ມີ 7 ທີມຄື: ໂຮງຮຽນມັດທະຍົມສົມບູນ SOS, ໂຮງຮຽນມັດທະຍົມສົມບູນ ເມືອງໂພນໄຊ, ໂຮງຮຽນມັດທະຍົມສົມບູນເດັກກໍ່າພ້າ, ໂຮງຮຽນມັດທະຍົມສົມບູນ ສັນຕິພາບ, ໂຮງຮຽນມັດທະຍົມສົມບູນ ປະຊາທິປະໄຕ, ໂຮງຮຽນມັດທະຍົມສົມບູນພັນຫຼວງ ແລະໂຮງຮຽນມັດທະຍົມສົມບູນປ່ອງຄໍາ. ສ່ວນຮຸ່ນມັດທະຍົມຕອນຕົ້ນ ມີ 5 ທີມ ຄື: ໂຮງຮຽນມັດທະຍົມຕົ້ນເອື້ອຍໜູນ້ອຍ, ໂຮງຮຽນມັດທະຍົມສົມບູນສັນຕິພາບ, ໂຮງຮຽນມັດທະຍົມສົມບູນ SOS, ໂຮງຮຽນມັດທະຍົມສົມບູນ ປະຊາທິປະໄຕ ແລະໂຮງຮຽນມັດທະຍົມສົມບູນປ່ອງຄໍາຊຶ່ງກ່ອນຈະມີການສະຫຼຸບການແຂ່ງຂັນ ໄດ້ມີການແຂ່ງຂັນຄູ່ຊີງອັນດັບທີ 3 ແລະຄູ່ຊີງທີ1 ຊັ້ນມັດທະຍົມປາຍ. ສະເພາະຄູ່ຊີງທີ1 ເປັນການພົບກັນລະຫວ່າງ ໂຮງຮຽນມັດທະຍົມສົມບູນເມືອງໂພນໄຊ ແລະ ໂຮງຮຽນມັດທະຍົມສົມບູນສັນຕິພາບ, ຜ່ານການແຂ່ງຂັນ ໂຮງຮຽນມັດທະຍົມສົມບູນເມືອງໂພນໄຊ ສາມາດເອົາຊະນະ ໂຮງຮຽນມັດທະຍົມສົມບູນ ສັນຕິພາບ 2 ປະຕູຕໍ່ 0.
ສະຫຼຸບຜົນການແຂ່ງຂັນຮຸ່ນມັດທະຍົມຕອນຕົ້ນທີ1 ໂຮງຮຽນມັດທະຍົມສົມບູນ ປະຊາທິປະໄຕ ໄດ້ຮັບເງິນ 4 ລ້ານກີບ ພ້ອມຂັນ1ໜ່ວຍ, ທີ 2 ໂຮງຮຽນມັດທະຍົມສົມບູນ ສັນຕິພາບໄດ້ຮັບເງິນ 3 ລ້ານກີບ, ທີ 3 ໂຮງຮຽນມັດທະຍົມສົມບູນປ່ອງຄຳໄດ້ຮັບເງິນ 2 ລ້ານກີບ ແລະທີ 4 ໂຮງຮຽນມັດທະຍົມຕົ້ນ ເອື້ອຍໜູນ້ອຍໄດ້ຮັບເງິນສົດ 1 ລ້ານກີບ ແລະ ຮຸ່ນມັດທະຍົມຕອນປາຍ ທີ 1 ໂຮງຮຽນມັດທະຍົມສົມບູນເມືອງໂພນໄຊ ໄດ້ຮັບເງິນ 5 ລ້ານກີບ ພ້ອມຂັນ1ໜ່ວຍ, ທີ 2 ໂຮງຮຽນມັດທະຍົມສົມບູນ ສັນຕິພາບ ໄດ້ຮັບເງິນ 3ລ້ານ 5 ແສນກີບ, ທີ 3 ໂຮງຮຽນມັດທະຍົມສົມບູນປ່ອງຄໍາ ໄດ້ຮັບເງິນ 2 ລ້ານ 5 ແສນກີບ ແລະທີ 4 ໂຮງຮຽນມັດທະຍົມປາຍພັນຫຼວງໄດ້ຮັບເງິນສົດ 1 ລ້ານ 5 ແສນກີບ.
ໃນໂອກາດກ່າວປິດການແຂ່ງຂັນ, ທ່ານ ບຸນເລື່ອມ ມະນີວົງ ຮອງເຈົ້າແຂວງຫຼວງພະບາງ ປະທານສະມາຄົມກິລາ-ກາຍຍະກຳແຂວງ ໄດ້ສະແດງຄວາມຊົມເຊີຍ ທຸກພາກສ່ວນທີ່ໄດ້ສົ່ງນັກກິລາເຂົ້າຮ່ວມແຂ່ງຂັນ ເຮັດໃຫ້ມີບັນຍາກາດຄຶກຄື້ນ ພ້ອມນັ້ນທ່ານໄດ້ສະແດງຄວາມຊົມເຊີຍ ນັກກິລາທີ່ຍາດໄດ້ຜົນງານໃນການແຂ່ງຂັນຄັ້ງນີ້ ທັງເນັ້ນໃຫ້ສືບຕໍ່ພັດທະນາຕົນເອງ ເພື່ອໃຫ້ກາຍເປັນນັກກິລາດີເດັ່ນຂອງແຂວງ ເພື່ອເຂົ້າຮ່ວມແຂ່ງຂັນໃນງານມະຫະກຳກິລາແຫ່ງຊາດ ທີ່ຈະຈັດຂຶ້ນໃນທ້າຍປີນີ້ ແລະ ທ່ານໄດ້ມອບລາງວັນໃຫ້ນັກກິລາແຕ່ລະທີມຢ່າງສົມກຽດ.
(ຂ່າວ:ຫຼວງພະບາງ)
ຄໍາເຫັນ