2023 ມີທັງໝົດ 48 ໂຄງການ ລວມມູນຄ່າ 11 ຕື້ກີບ, ການລົງທຶນຂອງເອກະຊົນພາຍໃນ ແລະ ຕ່າງປະເທດ ຢູ່ພາຍໃນເມືອງ ມີທັງໝົດ 6 ໂຄງການ, ລວມມູນຄ່າ 16 ຕື້ກີບ; ໄດ້ປ່ອຍສິນເຊື່ອໃຫ້ບັນດາຫົວໜ່ວຍການຜະລິດ, ທຸລະກິດທັງໝົດ 117ຕື້ກີບ, ລື່ນແຜນການປີ 36,36%, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 78%; ດ້ານການປູກພືດລະດູຝົນມີເນື້ອປູກເຂົ້າແຜນການທັງໝົດ 6.900 ເຮັກຕາ ປະຕິບັດໄດ້ 99,67% ຂອງແຜນການປີ ໃນນັ້ນ, ເຂົ້ານາປີ ມີເນື້ອທີ່ 6.400 ຮຕ ຜົນຜະລິດໄດ້ 28.800 ໂຕນ, ເຂົ້າໄຮ່ ເນື້ອທີ່ 478,45 ເຮັກຕາ, ຜົນຜະລິດໄດ້ 1.674,57 ໂຕນ, ລວມການຜະລິດເຂົ້າທັງໝົດ 30.732,69 ໂຕນ ສະເລ່ຍໃສ່ຫົວຄົນໜຶ່ງໄດ້ 398 ກິໂລຕໍ່ຄົນ, ການປູກພືດລະດູແລ້ງເນື້ອທີ່ 6.100ເຮັກຕາ ທຽບໃສ່ແຜນການປີ ປະຕິບັດໄດ້96% ຜົນຜະລິດ 16.000ໂຕນ, ປູກພືດເປັນສິນຄ້າໄດ້ທັງໝົດ 34.994 ເຮັກຕາ ລື່ນແຜນການປີ 2,25%, ຜົນຜະລິດໄດ້ທັງໝົດ 860.000 ໂຕນ, ປູກພືດສະບຽງອາຫານມີເນື້ອທີ່ 382ເຮັກຕາ, ຜົນຜະລິດໄດ້ 1.922 ໂຕນ ເທົ່າກັບ 77%.
ສຳລັບແຜນການໃນປີ 2024 ນີ້ຄາດຄະເນການເຕີບໂຕເສດຖະກິດ ຈະຂະຫຍາຍຕົວຢູ່ໃນລະດັບ 8% ແລະ ສ້າງມູນຄ່າເພີ່ມໃຫ້ໄດ້ປະມານ 2.490 ຕື້ກີບ, ສະເລ່ຍຕໍ່ຫົວຄົນໃຫ້ໄດ້ 3.604 ໂດລາ, ສູ້ຊົນຊຸກຍູ້ການລົງທຶນ ເຂົ້າໃນການພັດທະນາໃຫ້ໄດ້ 488,07 ຕື້ກີບ ເທົ່າກັບ 24,55% ຂອງລວມຍອດລາຍຮັບທົ່ວເມືອງ, ຄາດຄະເນລາຍຮັບ ປີ 2024 ບໍ່ໃຫ້ຫຼຸດ 6,06 ຕື້ກີບ ໃນນີ້ ຮັບຈາກສ່ວຍສາອາກອນ 5,91 ຕື້ກີບ ແລະ ຮັບຈາກຊັບສິນ 156,25 ລ້ານກີບ, ສູ້ຊົນເຮັດໃຫ້ມູນຄ່າການສົ່ງອອກສິນຄ້າພາຍໃນໃຫ້ໄດ້ 38 ຕື້ກີບ, ສົ່ງອອກຕ່າງປະເທດໃຫ້ໄດ້ 222 ຕື້ກີບ, ຄຸ້ມຄອງການນໍາເຂົ້າສິນຄ້າໃຫ້ຢູ່ໃນລະດັບ 250ຕື້ກີບ, ມູນຄ່າການຜະລິດອຸດສາຫະກໍາໃຫ້ໄດ້ 372 ຕື້ກີບ, ມູນຄ່າການຈໍາໜ່າຍໃຫ້ໄດ້ 469 ຕື້ກີບ, ປ່ອຍສິນເຊື່ອຂອງທະນາຄານໃຫ້ບັນດາຫົວໜ່ວຍການຜະລິດ, ທຸລະກິດທັງໝົດ 208 ຕື້ກີບ, ລະດົມເງິນຝາກໄດ້ 260 ຕື້ກີບ.
ຂ່າວ-ພາບ: ທອງສະຫວັດ ໄຊຍະລາດ
ຄໍາເຫັນ